ft pic

鄭嘉穎送粉紅頸鏈綁實陳凱琳

尋日25歲生日的陳凱琳,今日出席新劇《翻生武林》開鏡儀式時,自爆收到男友鄭嘉穎送的生日禮物—粉紅頸鏈一條加12枝玫瑰!冇送車送鑽石,但對陳凱琳嚟講已經好有心思,佢大讚嘉穎細心,有留意佢鍾意粉紅色,仲九秒九戴埋條鏈返去開工曬命!

其他文章︰

零毛孔韓星護膚秘技

盤點娛圈五大虎媽

陳凱琳話正日生日當晚上咗嘉穎屋企短聚,二人世界後先join朋友食飯慶祝。以前對戀情甚低調的Grace,仲將收花相放上ig,越愛越高調。

名花有主,Grace今日開鏡時,與同場的男角蕭正楠、黃智賢表現疏離,當大會推出專為Grace而設的生日蛋糕後,黃智賢行去攬攬壽星女,點知Grace竟然露出尷尬表情,仲下意識左閃右避添!其實鄭嘉穎同黃智賢份屬老友,成日約埋打波,加上黃智賢又結咗婚,嘉穎唔會嬲嬲豬啦!

5_resize_resize

全文完