鍾鎮濤

回顧65歲鍾鎮濤後生型爆相 型男魅力無法擋!

現年65歲的鍾鎮濤(阿B)密鑼緊鼓籌備即將舉行嘅演唱會,適逢今年係阿B入行四十五周年,今次同大家搜羅佢七十至九十年代嘅圖片,嗰份型男魅力實在無法擋!

撰文:東方新地|圖片:東方新地

回顧65歲鍾鎮濤後生型爆相

|73年 組成溫拿

1972年陳百祥同細佬陳百燊離開 Loosers 令樂隊散band,73年彭健新、陳友、葉智強重組樂隊,加上譚詠麟亦由新加坡回港,再加埋新加入嘅鍾鎮濤,Loosers正式改名Wynners(溫拿), 樂隊風靡東南亞,創造輝煌成就。

鍾鎮濤

|75年 同阿倫情如兄弟

鍾鎮濤同譚詠麟係溫拿嘅靈魂人物,受歡迎程度相當,但無損二人感情,兄弟情一直維持至今。75年兩人玩包剪揼,譚校長雖然贏咗但唧都唔笑,可能三 盤兩勝仲輸緊。

鍾鎮濤

|76年 同健仔鬥jam

鍾鎮濤除咗吹色士風耍家外, 彈電子琴亦有一手,難怪可以一個頂陳百祥(主音)同陳百燊(鍵琴手)兩兄弟,喺溫拿現場表演時同結他手彭健新鬥 jam,有姿勢有實際。

|76年 旺女友奪影后

6年鍾鎮濤首部擔正港產片《秋霞》,夥拍初戀女友兼著名創作歌手陳秋霞合演淒美愛情故事,女友初登大銀幕就贏得第14屆金馬獎「最佳女主角」締造影齡最短嘅影后紀錄。

|78年 率先攻台

78年溫拿成員作獨立發展,鍾鎮濤影呢張靚仔相時已率先進軍台灣,憑俊朗外表喺唔少文藝愛情片做男主角,俘虜萬千寶島少女心。

|79年 出碟扮拳師

79年鍾鎮濤喺第二部台灣電影《早安台北》演瞞住父親休學並在餐廳駐唱, 順勢推出電影原聲大碟,唱片封套上嘅阿B戴拳套銳意一擊即中、大紅大紫。

|79年 助林鳳嬌奪后

鍾鎮濤赴台發展首部電影《小城故事》演一個剛出獄嘅青年,同演啞巴嘅林鳳嬌合演愛侶,佢憑楚楚可憐嘅演出得第16屆金馬獎「最佳女主角」首奪影后。

|85年 變身飛天超人

港產超人除咗75年李修賢嘅《中國超人》外,仲有85年嘅《鬼馬飛人》,片中鍾鎮濤演嘅中學體育教師,因誤服神藥變成力大無窮、刀槍不入嘅飛天超人,但造型好騎呢。

|86年 戙腳似講數

外形高大威猛嘅鍾鎮濤,喺張十大殺人武器之首摺凳上戙起隻腳紮行 馬,豪邁man爆似講數,如果唔係笑容滿面相信冇人敢埋佢身。

|87年 孖林敏聰搞鬼

鍾鎮濤87年推出大碟《寂寞》,一曲〈非洲黑森林寫真集一日遊〉搵嚟鬼才林敏驄填詞,仲孖住搞鬼扮古代日本人影宣傳相,造型爆笑頂癮。

|88年 超豪娶章小蕙

88年鍾鎮濤迎娶喺加拿大開演 唱會時認識嘅章小蕙,並豪花三百萬舉行轟動娛樂圈嘅豪華婚禮,不過呢對拍拖三個月就結婚嘅金童玉女,婚姻維繫十一年就玩完。

梁家輝鍾鎮濤 Man爆娘娘上身

影帝梁家輝同B哥哥鍾鎮濤今次會「娘娘上身」,原來全因B嫂范姜愛上煲《延禧攻略》,早前B哥哥就曾為「爭寵」,po出「娘娘」照。

鍾鎮濤 Kenny Bee(@bggkenny)分享的貼文張貼

梁家輝 鍾鎮濤

曾經同B哥哥合作過嘅台星楊瑾華笑讚:「老豆~你是聰明的~」而阿Sa (蔡卓妍) 狂笑完後更自po「娘娘」照回應。

梁家輝 鍾鎮濤

Charlene Choi(@choisaaaa)分享的貼文張貼

阿Sa仲為照片配上霸氣嘅留言,明顯中晒《延禧》毒!

梁家輝 鍾鎮濤

楊瑾華都曾經扮過「娘娘」!

