鍾嘉欣

鍾嘉欣再發福利照 孕媽晒弗爆body

藝人鍾嘉欣早前宣布懷上第二胎,將會為女兒Kelly添個弟弟或妹妹,組成一家四口幸福家庭。雖然大肚的嘉欣已經好少會出席公開活動,但佢不時都會喺社交網po靚相,同大家交代生活近況。日前嘉欣又派福利俾大家,見到佢身穿露肩短裙,大騷白滑肌膚及修長美腿,再擺埋誘人甫士,網民都不禁黑人問號:點解會有大肚婆咁索㗎?

撰文:東方新地|圖片:Instagram

鍾嘉欣再發福利照

鍾嘉欣早前宣布懷上第二胎,同時宣布會離開加盟了13年的TVB,雖然已經甚少會出席公開活動,但嘉欣不時都會喺社交網po靚相!呢日嘉欣又派福利,見到佢上載三張靚相,身穿華麗露肩短裙,依然美豔動人,其中兩張相仲擺埋誘人甫士,大騷白滑肌膚及修長美腿,點解會有大肚婆咁索㗎?

鍾嘉欣
鍾嘉欣完全無走樣!
鍾嘉欣
呢個算唔算係「老公」視角?
鍾嘉欣
雙長腿真係不得了!

鍾嘉欣夏威夷度假

鍾嘉欣早前喺社交網上載靚相,相中可見大緊肚的嘉欣依然靚靚,睇落完全唔似有咗,不單身形依然纖瘦,就連招牌瓜子臉亦都喺度,水腫情況全無,真係羨慕死人!一面幸福笑容嘅嘉欣同三個寫有「LOVE」字樣嘅氣球合照,不過都唔及佢條低胸波點裙吸睛!

火紅三點式 索爆媽媽

早前愚人節,嘉欣媽媽冇整蠱大家,反而繼續喺網上派福利!今日佢上載一張身穿紅色三點式泳衣嘅沙灘玩樂照,抱住囡囡Kelly,兩母女笑得非常燦爛。相中亦見到陀住B嘅嘉欣肚子凸凸,不過整體身形仲係好弗,依然性感誘人!唔知嘉欣係咪會keep住分享靚相俾大家睇呢?