29歲鄧卓殷曬與郭子豪洞穴婚紗照 仙氣顏值再升級曾陷「加工」疑雲
廣告
現年29歲的2018年港姐亞軍暨最上鏡小姐鄧卓殷(Amber)在今年情人節宣布與拍拖近五年的郭子豪(Arnold)準備結婚,近日更公布將於明年4月正式舉行婚禮,可喜可賀,不過備婚中嘅鄧卓殷就曾被網民指靚樣又有「進化」嫌疑……
鄧卓殷仙氣顏值再升級
日前(6日),鄧卓殷在IG上分享了一輯在洞穴裡拍攝的婚紗相,見她手捧白玫瑰,穿著一條低胸露背喱士婚紗,貼身魚尾設計凸顯了Amber玲瓏有致的曼妙身材,仙氣顏值亦難掩甜蜜與幸福!不少網民更留意到鄧卓殷外貌疑似再升級,下巴尖咗唔少!但亦有人平反指可能是化妝同修圖效果。




鄧卓殷sweet爆孖未婚夫郭子豪吸金
鄧卓殷日前以情侶檔出席活動,2人時候接受傳媒訪問時就透露明年4月婚禮嘅詳情,一直keep住佛系籌備嘅2人就直言要加快進度,因此都向唔少圈中人取經。而準新娘鄧卓殷就表示自己已經定好姊妹團,郭子豪則透露婚禮會用嘅照片就已經選址清邁進行拍攝。不過其他細節例如婚紗方面,鄧卓殷就稱想保持神秘感,希望到時候可以畀驚喜未婚夫郭子豪!


網民猜測鄧卓殷有「再進化」嫌疑
雖然2人甜到漏出活動大派閃光彈,但係就有唔少網民直言鄧卓殷嘅靚樣似乎有出入,更紛紛猜測佢有「再進化」嘅嫌疑:「點解個樣睇落好似唔同咗咁?」、「選港姐時已經係最靚,依家好似回不去」、「到底係咩原因 點解最近個樣怪怪哋」、「所以係唔係『進化』咗?」、「望落膠膠哋……」、「呢個樣選港姐未必有亞軍了」




鄧卓殷舊照曝光 再被質疑整容 網民:側臉似鄺潔楹
現年29歲港姐亞軍兼最上鏡小姐鄧卓殷(Amber)一向新聞多多,更屢次陷入「進化」疑雲。而鄧卓殷更曾有一段時期被指與TVB藝人鄺潔楹十分相似,這個疑雲更引來網絡紅人邵子風抽水……

舊照曝光 被網民質疑整容邵子風抽水
有人就喺討論區貼咗多張Amber中學時期的舊照,相中的她同依家似乎有啲唔同樣,皮膚唔止較黝黑,連五官都發生一點變化,以前Amber對眼睛係單眼皮,個鼻就係豬膽鼻,依家就有對雙眼皮嘅電眼,個鼻唔止變得小巧而且鼻樑高咗㖭!有網民話佢女大18變,但也有網民懷疑佢有「後天加工」之嫌。


圖片來源:[email protected]、youtube@TVB 娛樂新聞台、[email protected]、[email protected]、[email protected]、討論區截圖、邵子風Facebook、東方新地