兒 花(@cheryllovel0ve)分享的貼文張貼

鬚根加蘭花手

而今次B哥哥同好友梁家輝合體扮「娘娘」,濃眉大眼嘅B哥哥臉上被添上胭脂,滿面鬚根嘅梁家輝就又眯眼又做蘭花手,相當配合,獲范姜大讚「美人兒」,仲送上「香吻」一個!

范姜 FanFan(@fan_fan_fanchiang)分享的貼文張貼

梁家輝 鍾鎮濤

連袁偉豪都留言大叫「Holy ma ma,瀟灑哥!」

梁家輝 鍾鎮濤

Benjamin Yuen(@benontheroad)分享的貼文張貼

楊瑾華就笑喊:「美到…我無法抉擇…」引來范姜霸氣回應:「你必須選!」

梁家輝 鍾鎮濤

梁家輝 鍾鎮濤

鍾鎮濤 陪老婆shopping

話說中環置地靚人型人一向多,不過一眼望落去,都係撩牙都撩得有型過人嘅B哥哥最搶鏡。兩公婆約埋女性友人飲完咖啡、吹完水,女人吹水一發不可收捨,B哥哥亦唔介意陪坐,間唔中先發表吓意見,休休閒食完個tea,兩公婆就走去拍拖shopping享受吓二人世界。

鍾鎮濤

做到去到邊型到邊嘅B哥哥竟然仲可以突破型之新境界,之唔係乖乖坐埋一邊畀老婆自己睇嘢,老婆睇啱,就自動波攞出銀包埋埋單,再主動拎埋個名牌大紙袋嗰下囉!男人有風度又錫老婆,邊個女人會唔讚B哥哥型先?

鍾鎮濤

鍾鎮濤

唔使開戲又唔使出埠登台,B哥哥放假第一時間陪老婆范姜。

鍾鎮濤

先喺置地咖啡店約埋女性朋友吹吓水,相戀廿幾年,兩公婆出街依然會對望相視而笑,呢啲咪就係愛囉!

鍾鎮濤

型佬即係型佬,食飽飽撩吓牙,都有台型過人。

鍾鎮濤

鍾鎮濤

一場嚟到,范姜睇吓名店有咩新貨,老婆買嘢坐埋一邊乖乖等、睇啱二話不說攞個銀包出嚟找數,B哥哥呢啲絕對係最佳人夫示範。

鍾鎮濤

鍾鎮濤

鍾鎮濤

鍾鎮濤

鍾鎮濤

鍾鎮濤 Kenny Bee(@bggkenny)分享的貼文張貼

當年“表錯七日情”的組合….
鍾鎮濤 Kenny Bee(@bggkenny)分享的貼文 於張貼

鍾鎮濤 Kenny Bee(@bggkenny)分享的貼文張貼

鍾鎮濤 Kenny Bee(@bggkenny)分享的貼文張貼

鍾鎮濤 Kenny Bee(@bggkenny)分享的貼文張貼

鍾鎮濤自認呷醋岳父 支持阿女入行

B哥向來是個與子女沒有代溝的好爸爸,為了捍衞家庭,B哥工作家庭兩兼顧。為了陪著子女成長,有時更會放棄賺錢,「我唔會為咗賺錢而放棄屋企人。盡量每年都可以同啲仔女去到五次旅行,帶細路去唔同地方見多啲唔同嘅嘢。所以每逢學校假期,我盡量唔會接嘢做。為咗仔女,事業有時都要有所犧牲,如果唔係我大可以去北京住,因為工作主要喺大陸,上去住可能更加幫到我事業。但係為咗陪佢哋我覺得值得。由入學開始,每次見家長、每甩一隻牙、每次睇醫生,我都跟得好足,都係一齊經歷,我冇錯過佢哋成長任何一樣嘢。有好多爸爸因為做嘢,會覺得做乜啲細路突然大咗咁多,佢哋miss咗好多嘢,但我唔會。」

鍾鎮濤
仔女就是B哥的心肝椗,他表示女兒的生活所需他都會準備好,買樓做嫁妝當然唔少得,並自言是呷醋岳父,未來女婿要娶三個女都要過五關斬六將。
鍾鎮濤
問B哥捨得踏入青春期的鍾懿識男仔、拍拖嗎?哥哥直截了當:「呢個絕對未可以接受,仲係太細。大女啱啱過咗23歲生日,我就捨得。」

