new2

鄧健泓MV六星助陣 《閃電傳真機》拍檔力撐

鄧健泓(Patrick)將於4月29日於旺角麥花臣球場舉行演唱會,其包辦作曲、填詞嘅個唱主題曲全新MV〈那年。某日〉昨日曝光 ,說到回憶,舊人、舊物、舊事,Patrick當年在經典兒童節目《閃電傳真機》的搖籃長大,這個成長階段是他的難忘歷程,所以新MV除了切合回憶的主題外,最驚喜是《閃電傳真機》三位舊拍檔主持譚玉瑛、麥長青 (麥包)、蓋世寶都在MV現身客串,另外參演的嘉賓尚有Patrick好友孫耀威、蔣志光和鄭敬基。

撰文:東方新地

鄧健泓MV六星助陣 《閃電傳真機》拍檔力撐

〈那年。某日〉的MV充滿人情故事和青春印記,六位圈中好友各自帶了一件令他們滿載回憶的私物,而Patrick就將私物的回憶化成文字,他說:「首歌係講青春回憶,歌詞中嘅『你』係青春,我請呢幾位朋友喺屋企攞一件令佢哋有青春回憶嘅物件去拍攝,佢哋好好,搵到好有價值嘅嘢同大家分享,例如蔣志光嘅walkman,點解我寫嘅字句係『現在的垂手可得遠遠不及,曾經的用心經營』,就係講依家我哋嘅音樂垂手可得,隨時download到,但係以前我哋為咗輯錄一盒自己喜歡嘅歌曲擺落錄音帶,係需要過程同埋心機,所以以前嘅歌係咁刻骨銘心;亦都可以比喻依家嘅人或者愛情,所有垂手可得嘅唔會珍惜,用心經營過你先識得珍惜。」

鄧健泓
鄧健泓拍MV,就有老婆石詠莉幫佢化妝,真係賢內助!
鄧健泓
鄧健泓MV〈那年。某日〉找來好友蔣志光助陣!
鄧健泓
鄧健泓MV〈那年。某日〉,蔣志光認為私物walkman充滿回憶!

麥包 遊戲機

麥包的故事最傷感,Patrick 說:「佢喺MV拎住嘅遊戲機係同佢親生兄弟細個時候一齊玩,但佢嘅兄弟已經離開咗,我就寫咗好朋友,兄弟都可以好朋友,了解麥包你就會更加有感覺。」

鄧健泓
鄧健泓MV〈那年。某日〉
鄧健泓
鄧健泓MV〈那年。某日〉

蓋世寶 毛公仔

蓋世寶抱住一隻陪伴她多年的毛公仔出鏡,Patrick 說她初時不想帶來,因為毛公仔很殘破,「佢成日話未同隻毛公仔做手術,因為驚佢痛,但既然咁有意思不如拎嚟,好多女仔會攬住隻公仔,開心攬住佢,唔開心攬住佢喊,甚至同佢傾偈,呢個就係佢表達嘅嘢,佢對呢件物件都做過呢幾啲事。」

鄧健泓
鄧健泓MV〈那年。某日〉找來好耐冇見嘅蓋世寶參演!
鄧健泓
鄧健泓MV〈那年。某日〉找來好耐冇見嘅蓋世寶助陣,佢就準備咗陪伴多年的毛公仔參演!

孫耀威 「龍虎三皇」figure

孫耀威帶來的是本土漫畫《龍虎門》的「龍虎三皇」figure,少年時候的孫耀威在所有書本上都畫滿了「王小虎」的公仔,這就是他的回憶,Patrick 說:「王小虎好打得,我就寫咗一句我們曾經都有著不壞之身,因為有青春,所以我哋覺得係所向披靡、無敵,唔驚有病痛。」

鄧健泓
鄧健泓MV〈那年。某日〉孫耀威帶來「龍虎三皇」figure!
鄧健泓
鄧健泓MV〈那年。某日〉有好友孫耀威助陣!

譚玉瑛 日記

至於譚玉瑛姐姐的曝光私物是本日記薄,以前她確有寫日記的習慣,而無數人都曾將自己的感覺或把歌詞寫在薄上,變成好像罰抄歌詞,又會把歌詞套在自己和別人的身上。

鄧健泓
鄧健泓MV唔少得拍檔譚玉瑛姐姐,佢嘅私物是本日記薄,原來以前她有寫日記的習慣!
鄧健泓
鄧健泓MV〈那年。某日〉

鄭敬基 原子粒收音機

至於鄭敬基的原子粒收音機,雖然破舊,但作用依然,在Patrick眼中,意義是「某啲曾經嘅感覺到今日都係歷久常新,儘管老,只要有思想有諗法,你都依然青春。」

鄧健泓
好友鄭敬基為鄧健泓MV〈那年。某日〉客串,原子粒收音機係佢認為最有回憶的私物!
鄧健泓
鄭敬基為鄧健泓MV〈那年。某日〉助陣!

這個 mv 看似簡單但實際繞具意義,拍攝過程用心而繁複,Patrick卻覺得很有趣,「要做呢個 mv 嘅時候,我搵咗自己嘅團隊Memorable Studio做,奈何我度緊蜜月,但又趕,我用咗蜜月一半嘅時間去約每位artist朋友,去諗每條字句同每個故事點做,用好多時間同團隊溝通,導演Benjamin將我嘅諗法形體化,拍得非常好,我覺得好有感染力,希望喚醒更多人嘅回憶,令佢哋更珍惜依家擁有嘅嘢。」結束「二分一」馬爾代夫蜜月之旅後,Patrick 一返港就馬上補拍 mv 中的夾 band 唱歌鏡頭,雖然趕到抽筋,但他笑說:「mv入面嘅我有啲黑黑哋 ( 皮膚 ),都幾型嘅,多謝。」

鄧健泓
鄧健泓MV〈那年。某日〉搵咗自己嘅團隊Memorable Studio做!

鄧健泓

鄧健泓MV搵咗自己嘅團隊Memorable Studio做!