郭柏妍

郭柏妍拍片大爆台慶綵排曾出事!全素顏上陣獲網民大讚有仙氣

最新娛聞

廣告

《萬千星輝賀台慶》於上星期舉行,全晚最搶鏡就一定係身穿緊身瑜伽服大玩空中瑜伽的郭柏妍。不過郭柏妍為了表演空中瑜伽認真多災多難,不但在表演時疑似走光,練習期間又受傷。郭柏妍近日就拍片大爆台慶綵排出事全過程,睇到粉絲們都超心痛!

郭柏妍 郭柏妍總共只為台慶表演練習了8次就上台,認真夠曬厲害!
郭柏妍總共只為台慶表演練習了8次就上台,認真夠曬厲害!(圖片來源:YouTube@郭柏妍 Rosita Kwok)

郭柏妍紀錄練習受傷過程 痛到做唔到超騰雞

郭柏妍近日在個人YouTube頻道上傳一段台慶特訓VLOG,紀錄自己用8日重新學習空中瑜伽的片段。郭柏妍在影片一開始就指自己很久沒有學習空中瑜伽,練到差啲想嘔。當練到差唔多上手嘅時候,郭柏妍到第六次練習的時候,就突然拉傷肋骨位置。郭柏妍講到一半都忍唔住哽咽,仲話好擔心添:「我之前上繩係從來冇試過嗌,今次係痛到嗌咗出嚟。跟住排舞嘅時候都唔係好順利,但係個Show宜家只係剩返幾日。」

郭柏妍 郭柏妍紀錄練習空中瑜伽的片段,佢話受傷之後痛到上繩都會大叫。
郭柏妍紀錄練習空中瑜伽的片段,佢話受傷之後痛到上繩都會大叫。(圖片來源:YouTube@郭柏妍 Rosita Kwok)
郭柏妍 講到一半都冇曬精神,又眼濕濕咁,真係睇到粉絲們都心痛!
講到一半都冇曬精神,又眼濕濕咁,真係睇到粉絲們都心痛!(圖片來源:YouTube@郭柏妍 Rosita Kwok)

拍片大爆台慶綵排曾出事

除了練習時受傷之外,郭柏妍在綵排時原來都出意外。郭柏妍拍片指,原來在第二日的第二次綵排中發生咗一件好大嘅事:「我上唔到繩,企咗喺度整整一分鐘,咩都冇做過。」一講完呢句就上字幕「To Be Continued」,大賣關子冇為點解上唔到繩多作補充。

郭柏妍 第二場彩排時郭柏妍一度上唔到繩!
第二場彩排時郭柏妍一度上唔到繩!(圖片來源:YouTube@郭柏妍 Rosita Kwok)
郭柏妍 企喺台中心等足一分鐘。
企喺台中心等足一分鐘。(圖片來源:YouTube@郭柏妍 Rosita Kwok)

全素顏上陣網民大讚有仙氣

今次郭柏妍在Vlog多次以素顏上陣,不過就無損其美貌,反而更顯清純,並獲網民大讚有仙氣:「唔化妝都好好睇」、「素顏超靚」、「素顏都靚到咁好犯規」等。

郭柏妍 郭柏妍全素顏上陣都超靚。
郭柏妍全素顏上陣都超靚。(圖片來源:YouTube@郭柏妍 Rosita Kwok)
郭柏妍 反而更加有仙氣。
反而更加有仙氣。(圖片來源:YouTube@郭柏妍 Rosita Kwok)

一齊睇片:

TVB台慶2023|郭柏妍緊身瑜伽服上陣險走光

上星期台慶表演多羅羅,最受到矚目的一定就是郭柏妍以一身緊身瑜伽服上陣表演空中瑜伽。只練習了幾日嘅郭柏妍非常有料到,喺空中自轉多圈,做出多個高難度動作,不過就Close Up唔多仲要畀現場噴煙遮住,非常可惜。此外郭柏妍在空中倒吊期間差點走光,要佢伸手扯衫遮擋,場面非常牙煙!

