報Hall講策略 靠靚樣無用！鄧卓殷一擊即中 馮盈盈冇間收

報Hall講策略 靠靚樣無用！鄧卓殷一擊即中 馮盈盈冇間收

講到住大學Hall，盈盈話冇住過Hall，但就有好深入嘅了解，點解呢？陸浩明不禁話：「你連Hall都入唔到啊？」盈盈點頭話：「係呀！其實我報咗三間Hall，第一間好近課室，所以好多人爭，但我唔知報Hall辛苦過報大學，入大學乜都唔使Test就收咗，但呢個完全係人生大考驗，佢哋問我有乜talent(天賦)，識打咩波，識咩表演，將我識嘅都帶晒過嚟面試，但我當時freshman太細膽，覺得自己最大嘅天賦係個樣，所以扮到靚靚，我只係着咗條裙去，點知就出事，點解嗰啲豎琴、大提琴、曲棍球拍、籃球出晒嚟，我就得條裙，咁我都覺得最大武器係個樣，但最後就咁失敗咗。」

盈盈話事前一啲準備功夫都冇，心諗佢最大嘅talent就係個樣，以為靚樣可行得通，點知食白果！

喺英國留學嘅麥明詩就問：「幾人多爭呢啲宿舍位？」陸浩明搶答話：「同香港人爭上車一樣，競爭好激烈。」

之後一直冇乜出聲嘅Amber開腔，解釋話報名住Hall有好幾個Step，前先Open Day有個Touch Cam要影吓相，等佢哋知你個樣同埋留意你有咩性格、天賦。

陸浩明就問Amber：「你報咗幾個Hall？」Amber聽到盈盈報三間都唔收，佢講時都似乎有啲唔好意思咁話報一間就收咗，之後大家問Amber Hall嘅迎新習俗，馮盈盈頓時搭唔上嘴，冇聲出！

現年23歲的20號鄧卓殷(Amber)除了奪得亞軍，仲攞埋最上鏡小姐，成雙料港姐。Amber畢業於港大建築系，現職是是一名見習建築師。在學期間，她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎，同時學咗十幾年中國舞，真係才貌雙全。

決賽當晚，從小習舞的Amber表演強項中國舞，難怪獲田蕊妮、朱千雪及蔡思貝等星級評判激讚。

Amber笑容甜美，比賽當晚表現自然又有自信，獲亞軍也相當合理！

問答環節轉數快 全場爆笑

亞軍鄧卓殷獲讚泳裝環節騷急才，引得全場歡笑及拍掌。農夫就話Do姐成日叫佢哋做「垃圾」，如果Amber要幫農夫改過個新名，會改做咩呢？

Amber臨場就想到為農夫改新名「播種的機」，意思係可以更有效率咁將Hip Pop嘅種子傳播出去啊！農夫同Do姐當然有搞笑寸吓佢，但Amber全程都保持笑容，相當淡定得體！

問答妙趣橫生，搞到台下評判都笑到收唔到聲！

然後農夫又出招！再問Amber如果佢要幫Do姐改個新外號，又會係咩呢？

Amber就依然笑住回答，Do姐係香港女性嘅典範，自然係「香港一姐」啦！農夫隨即就話，即係Do姐之後可以去警務署做啦！Amber轉數好快咁接話，Do姐霸氣仲勁過警務署署長啊！

咁醒目，難怪譚俊彥都點名話覺得Amber答得最好！

賽後鄧卓殷就謙認賽前做足功課，有找過農夫的背景資料。