買定樓做嫁妝

影相當日,B哥帶住二女鍾懿與細女鍾幗前來影樓,兩個囡囡與爸爸又錫,關係不言而喻,講到他日女兒要嫁人,B哥十個不情願,對於會否買定每人一層樓當嫁妝,B哥說:「最緊要養大佢哋,讀完書長大後生活基本嘅嘢已經準備晒,車、樓嗰啲基本需要冇問題,但我唔會買架法拉利畀佢哋。我絕對百分之百係呷醋岳父,最好就唔好嫁,陪我幾耐得幾耐啦!其實我要求好簡單,如果有人錫佢哋多過我錫佢哋,咁我就願意畀個女嫁喇!呢啲都係講笑,都係隨緣啦!」

鍾鎮濤
B哥笑言8歲的細女鍾幗是家中的小霸王,個個都錫到燶,正所謂孻女孻心肝,囡囡啜一啜,B哥冧爆。
鍾鎮濤
家有4個寶貝的B哥出名愛錫子女,尤其對住3位千金更是冇晒符,現年28歲的鍾嘉浚在美國生活,23歲的大女鍾嘉晴正於台灣讀書,只有13歲的鍾懿和8歲的鍾幗陪伴在側。14年B哥與范姜素貞在峇里島舉行豪華婚禮,一家六口齊人影全家福。
鍾鎮濤
面對與前妻章小蕙所生的大女鍾嘉晴,與范姜所生的二女鍾懿、細女鍾幗,B哥永遠都一副冧樣,正所謂「女兒是爸爸的前世情人」,眼見囡囡日漸成長,阿B特別珍惜跟她們共處的時光。

父女檔上陣

四名子女當中,二女鍾懿的表演慾最強,亦遺傳了B哥的音樂天份,對於女兒想入行,B哥持開放態度,「鍾懿鍾意藝術,唱歌亦係最好嘅,佢想入行我一定幫,如果入演藝界會比一般人著數好多,成日都有人想斟佢,我唔係推,不過都係讀書為先,讀書先係對佢哋將來最有保障最有利。佢哋仲細,仲會變。」

鍾鎮濤
鍾鎮濤早前出HiFi大碟《A Better Bee》圓夢,更帶埋二女鍾懿入錄音室Jam歌,「佢細細個我已經覺得佢好有唱歌天份,連出台都唔驚,如果佢做歌手嘅話我一定支持!」因為經常帶住家姐周圍表演,細女曾為此呷醋,而令阿B最驚訝的是鍾幗識唱韓國天團BigBang的歌,他笑謂:「佢一句韓文都唔識,點解會識唱晒成首歌!」兩女都遺傳了B哥的演藝天份。

鍾鎮濤

「細女鍾幗呢三、四年都話想做科學家,唱歌都係玩吓,佢睇好多天文地理科學書,睇愛因斯坦呀,成日講嘅嘢我都聽唔明,佢最大機會做專業人士,四個仔女個個性格都唔同,你估仲係以前咩,要仔女繼承父業,佢哋鍾意做咩,我都會支持。做咩都好,希望佢哋唔好怕蝕底,呢樣嘢好重要,有時行多步理想達到。」

鍾鎮濤

在B哥眼中,子女永遠是最優秀的,所以經常把他們掛在口邊,女兒的生日他一定會記得,如此痛錫子女,難怪仔女都爭住黐實呢個廿四孝爸爸啦!

鍾鎮濤

自小跟住爸爸走埠與表演的鍾懿,見慣大場面,比起哥哥、姐姐及妹妹,她與B哥相處的時間最多,對於有個像超人無所不能的爸爸,鍾懿說:「好多人話好羨慕我有 個咁型嘅爸爸,話我爸爸唱歌叻、又可以同佢去咁多好靚嘅地方,仲有好多經驗,可以教我好多嘢。我覺得我爸爸最值得我學習嘅就係勇敢同正面。」有個好太太與四個乖仔女陪住走高山低谷,難怪B哥正能量爆燈。

鍾鎮濤
B哥經常在內地工作與走埠,在港的日子不多,但他堅持晚晚與女兒視像通話,有時更叫囡囡彈結他畀佢聽。
鍾鎮濤
為了家庭,B哥有時寧願放棄賺錢,換取見證子女成長的每一個時刻,在「貴精不貴多」的大前提 下,近年他會選擇收入較可觀的內地工作,在港則專心做個幸福「湊仔公」。
鍾鎮濤
嘉浚七歲、嘉晴四歲的時候已經開始跟著繼母范姜一起生活,很早已改口叫媽媽,范姜照顧他們親力親為仆心仆 命,對於培養子女更不遺餘力,除了是最佳母親,她亦是最佳老婆。B哥多謝范姜的無私付出:「最好彩係身邊有個人,陪住我,有粥食粥,有飯食飯。有個人share真係爭好遠,好多嘢淨係范姜至明。我好彩嗰陣識咗范姜,除咗精神上支持,仲有經濟上支持,所以我咪以身相許囉!」

