鄭欣宜

鄭欣宜大搞80年代懷舊派對 超低胸火紅裙性感上陣

幾日前,藝人鄭欣宜31歲生日,向來圈中人緣甚好的她大搞一個以80年代為主題的懷舊派對,個個以80年代的造型出席派對,感覺猶如回到過去,非常特別!而大家仲預備咗個黑色彩虹蛋糕同欣宜慶祝生日,相信壽星女亦十常高興。

撰文:東方新地|圖片:instagram-鄭欣宜林欣彤許廷鏗胡鴻鈞鄭融

鄭欣宜大搞80年代懷舊派對

早幾日是鄭欣宜的31歲生日,為慶祝生日,壽星女就大搞一個以80年代為題的生日派對。向來圈中人緣甚佳的欣宜就請來各方好友出席派對,大家都打扮成80年代的衣著或妝容出席派對,睇相就好似回到過去咁!

作為主角嘅欣宜打扮非常有型,著上火紅色超Deep V裙,再配上印有獨特圖案的外套,性感之餘,打扮鮮明亦突出!

欣宜仲特登為派對化上一個烈焰紅唇兼閃電圖案於面上,型到爆!

而為了慶祝壽星女生日,大家準備了一個黑色的彩虹蛋糕,非常特別!

一眾好友用心打扮出席

好友林欣彤、許廷鏗及胡鴻鈞等人,亦有出席當晚派對,而林欣彤仲紮起條辮同着上黃色吊帶背心上陣,打扮同樣十分搶眼。

林欣彤除了與派對主人翁合照外,亦同好友許廷鏗大擺chok甫影相,同樣著起黃色系衣著的二人望落非常合襯!

連詩雅同鄭融亦同樣有出席Joyce嘅八十年代派對!

派對中,最令人留意的是王君馨手中拎住的水槍,望落支槍個外形都幾特別吓。