吳浩康

重登舞台 吳浩康:盡力盡情做一次

34歲吳浩康(Deep)入行十五年,由Facebook live唱到去九展開音樂會,一切得來不易。今次佢大談事業高山低谷,由參加新秀、出道,談到演唱會後感,以及未來踏上紅館之路。

撰文:東方新地



圖片:東方新地

吳浩康驚喜演唱會全場爆滿

問到演唱會反應好好,感覺如何,吳浩康直言僅喺台上有不一樣的感受:「喺個台上面,我先知道原來連上面嘅座位都full咗,呢個係我冇諗過嘅,嗰刻我都呆一呆,真係覺得自己好好彩,無論係個騷又好,Facebook Live大家嘅反應,冇諗過做Fb Live一路儲咗啲人,有啲朋友喺Fb寫「我哋細個成班同學約,如果你開演唱會我哋去睇,點知一等就十幾年。」我都好surprise會有一班人等自己。喺呢段時間裡面有啲日子好啲,有啲日子差啲,喺差嘅日子裡面已經唔敢諗仲有冇人聽我唱歌,好多事唔係理所當然發生。」


吳浩康
吳浩康早前開一連兩場演唱會,確實得來不易。

吳浩康


想做一個有延續性嘅project

提到過往一年做Fb Live真係儲番返嚟,當初個idea係邊個諗出嚟㗎呢,吳浩康指當初係自己想做:「喺我計劃緊開FbLive,公司搵我話見到我之前做咗一個音樂嘅電視節目,覺得有啲人都想聽番我唱歌,不如傾吓有咩可以做,會唔會出新作品?我覺得出新作品都係得一粒子彈,機會未必好多,點解我哋唔做一個有延續性嘅project,起碼我今個禮拜做得差啲,下個禮拜可以修正,總好過出一隻歌,得就得,唔得又要再諗點算。」

吳浩康
以唱歌作為終身事業的吳浩康,不但兼職做歌唱導師,逢星期一晚還以歌會友直播《Deep Nite Show》。

吳浩康


參加新秀 想簽公司

問到當初新秀勝出,有冇覺得事業一條直路?吳浩康指當年冇諗過贏唔贏:「我睇呢件事係好現實,我係想簽公司,當然你問我恨唔恨個獎,嗰時細路仔一 定好想贏到人,但我都好知道,嗰晚攞咗個獎當中有好多因素,唔代表你真係叻過人,大家嘅事業發展都唔係基於嗰晚,啱啱先喺個BB池度游完,未談論到心雄。」

吳浩康

吳浩康


吳浩康:樣同性格似陳奕迅

好多人話佢似陳奕迅,咁佢自己又點睇呢? 吳浩康:「其實係個樣似,同埋鍾意講嘢嘅性格似,唱歌我未夠班,冇得同人相提並論,聲同唱腔似就發達啦!哈!似樣係(容)祖兒講先,好多謝呢個師姐,幫我諗一啲稱呼等人哋記得我,第一隻合唱歌係佢帶住我唱,我唱到坨屎咁佢都冇嫌棄,每次LiveShow仲同我練吓、溝通吓。」

吳浩康
吳浩康出道時,被封為翻版陳奕迅!

吳浩康
吳浩康和陳奕迅都是實力派,二人惺惺相惜!

自我價值低

當年一出道,有好多首hit歌,問到佢有冇覺得迷失同飄飄然時,吳浩康直言有迷失過:「唔係飄飄然,亦都因為行得好順,嗰時自我價值好低,因為我錄嘅〈先入為主〉、〈洗剪吹〉製成品好好,但喺錄嘅時候,錄一隻歌錄一百七十幾個鐘頭,當其時有資源去做,可以畀我喺錄音室慢慢成長,但我就諗自己都係不外如是啫,自己唔係唱得叻,但隻歌整出嚟又OK,即係監製功勞啦,覺得個功勞唔喺自己度,覺得無論嗰個係咪我都可以有人鍾意呢啲歌㗎,開始自我價值低。」

吳浩康

下站紅館見?

提到在演唱會尾聲時,吳浩康話「下站紅館見!」,有指紅館起碼要入六次紙,相信歌迷都好緊張究竟吳浩康入咗紙未,佢話仲未:「依家同公司睇緊個空間。」