WEB 1000X600

鍾嘉欣盛傳懷第二胎 原來係老公Jeremy爆響口!

鍾嘉欣2015年同脊醫Jeremy Leung拉埋天窗,婚後誕下可愛女兒Kelly,之後一直長居加拿大,間唔中先返香港接吓job同大家見見面。今日就有報道指,鍾嘉欣原來成功追到第二胎,本來未夠三個月唔想公開住,但有指再次做爸爸的Jeremy實在係難掩喜悅,忍唔住同街坊及病人報喜!恭喜嘉欣!

鍾嘉欣盛傳懷第二胎

鍾嘉欣向來喜歡小朋友,一直都希望係女兒Kelly添個弟弟或妹妹,今日就傳來好消息!有報道指鍾嘉欣已懷有第二胎,由於剛剛有喜,故現時專心養胎,不時覆診好好調理身體。

據知有喜未夠三個月的鍾嘉欣尚未公布喜訊,不過由於再次做爸爸的Jeremy實在太過興奮,已經忍唔住同街坊及病人報喜!開心事,又真係唔怕講嘅!

鍾嘉欣與老公Jeremy
鍾嘉欣與老公Jeremy
鍾嘉欣與女兒Kelly
鍾嘉欣與女兒Kelly
鍾嘉欣女兒Kelly依家歲半,非常可愛!

安仔話唔知道

其實早排鍾嘉欣先同郭晉安去多倫多登台,安仔回覆傳媒時笑稱唔知嘉欣係咪懷孕,不過就話對方表演期間不時嗌攰要坐低,唔知算唔算係懷孕迹象。當日嘉欣著住條白色A line裙,小腹位置被遮住,唔知係咪特登㗎呢?

鍾嘉欣同郭晉安早前去多倫多登台
鍾嘉欣同郭晉安早前去多倫多登台