郭柏妍 TVB台慶 郭栢妍 郭栢妍緊身瑜伽服上陣,倒吊做高難度動作時險走光!
郭柏妍緊身瑜伽服上陣,倒吊做高難度動作時險走光!(圖片來源:TVB截圖)

TVB台慶2023|郭柏妍聲稱做足安全措施

郭柏妍在接受訪問時被問到在台上倒吊差點走光一事,郭柏妍就多次強調自己有做足安全措施,所以並唔擔心:「其實都唔驚嘅,因為我自己都有做足安全措施,都有貼曬,所以都唔怕。(頭先好似有用隻手遮住)呃..好似係有嘅,但我係有做足安全措施嘅,咁嗰個(動作)係just in case、for safe啫。」郭柏妍指自己並沒有擔心會走光的問題,反而更加擔心動作未能做得到位。

郭柏妍 TVB台慶 郭栢妍 郭栢妍多次強調有做足安全措施。
郭柏妍多次強調有做足安全措施。(圖片來源:東方新地)

TVB台慶2023|郭栢妍開心解鎖成就:第一次吊到咁高

今次被玩空中瑜伽玩到被吊上電視城1廠,郭栢妍指很開心TVB給予自己今次機會挑戰玩空中瑜伽:「我第一次吊上咁高嘅地方,平時玩空中瑜伽都唔會咁高,今次第一次吊上去1廠上面。我覺得係一個解鎖嚟嘅,我都好開心,我自己都冇諗過咁短時間之內可以做到,同埋多謝佢地畀呢個機會我,令我真係成長咗好多。」

郭柏妍 TVB台慶 郭栢妍 郭栢妍在電視城1廠最高處大玩空中瑜伽。
郭栢妍在電視城1廠最高處大玩空中瑜伽。(圖片來源:TVB截圖)
郭柏妍 TVB台慶 郭栢妍 做出多個高難度動作。
做出多個高難度動作。(圖片來源:TVB截圖)

TVB台慶2023|郭柏妍練習不慎受傷 一度在街上崩潰大哭

郭柏妍又指今次為了準備空中瑜伽表演,一度整親條腰,搞到好多動作都做唔到,更因此一度在街上崩潰大哭:「我有同瑜伽老師講『我好痛啊,咩都做唔到』。我嗰一刻真係好無助,我好驚我做唔到,因為我本身係做到嘅,如果我做唔到會好對唔住成個台嘅人,所以我喺條街到喊咗出嚟:『點解我會做唔到㗎!』」幸好即日有去睇醫生,令情況沒有更加惡化下去。

郭柏妍 TVB台慶 郭栢妍 郭栢妍在接受訪問時指曾經因為未能完成部分瑜伽動作,而在街上崩潰大哭。
郭栢妍在接受訪問時指曾經因為未能完成部分瑜伽動作,而在街上崩潰大哭。(圖片來源:東方新地)

TVB台慶2023|郭柏妍綵排期間被撞到嘴唇爆血

多災多難的郭柏妍,除了整親條腰之外,連嘴唇都被撞到爆血。郭柏妍憶述在綵排當時被好友撞傷嘴唇,最初以為只是稍微滲血,最後才被告知原來是大爆血,黎諾懿見到都嚇一跳。雖然記者再三追問「元兇」的身份,不過郭栢妍非常有義氣,指不希望大家責怪對方,所以堅持沒有開名。

郭柏妍 TVB台慶 郭栢妍 仔細睇郭栢妍嘴唇右下方,就算化咗妝都睇到有紅腫。
仔細睇郭柏妍嘴唇右下方,就算化咗妝都睇到有紅腫。(圖片來源:東方新地)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:YouTube@郭柏妍 Rosita Kwok、TVB截圖、東方新地