鄭伊健

鄭伊健樊亦敏「陽光男女」35年後紅館再遇 + 多謝ERROR帶來歡樂

最新娛聞

廣告

55歲的鄭伊健在紅館開9場演唱會,吸引不少圈中人捧場,除了他的歌是大家的集體回憶,當年伊健拍的檸檬茶廣告都好經典。昨晚樊亦敏去捧場,之後在社交網上載了二人在後台的合照,不得一提伊健87年拍的檸檬茶廣告,樊亦敏都有份拍,一代「陽光男女」相隔35年在紅館再合體,51歲的樊亦敏更被大讚唔識老。

鄭伊健 當然,風頭最勁是台上的主角鄭伊健,甫出場即全場尖叫,唱快歌《極速》和《全城效應》時全場起身跳舞,High爆。
當然,風頭最勁是台上的主角鄭伊健,甫出場即全場尖叫,唱快歌《極速》和《全城效應》時全場起身跳舞,High爆。(圖片來源:大會發相)
鄭伊健 樊亦敏表示與鄭伊健認識35年都未曾正式影過一張相,昨晚在紅館後台合照,樊亦敏笑到好似小fans一樣。
樊亦敏表示與鄭伊健認識35年都未曾正式影過一張相,昨晚在紅館後台合照,樊亦敏笑到好似小fans一樣。(圖片來源:[email protected]

鄭伊健的少年回憶

近日不少圈中人睇完鄭伊健的個唱都把集郵合照放上網,昨晚輪到樊亦敏,原來她與伊健在少年時代已合作拍廣告,她在IG留言:「從上個世紀第一代陽光檸檬茶廣告到現在,我和鄭伊健終於有一張合照,很正的感覺 ,很正的一晚,很感動和非常精彩的演唱會」。網民都紛紛留言表示「回憶返晒嚟」,亦有不少人大讚樊亦敏:「最厲害係妳樣子冇乜點變,依然咁靚!」

鄭伊健 二人的合照掀起網民的無限回憶。
二人的合照掀起網民的無限回憶。(圖片來源:[email protected]
鄭伊健 樊亦敏被讚駐顏有術。
樊亦敏被讚駐顏有術。(圖片來源:[email protected]
鄭伊健 樊亦敏仲上載了數張伊健個唱的現場照片,不過距離頗遠,唔係握手位。
樊亦敏仲上載了數張伊健個唱的現場照片,不過距離頗遠,唔係握手位。(圖片來源:[email protected]

樊亦敏做完配角做主角

樊亦敏與鄭伊健35年首次合作就是拍檸檬茶廣告,伊健是第一代「陽光男」,他在廣告中是超級受女同學歡迎的男神,而樊奕敏在廣告中只是配角,與伊健有對手戲,仲會有肢體接觸,令到第一代「陽光妹」Yvonne Yuen呷醋。而樊亦敏兩年後亦成為第二代「陽光妹」,廣告中她是情竇初開的唱片店女職員,真係好清澀。合作拍過廣告後,樊亦敏與鄭伊健曾在94年電影《風塵三女俠》中再度合作,飾演一對同居情侶,不過鄭伊健最後被女主角李麗珍力追,與樊亦敏分手。

鄭伊健 87年的檸檬茶廣告中,樊亦敏只是做配角,不過就同伊健玩得好開心,用手輕拍他,搞到廣告女主角呷醋。
87年的檸檬茶廣告中,樊亦敏只是做配角,不過就同伊健玩得好開心,用手輕拍他,搞到廣告女主角呷醋。(圖片來源:YouTube影片截圖)
鄭伊健 當年20歲的伊健,好嫩口。
當年20歲的伊健,好嫩口。(圖片來源:YouTube影片截圖)
鄭伊健 第一代「陽光妹」係佢Yvonne Yuen。
第一代「陽光妹」係佢Yvonne Yuen。(圖片來源:YouTube影片截圖)
鄭伊健 樊亦敏原來是第二代「陽光妹」。
樊亦敏原來是第二代「陽光妹」。(圖片來源:YouTube影片截圖)
鄭伊健 鄭伊健與樊亦敏在電影《風塵三女俠》飾演一對情侶。
鄭伊健與樊亦敏在電影《風塵三女俠》飾演一對情侶。(圖片來源:電影影片截圖)

檸檬茶廣告重溫

伊健多謝ERROR為他減壓

昨晚除了有樊亦敏捧場,台下嘉賓人氣與顏值都爆燈,包括好友蔡一智、周秀娜、林德信、Error的梁業(肥仔)、何啟華(阿Dee)和郭嘉駿(193)、ANSONBEAN、「籃球女神」譚旻萱(Mandy)、「膠戰女神」劉沛蘅 (Hillary)和小師妹林熙彤(Hazel)等,他們現身觀眾席即掀起一陣騷動。

鄭伊健的演出令觀眾熱血沸騰,他亦感謝大家的熱情反應,揚言令他極之開心,他說:「我另外想多謝Error,點解要多謝佢哋?」話未說完,全場尖叫,觀眾席上的肥仔和阿Dee立即舉手向台上伊健膜拜,193向他做大心心和小心心動作。伊健繼說:「我上一次演唱會,返去減壓就係睇你哋嘅Error遊。我知道今次得兩集,所以我未睇住,多謝,Thank You,多謝你哋畀我哋歡樂。仲有,我知你哋開演唱會,我知㗎,加油啦!」三子起立向伊健鞠躬,全場歡呼。伊健還笑言學習Error「自肥精神」,挑選心水的滄海遺珠表演,娛人娛己。

鄭伊健 Error的梁業肥仔)、何啟華阿Dee)和郭嘉駿193)現身捧伊健場。
Error的梁業(肥仔)、何啟華(阿Dee)和郭嘉駿(193)現身捧伊健場。(圖片來源:大會發相)
鄭伊健 伊健在台上向ERROR致謝,令佢哋好興奮。
伊健在台上向ERROR致謝,令佢哋好興奮。(圖片來源:大會發相)
鄭伊健 周秀娜都睇得好興奮。
周秀娜都睇得好興奮。(圖片來源:大會發相)
鄭伊健 仲有Mandy同 ANSONBEAN,
仲有Mandy同 ANSONBEAN,(圖片來源:大會發相)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:大會發相、[email protected]、新傳媒圖片庫、YouTube影片、[email protected]暈片截圖

讀者留言