鄧健泓

鄧健泓 石詠莉大婚 造人計劃順其自然

鄧健泓和石詠莉拍拖五年,喺今日12月29日正式拉埋天窗!在今日中午註冊結婚。二人講到呢個大喜日子的來臨特別快,幸好所有事情都籌備得好順利。另外接受訪問時,兩人都不約而同講出一番感言,好感人!

鄧健泓 石詠莉大婚

43歲的鄧健泓和30歲的石詠莉拍拖五年,今日終於開花結果,今日中午假九龍灣國際展貿中心的The Glass Pavilion舉行婚禮,夜晚在同一地方擺喜酒。見到新郎鄧健泓身穿啡紅色格仔禮服,而石詠莉則挑選了一襲低胸露肩婚紗,頸配一條羽毛狀的頸飾,簡潔又高貴!

晒結婚戒指係指定動作吧!

兩人企喺布景板前供傳媒影相,更有求必應連咀兩次!

 

問到兩人五年之間經歷的風風雨雨,鄧健泓表示風雨並唔係好多,但經歷的事情不少,譬如事業上的困難、難關、際遇等。如果冇以上咁多既事情發生,冇經歷咁多野,可能兩人唔會走到拍拖呢一步。而石詠莉在旁聽到呢一句就鬼馬回應:「你就想呀!」

石詠莉表示好感恩識到老公鄧健泓,因為除了屋企人外,佢從未見過一個人如此無條件、如此不求回報的為自己付出。而鄧健泓則稱承諾唔係講就得,始終係要做,所以自己都不斷努力做令老婆更好。最後當然唔少得問問兩位新人的造人計劃,佢哋就好例牌地話順其自然,始終結婚後仲有好多工作等緊佢哋!

婚禮場地一覽~