鍾培生拍片分享生活哲理 驚現超級黑眼圈引網民關注
鍾培生拍片笑花木蘭
鍾培生在影片中談到了花木蘭的故事，他直言不諱地質疑為什麼花木蘭代父從軍幾年後，最終要和好友結婚？他說：「花木蘭梗係有問題啦！」同時，他也點出了其中的一個重點：「同你住埋一齊三年，同你稱兄道弟攬埋一齊，跟住我唔知你係女人？你話你有幾醜？」他還表示，贏得戰爭都不代表要娶自己的戰友：「唔make sense㗎嘛！」
鍾培生驚現熊貓眼
該影片獲不少網友都表示認同，不過同時亦有無數網民「錯重點」，將焦點放在他的熊貓眼：「好嚴重，好似被人榨乾咗咁」、「鍾生你隻眼咩事？」、「黑眼圈嚴重，保重」。事實上，鍾培生IG上的reels有大部份都是由以前的陳年舊YouTube影片重新剪輯過，因此影片中的熊貓眼極有可能就是鍾培生之前練拳期間左眼受傷時的情況。
鍾培生是打得之人
鍾培生向來都是打拳好手，他分別於2021年9月，及2023年7月，與林作及TOYZ舉行擂台戰，結果鍾培生2戰全勝，認真厲害。
鍾培生玩Reels大受網民歡迎
鍾培生經常拍片在YouTube講大道理，近日在IG轉戰玩Reels的他，將以前的陳年舊YouTube影片重新剪輯後放上IG，令一條他去年10月上載過的影片再度翻紅，短短3日就已經有接近60多萬人睇過！
鍾培生食麥當勞要做3樣嘢
鍾培生去年10月在YouTube分享有錢人的生活方式，影片變成reels後再次翻紅。他以麥當勞做例子，真正的有錢人，是會做3樣嘢：「點先為之有錢呢，去食麥當勞唔使睇價錢就食，直接嗌加大，我覺得呢啲係貧窮限制你想像，如果畀我揀嘅話，無論係食任何餐都好，首先我會加$18雞鎚，之後再加$4.5嗌晒3個唔同嘅麥樂雞醬去用嚟點薯條，你試過未吖！你就咁食個普通薯條都係幾蚊包，你再加$4.5去點薯條，嗱，呢個就係王道喇！」
鍾培生被網民笑太小兒科
曾經打過「培生擂台」的霍哥，都忍不住留言表示佩服：「竟然係加雞脾，果然係富人思想😂」，不過有不少人表示太「濕濕碎」：「加一盒雞翼先正路」、「仲以為會話全部都單點」，反而部分網民的做法更加土豪：「我每次叫幾錢都會撳埋畀麥當勞兒童基金會」、「炸野一定要配沙律醬 買個魚柳飽用嚟點薯條」、「係叫佢即刻炸嗰啲薯條走鹽，跟住問佢拎多包鹽啊」、「我入親麥當勞都大叫 呢個round我嘅」、「我食麥當勞唔會叫餐，只會單點」、「我會叫多個餐，為咗飲多杯可樂」。
