鄧卓殷

鄧卓殷舊照曝光被質疑整容 網民:真係同一個人?!

現年24歲港姐亞軍兼最上鏡小姐鄧卓殷(Amber)近日是非多多,日前有報道指出身富裕家庭的27歲TVB藝人郭子豪,爆出背住拍拖3年的圈外女友Karen偷食Amber,二人秘密睇樓疑想築愛巢同居,Amber出席活動時否認傳聞,仲話二人只是教友關係。但近日Amber中學時期的舊照被人翻出來,有網民睇過啲相質疑佢唔似女大18變咁簡單,而係有後期加工之嫌疑,對此Amber再作回應!

 

撰文:東方新地|圖片:新傳媒圖片、郭子豪ig、鄧卓殷ig 、連登討論區

郭子豪 被爆暗撻港姐亞軍鄧卓殷

出身富裕家庭的27歲TVB藝人郭子豪(Arnold)被爆背住拍拖三年圈外正印女友Karen,偷食應屆24歲香港小姐亞軍鄧卓殷!據指,Arnold於年初時因與Amber拍攝綜藝節目《娛樂大家》而暗撻成功!

 

年初,郭子豪與Amber一同出席公開活動!

話說,今年4月有網友曾發現Arnold趁Karen身在美國工作時,與一名個子矮小的女仔出埠遊玩,而上月Arnold被影到拖住正印Karen出街,故被質疑一腳踏兩船,亦令人不禁聯想起「安心偷食」一事。

Arnold與正印Karen拍拖3年!

Ex係初戀男友

至於Amber,今年4月自爆與拍拖6年的異地戀男友分手,當時表示需要時間慢慢平復及揚言不要異地戀!不料,事隔不久Amber即已迅速忘記情傷,更被傳媒影到與疑似新歡郭子豪睇樓築愛巢!

 

鄧卓殷上《後生仔傾吓偈》自爆同初戀男友拍了6年拖,第一次拖手仔在戲院發生,男方大膽拖手卓殷即時嚇到縮咗手,不過呢段戀情最終都係結束了。

 

急澄清與舊愛已分手

二人暗撻一事爆出後,Arnold隨即於IG解釋:「因為牽涉圈外人,又不是什(甚)麼喜訊,一直沒有宣布自己的Status。我和她已經分手有一段時間。多謝傳媒朋友關心,但希望畀少少空間,最近已經發生咗好多事。感激感激。」

其後,Arnold再接受傳媒訪問,雖然他沒有透露分手原因,但強調分手與鄧卓殷完全無關係!至於被問到現與鄧卓殷關係時,他則表示了解中,同時否認與Amber同居,指自己想搬近TVB而睇樓,上次是對方剛巧有時間才陪伴睇樓。

舊照曝光 被網民質疑整容

近日有人喺討論區貼咗多張Amber中學時期的舊照,相中的她同依家似乎有啲唔同樣,皮膚唔止較黝黑,連五官都發生一點變化,以前Amber對眼睛係單眼皮,個鼻就係豬膽鼻,依家就有對雙眼皮嘅電眼,個鼻唔止變得小巧而且鼻樑高咗㖭!有網民話佢女大18變,但也有網民懷疑佢有「後天加工」之嫌。

圖片來源:連登討論區

 

睇吓啲Amber嘅中學時期舊相,唔知大家覺得有冇唔同呢?

圖片來源:連登討論區
圖片來源:連登討論區

 

圖片來源:連登討論區
圖片來源:連登討論區
圖片來源:連登討論區
圖片來源:連登討論區
圖片來源:連登討論區
圖片來源:連登討論區

 

圖片來源:連登討論區

承認箍牙

Amber日前出席公開活動講到舊照被翻炒,個樣唔同晒,當時佢回應:「睇番舊相好驚訝,但我只箍過牙,相中我冇修眉冇化妝。」

鄧卓殷是應屆雙料港姐

現年23歲的鄧卓殷(Amber)是2018年港姐亞軍,同時攞埋最上鏡小姐,成雙料港姐。Amber畢業於港大建築系,現職是是一名見習建築師。在學期間,她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎,同時學咗十幾年中國舞,真係才貌雙全。

決賽當晚,從小習舞的Amber表演強項中國舞,難怪獲田蕊妮、朱千雪及蔡思貝等星級評判激讚。

鄧卓殷

 

 

 

Amber笑容甜美,比賽當晚表現自然又有自信,獲亞軍也相當合理!

問答環節轉數快 全場爆笑

亞軍鄧卓殷獲讚泳裝環節騷急才,引得全場歡笑及拍掌。農夫就話Do姐成日叫佢哋做「垃圾」,如果Amber要幫農夫改過個新名,會改做咩呢?

Amber臨場就想到為農夫改新名「播種的機」,意思係可以更有效率咁將Hip Pop嘅種子傳播出去啊!農夫同Do姐當然有搞笑寸吓佢,但Amber全程都保持笑容,相當淡定得體!

問答妙趣橫生,搞到台下評判都笑到收唔到聲!

賽後鄧卓殷就謙認賽前做足功課,有找過農夫的背景資料。

 

鄧卓殷參選之路黑馬跑出

鄧卓殷身形「的骰」,身高只有5呎3吋,三圍31.5、22、33,但勝在樣子甜美可愛,Amber喺首輪面試時身穿黑色長裙,較其他參加者低調,不過出眾樣貌當然唔會被忽視!

Amber

去到次輪面試,Amber換上一襲橙色露肩短裙,加一對長長耳環,配埋本身招牌甜美笑容,即時Sharp醒唔少!

次輪面試時,Amber更與Hera一同現身,原來兩位靚女喺第一輪面試後已經成為好朋友,依家一個冠軍一個亞軍,都算係皆大歡喜啊!

 

雖然Amber身材比其他佳麗瘦小,但睇腹肌都睇得出都有操過嚟!

 

港大建築系畢業

Amber畢業於香港大學建築學系,志向係成為一位有影響力的人,透過參與社會服務同埋利用自身嘅專業知識去連繫唔同人。真係又靚又叻又心地好!

Amber
呢個角度睇對腳好似長咗唔少,要讚攝影師!

 

Amber在學期間,喺由亞洲權威雜誌Perspective舉辦的年度設計頒獎盛事「A&D TROPHY AWARDS」獲獎!

 

動靜皆宜

睇Amber斯斯文文的外表,原來動靜皆宜,讀大學時亦有參加開跳舞表演!平時Amber嘅嗜好係跳舞、唱歌、觀賞電影及電視劇、畫畫、設計同健身!

除了小蠻腰吸睛外,呢個角度睇Amber好似有啲似Anjay陳嘉寶?