鄭裕玲

鄭裕玲哽咽開咪談及香港現況 心痛學生及年輕人!

最新娛聞

廣告

最近因「反送中」條例,香港連續兩星期有大批市民走出街頭支持反修例遊行。今日,於香港娛圈打滾多年,一字一句都帶有一定影響力的鄭裕玲(Do姐)於903電台節目《口水多過浪花》中就鮮有開腔談及香港現況,過程中,Do姐更一度哽咽。

撰文:東方新地|圖片:鄭裕玲ig

鄭裕玲哽咽開咪談及香港現況

今日,Do姐於有份主持的電台節目《口水多過浪花》中,就最近因「反送中」條例所引起的所有事件罕有表達感受。節目一開始,Do姐已表示:「喺過去兩個禮拜,我去咗第二度,係為咗拍我一個節目,但係呢……喺當時,我哋收到好多關於香港嘅消息,睇到好多好心痛嘅場面,尤其是我哋香港嘅學生同埋年輕人。」

Do姐更一度控制不了自己的情緒,哽咽地說:「呢兩個禮拜其實我哋去咗好多地方,要坐好多車、好多飛機。但係最後嘅一程,就係我哋最盼望嘅一程,因為嗰程係飛返香港,香港係我哋嘅屋企嚟。發生咗好多事,屋企,係最緊要…(哽咽)I’m sorry,可能我老咗,好情緒化。」

為事件感到心痛的Do姐寄語:「我哋要珍惜呢個屋企,同埋尤其是我哋嘅年輕人,同埋學生。我好希望香港可以好快回復番平靜,我哋和平相處嘅狀態。中間我有同迪偉(余迪偉)傾過偈,我同佢講,其實我覺得呢,我係一個娛樂人,喺一個咁繃緊嘅狀況之下,我覺得我應該做番我嘅責任。」

Do姐續說:「《口水多過浪花》係一個娛樂、開心嘅節目,喺一個咁嘅氣氛之下,其實我哋應該發揮我哋自己嘅作用。我相信有好多人有好多嘅情緒,就算係我哋呢兩個禮拜去咗咁遠嘅地方,都好多情緒嘅牽動,我講完呢番說話之後,我哋可以令到人,喺呢個半鐘頭,鬆番少少、開心番少少,我就覺得係盡咗自己今日嘅責任。」

事後,有不少網民及聽眾於Do姐IG中留言打氣,「Do姐加油,香港人加油」、「我地會好好保護自己既地方」,同時有網民指「知道Do姐與我們的心連在一起,好感動。」,留言希望大家加油!


常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言