鄭俊弘龜縮潛水 何雁詩搵姊妹訴苦

鄭俊弘、 何雁詩 兩位藝人本來正獲無綫力捧,前途無限,可惜鄭俊弘早前被爆背未婚妻Beebs偷嗒何雁詩,從此男方被封做世紀賤男,女方被叫小三,形象一鋪清袋!賤男主角鄭俊弘自本月8日公開露面後,從此龜縮潛水,避見女友。何雁詩面對海量負評下,唯有拖埋男友留下的愛犬Riley,搵好姊妹陳瀅及劉佩玥訴苦!

 

鄭俊弘早前被指與合作無間的歌手何雁詩暗中撻着,但不久後就被爆原來有個富貴未婚妻Beebs,何雁詩做咗第三者!事件愈鬧愈大後,鄭俊弘喺老闆何哲圖陪伴下見傳媒,先表示跟未婚妻已分手,並澄清同何雁詩只係朋友關係。但翌日事件峰迴路轉,兩人突然十指緊扣現身機場,公開戀情,你講晒啦大佬?

TUNGSTAR5924478

 

鄭俊弘公開拖何雁詩示威後形象瘋狂插水,網民群起鬧爆,所以佢喺本月8號同麥明詩出席的公開活動,被指係被公司雪藏前最後一個活動,之後就一直潛水!

9a

 

男友潛水,何雁詩拍完《天命》返港冇拖拍,唯有搵班姊妹陪食,吹水解愁!早前佢就拖住鄭俊弘的拉布拉多黑犬Riley到淺水灣廣場,聯同三名好姊妹陳瀅、劉佩玥等開餐。眾人叫到成枱食物,點咗西班牙酒,不過何雁詩飲酒多過食飯,對住姊妹們狂吐苦水,呻完一輪的何雁詩,突然變得沉默不言,悶悶不樂。

3a 3

胃口麻麻的何雁詩飲酒居多,不時愁爆望住鄭俊弘的愛犬Riley,冇得公開拍拖,唯有見狗如見人,睹狗思人啦!

4

何雁詩大部分時間一係耷低頭睇電話,一係失焦發呆,頻頻睇手機訊息。不過每次碌完手機,都一臉失望。

1

 

據知鄭俊弘本以為拖住何雁詩見人就可以扭轉局勢,點知形象仲衰過以前,得罪埋公司,冇講幾時可以復工﹗有指鄭俊弘驚被記者追訪,搬咗去北角舊居,仲諗住避走返加拿大!鄭俊弘同何雁詩兩人避得就避,唔敢拍拖之餘,仲由女方照顧住隻愛犬先。何雁詩向來戀愛大過天,依家有男友等如冇,網民又洗版狂鬧,所以班姊妹一得閒就輪流陪住佢,驚佢亂諗嘢!

本獲力捧 面對負評

賤男 小三

全文完