野外步出2

野外步出2|方紹聰左右逢源 蜜會Heidi打情罵俏 搞到被沙蝨咬

最新娛聞

廣告

《野外步出2》來到第5集,奶仔方紹聰請來非常有膽色的譚嘉儀示範飛車飄移,估唔到烈女都有心傷時,傾偈環節又係喊晒。第6集就唔同呢!來自Super Girls的Heidi以女神姿態與奶仔約會,不時打情罵俏開心到痺,不過花心奶仔都有今日,拍攝一幕瞓在地上被Heidi打的鏡頭,竟被沙蝨咬到隻腳有超過50粒蝨癩,睇見都覺得痕。

撰文:東方新地 圖片:《野外步出2》提供

《野外步出2》奶仔學飄移

在第5集的《野外步出2》,女嘉賓是譚嘉儀,她完美示範如何頭移又尾擺,飄移境界,令大家對女司機揸車技術一定麻麻的定律改觀,原來譚嘉儀唔止有私家車牌,還擁有中型貨車牌及電單車牌,是圈中的女車手 ,所以奶仔亦要跟譚嘉儀學飄移。

奶仔在《野外步出2》第5集,請來譚嘉儀做嘉賓。
奶仔在《野外步出2》第5集,請來譚嘉儀做嘉賓。(圖片來源:《野外步出2》發相)
野外步出2 譚嘉儀好認真玩飄移,奶仔卻在搞笑。
譚嘉儀好認真玩飄移,奶仔卻在搞笑。(圖片來源:《野外步出2》發相)

譚嘉儀外剛內柔

譚嘉儀控制汽車技術就好超卓,控制情緒方面又點?結果她又被奶仔搞喊,講到人生路上曾遇過的失意事情,一樣感情大爆發。

野外步出2 譚嘉儀近年愛上玩車及鑽研飄移技術。
譚嘉儀近年愛上玩車及鑽研飄移技術。(圖片來源:《野外步出2》發相)
野外步出2 奶仔彈結他,與譚嘉儀jam歌。
奶仔彈結他,與譚嘉儀jam歌。(圖片來源:《野外步出2》預告影片截圖)

奶仔約會Heidi願望達成

《野外步出2》第6集的女嘉賓是Super Girls成員Heidi (李靜儀),奶仔表示相信每個男仔都曾經有一個夢想,就係可以同靜儀約會一天,而奶仔就達成心願,與Heidi一齊去高流灣尋覓隱世墨魚丸,以及體驗車中泊(Car camping)。二人在夜晚築起營火,彈結他唱歌講心事,究竟奶仔最後成功製造浪漫定係收好人卡?

野外步出2 奶仔同Heidi身貼身咁坐,會唔會太親密?
奶仔同Heidi身貼身咁坐,會唔會太親密?(圖片來源:《野外步出2》發相)
野外步出2 二人仲去體驗車Camping。
二人仲去體驗車Camping。(圖片來源:《野外步出2》發相)

最後得到50粒蝨癩

奶仔開心原來要付出代價,他自爆當日為了節目,需要睡在地上被Heidi打,回家後卻發現被沙蝨咬,成隻腳超過40-50粒,痕癢難耐。奶仔說:「 嗰陣時係超級痕,啲蝨癩多到連大髀底都有,大家睇節目嘅時候,如果眼利應該會見到我隻腳有疤痕,所以拍攝《野外步出2》真係唔簡單。」奶仔有得同Heidi卿卿我我,畀蝨咬都抵啦!

野外步出2 奶仔與Heidi玩得好開心。
奶仔與Heidi玩得好開心。(圖片來源:《野外步出2》預告影片截圖)
野外步出2 奶仔與Heidi拍完節目,回家後發現成隻腳都係蝨癩,上到大髀都有,睇見都覺得好痕同痛。
奶仔與Heidi拍完節目,回家後發現成隻腳都係蝨癩,上到大髀都有,睇見都覺得好痕同痛。(圖片來源:奶仔提供)

讀者留言