謝賢 金像獎

金像獎2022|謝賢85歲封影帝 縱橫影視圈69年第二次奪獎 曾遭霆鋒笑

最新娛聞

廣告

現時85歲的四哥謝賢憑《殺出個黃昏》榮奪《第四十屆香港電影金像獎》影帝寶座,縱橫影視圈69年 ,終於在金像獎的頒獎台上第二次奪獎。而在此兩次之前,原來曾經被兒子謝霆鋒揶揄:「你有冇攞過金像獎呀!」

金像獎2022|最佳男主角—謝賢《殺出個黃昏》

在《第四十屆香港電影金像獎》,謝賢由林家棟陪同下走上頒獎台,全場掌聲如雷,林家棟說:「你係咁多年嚟攞影帝,唯一一個全場企起身拍手!」謝賢在台上表情激動說:「多謝大家!」而林家棟跟大家說醫生叮囑謝賢不要脫下口罩。問到謝賢是否有更多感言跟大家說,謝賢笑言:「我唔識講,我淨係識攞呢個嘢咋!」

謝賢 金像獎2022
(圖片來源:ViuTV截圖)
謝賢 金像獎2022
(圖片來源:ViuTV截圖)

謝賢獲2019年金像獎終身成就獎

其實在2019年時,四哥已經獲得《第38屆香港電影金像獎》終身成就獎。16歲入行的謝賢縱橫影視圈66年,見證香港娛樂圈大半世紀,如今獲第38屆香港電影金像獎最高榮譽「終身成就獎」,當日更由當時的特首林鄭月娥擔任頒獎嘉賓,林鄭在台上笑言自己從小看謝賢的電影長大,還即場問謝賢:「我覺得好奇怪,在環球戲院、國民戲院,總是看到不同女主角,但為何男主角總是得你一個?」謝賢笑稱:「我都不知道,當時可能是貪錢,我都是恨錢而已。」

謝賢
(圖片來源:ViuTV截圖)
謝賢
(圖片來源:ViuTV截圖)

謝霆鋒:「老竇,你先係最佳男主角」

謝賢
(圖片來源:影片截圖)

謝霆鋒奪影帝重提寸老竇

謝霆鋒在2011年首封影帝時,在台上重提昔日寸老豆的往事:「以前老竇成日同我講『你知唔知你細個時,我已拍了幾百部電視劇、幾百部電影。』當我18歲攞新人獎時,返到屋企將個獎放在枱上同他講『咁你拍數百部戲,有無攞過金像獎?』此番說話哽在我心12年,我知他今日在家看電視,希望他原諒當日這個不知天高地厚、無禮貌的小朋友,『老竇,你先係最佳男主角』!」 謝賢獲第38屆香港電影金像獎最高榮譽「終身成就獎」,謝家父子從此都是金像獎得主了。

謝賢 謝賢與謝霆鋒
謝賢與謝霆鋒(圖片來源:新傳媒資料庫)

四哥謝賢 對感情態度瀟灑

四哥早年接受東方新地專訪時表示,自己不是外界所謠傳嘅花花公子,更講出不少自己做人哲理。四哥在數年前接受本刊專訪時,大談自己的做人哲理,其中一句最讓編輯深刻的就是「人可以風流,但不可以下流」。星惜天下欄目主持人鄭紹康(以下簡稱鄭)問四哥:以前你拍戲,會唔會有好多女明星主動追你?四哥答:唔通有好多靚菜,我要食晒佢咩?唔可能㗎嘛!人可以風流,唔可以下流。即係我同你拍拍吓拖,又出去搞搞震,咁對方會唔會鍾意你吖?唔會吖嘛!

四哥亦表示:「其實我係一個好專一嘅人嚟,一個還一個,我唔係人哋謠傳嗰啲花花公子,係女人都啱。鄭:當年聽到你同拉姑離婚,好surprise、好shocking!四哥:有咩好surprise,離婚係好簡單嘅事之嘛,簽個紙咪離婚囉!其實唔離婚都得㗎,佢出去搵老公,我出去搵女朋友囉!」

謝賢 1936年出生的謝賢,原名謝家鈺,因為家中八兄弟姊妹中排行第四,所以人稱「四哥」。
1936年出生的謝賢,原名謝家鈺,因為家中八兄弟姊妹中排行第四,所以人稱「四哥」。(圖片來源:新傳媒資料庫)
謝賢 四哥對感情態度相當開通。
四哥對感情態度相當開通。(圖片來源:新傳媒資料庫)

