cheng feature

鄭子誠紅到上大陸?!27年首擔正拍廣告

就算唔記得佢個樣,香港人都一定聽過「音樂情人」鄭子誠把靚聲!最近網民就發現佢竟然同埋另一位前無綫綠葉返咗大陸拍廣告賺人仔,究竟點解鄭子誠會突然紅到上大陸呢?小編都超好奇啊!!依家就嚟睇下點解無啦啦內地網民會咁鍾意佢哋啦~

撰文:東方新地 | 圖片:連登討論區微博、網上截圖、閱讀全文

https://www.youtube.com/watch?v=4VK7NphYepw&feature=youtu.be”>YouTube截圖

鄭子誠出名靚聲 反派演技入屋

早年加入香港電台,鄭子誠以節目《音樂情人》嘅DJ身份為人熟悉,期間不時有參與電視幕前演出,更因為一把靚聲並擔任不少廣告同節目嘅配音及旁述。而鄭子誠近年喺香港網絡上引嚟熱議,都係因為網民覺得佢好似「逢演必奸」,由飾演《真情》入面嘅反派角色李子浩開始,以反派形象入哂屋。不過又點解會無啦啦紅到返內地呢?

鄭子誠
呢個西裝眼鏡樣就最深入民心啦~

堅係紅到返大陸!拍遊戲廣告賺人仔

係真㗎!內地網民喺微博瘋狂轉發鄭子誠返大陸拍廣告嘅圖片,相中仲有另一位前無綫綠葉演員梁健平,轉發數量已逾萬次,睇得出鄭子誠真係有番咁上吓人氣喎!

鄭子誠
小編見佢哋堅紅就更好奇了⋯⋯

最初只因為一張動圖?!

原來~鄭子誠同梁健平係因為一張喺劇集截取嘅動圖而一炮而紅~呢張動圖一開始喺香港網絡上不斷被引用,一路瘋傳到返大陸!但係咁又關遊戲公司嘅廣告咩事呢?小編仲係看唔透啊~~

拍廣告套衫都係同劇中造型一樣!

遊戲公司開腔回應

原來真係因為張GIF圖?!公司CEO話,原意喺想諷刺「有錢可以為所欲為」呢個觀點,同呢個表情包一樣,想指出呢個世界嘅美好、正義、公平並唔係可以由金錢嚟斷定嘅~

鄭子誠

連遊戲資訊平台都要訪問下佢哋兩位!

鄭子誠

綠葉演員梁健平衝出香港拍過韓劇?!

其實兩位演員真係實力派嚟㗎!GIF圖中另一位主角梁健平除咗喺電影《十年》擔任過令人深刻嘅的士司機一角外,竟然仲客串過韓劇《命中注定我愛你》,同韓星張赫有對手戲!

有哂特寫鏡頭,唔係背景龍套嚟㗎!

梁健平更有參演2014多倫多國際電影節最佳短篇電影《三輪車伕》,參加埋康城影展,好勁!

睇下《三輪車伕》嘅預告短片就知梁健平有幾好戲!

&feature=youtu.be

網民都話有料

其實講起返大陸賺人仔,都可以有咁多網友嘅正評,認真唔容易。

 

網民仲讚鄭子誠真人好Nice!

不過都係會諗起佢奸到出汁個樣先囉!

戲裡

鄭子誠
好奸!真係好奸!
其實鄭子誠係處境劇都做過好人㗎!

戲外

都真係好Nice~

關鍵詞
綠葉內地