四哥對感情態度相當開通仲話:「我心態好開通,我哋(指同拉姑)又唔係做錯事,全部係小毛病,合唔嚟,不如分開啦!我哋有一個仔一個女(霆鋒與婷婷),一條心希望培養佢哋大、等佢哋出身嘅時候,我哋先再嗌交,哈哈!」

謝賢
(圖片來源:新傳媒資料庫)

與兒女各自各精彩

鄭:霆鋒細個有冇咩調皮嘢?謝:「我真係同佢唔係好熟,因為佢喺溫哥華學校係寄宿,禮拜六、日先返嚟,有時放假佢都同佢啲同學一齊玩,佢自細我就習慣佢有佢玩、我有我玩,如果有需要嘅時候大家傾。」

鄭:從來冇打過霆鋒、婷婷?謝:「冇,唔可以用打嚟教細路仔,如果你少少嘢都打佢,佢懷恨在心,第日打番你咪死,哈哈哈!」

謝賢 3父女
3父女(圖片來源:新傳媒資料庫)

鏡頭前兒女私人問題點到即止

鄭:近年同霆鋒溝通多咗,關係有冇再好咗?謝:「都唔係,佢近來都係忙到我心都痛,佢時時朝早六點起身去北京,夜晚返嚟,第二朝又去第二度,所以佢返到嚟,我一定唔會騷擾佢,佢返到嚟,想休息就休息、想搵我食飯就食飯。」

謝賢 給予子女自由
給予子女自由(圖片來源:新傳媒資料庫)

當時霆鋒王菲復合的事傳得鬧哄哄,鄭問:聽講霆鋒同王菲復合?謝:「你點知係復合?可能朋友呢!佢嘅私人嘢我唔答!」

謝賢 說到霆鋒感情生活點到即止
說到霆鋒感情生活點到即止(圖片來源:新傳媒資料庫)

鄭:你兩個孫呢個歲數最得意、好玩!謝:「呢個時候最好玩,但依家咁嘅環境唔使問我啦,個個都喺報紙睇到啦!呢個天意,我哋接受嘅!」

謝賢 謝賢與孫子Lucas、Quintus
謝賢與孫子Lucas、Quintus(圖片來源:新傳媒資料庫)

鄭:會唔會同仔女傾感情事?譬如霆鋒離婚或者婷婷拍拖,你有冇同佢哋傾吓?謝:「我從來唔會擺老竇款,我做人做個榜樣,唔做錯事、唔做衰嘢、唔呃人,佢睇到㗎!」

謝賢 謝賢與女兒謝婷婷
謝賢與女兒謝婷婷(圖片來源:新傳媒資料庫)

對自己有要求、勇於嘗試新事物

鄭:你身形keep得好好,係點keep㗎?謝:「我係堅持人唔可以俾年齡限制,將自己keep好啲,自己都舒服嘛!成日恐懼老乜都唔做得?假嘅!我依家乜都做到,我嗰日同霆鋒去內蒙,我仲揸沙漠車,好過癮,依家我仲想跳Bungy Jump,如果我死喺嗰度,嘩,幾過癮呀!」

謝賢 相隔29年兩父子才有機會一起去旅遊
相隔29年兩父子才有機會一起去旅遊(圖片來源:新傳媒資料庫)
謝賢 這一句雖然風趣但又帶點唏噓
這一句雖然風趣但又帶點唏噓(圖片來源:新傳媒資料庫)

第38屆終身成就獎實至名歸

謝賢 《第38屆香港電影金像獎》終身成就獎-謝賢
《第38屆香港電影金像獎》終身成就獎-謝賢(圖片來源:香港電影金像獎)

常見問題

謝賢首封金像獎影帝?

謝霆鋒在2011年首封影帝時,在台上重提昔日寸老豆無攞過金像獎,而今屆係謝賢⋯⋯詳情請看

謝賢憑《殺出個黃昏》封影帝有何感言?

謝賢由林家棟陪同下走上頒獎台,謝賢在台上表情激動說⋯⋯詳情請看

圖片來源:新傳媒資料、TVB、東方新地

讀者留言