鍾鎮濤:胡亂投資有風險

鍾鎮濤的人生故事,精彩得足以寫成自傳,當年與前妻章小蕙在市好時豪氣大手掃入多項豪宅,其後因金融風暴樓市急轉直下,一度坐擁數億元資產的B哥身家霎眼煙消雲散,更欠下2億元巨債申請破產,02年宣布破產。在財困時與章小蕙離婚,女友范姜素貞卻願意陪伴B哥度難關,4年的破產期不易過,B哥仍然保持樂觀心態,事過境遷感觸良多。

鍾鎮濤
65歲的鍾鎮濤有女萬事足,為了家庭拚盡全力,並為退休定下時間表:「我仲想衝多三幾年,為咗啲仔女,我畀多幾年時間自己啦,我十年冇喺香港開演唱會,仲想趁住唱到 開場演唱會,70歲退休就差唔多啦!退休之後,啲女去咩國家住,我就跟住佢哋。我諗我呢一生人都同啲女分唔開,跟住玩吓音樂,到時就真係唔係為咗錢,淨係想玩。」

對於投資,B哥見過鬼怕黑,最大領會是絕對不要胡亂投資,他說:「理財方面,真係唔好亂投資,唔識嘅嘢真係唔好亂買。除非買樓啦!起碼有嚿實際嘅嘢喺度,我依家會投資番喺我自己熟嗰行,電影啦、音樂啦,合適嘅project都會投資少少,唔會擺晒成副身家、唔會百分百,係會參與少少。我鍾意唱歌、玩音樂同拍戲,依家會選擇性咁做,以前做仔,依家咪做人老竇囉,以前可以打,依家梗係打唔到啦!近年會去大陸拍電視劇,收入真係好好,佢哋好捨得畀錢,呢樣嘢係sure win。投資唔係一定有錢賺,一定有風險,但係投入自己時間拍電視劇最穩陣最有把握,賺硬,點解唔做呢?」

鍾鎮濤
B哥最近忙於拍攝由許鞍華、朱嘉懿監製的電影《花椒之味》,今次的角色有鄭秀文、賴雅妍、李曉峰三個女兒,但是不同媽媽生,鍾鎮濤笑說:「睇劇本時覺個角色喺各地都有一個女,點解可以咁衰!」

玩夠先退休

工作基地已轉移到內地的B哥,坦言自己就是最大的本錢,破產後大翻身,他全靠肯捱肯做,現時在國內開工作室、在港又投資千萬搞band房,保守估計一年接超過50場內地登台騷,再加上拍戲拍劇上綜藝節目,收入閒閒地過千萬。對於身家過億,B哥笑言多年來做騷賺唔少,投資的海外物業亦升值,不過仍要返去計計數先知。

鍾鎮濤
B哥愛夾band也喜愛品茶與書法,幾忙都好,有時會一個人在Band房享受私人時 光。他說:「飲茶好,可以靜靜、好清晰咁傾偈。依家好少上嚟玩音樂,上得嚟都係為咗一個人寫吓字。02年喺大陸拍戲,我做皇帝,但係我中文麻麻,所以寫書法,每日都寫幾個鐘。當時開始執行破產令,乜嘢興趣都要錢,呢樣唔使錢,都算係一種解愁方法,畀我投入一樣嘢去忘記煩惱。」

破產令解除至今已12年,B哥倒賺過億身家,經濟上無憂,退休享福指日可待,他說:「依家我已經生活得好好,可以話隨時退休,都生活無憂,呢種生活可以維持到嘅。我有樓,不過唔喺香港,唱歌拍戲,一年唱幾十場,其實已經好唔錯,夠我退休。我個人生好豐盛,人到65歲,乜都經歷過,唔係起起落落,而係大起大落。好在呢一刻,我唔係埋怨緊、羨慕緊人哋,我個人心態幾好,唔需要大富大貴,可以養得起仔女、可以一年放幾次假,已經覺得自己喺好多人之上,已經唔錯啦!講番去以前,咪笑一笑囉!」

鍾鎮濤
B哥平日工作忙碌周圍飛,一有時間就出海暢遊享受人生,飲紅酒歎雪茄人生一樂也。
鍾鎮濤
家庭生活對B哥來說非常重要,每年最少會五次舉家出外旅遊,他想帶子女遊盡全世界,增廣見聞,一家人也可以共敘天倫。剛過的農曆新年,B哥一家去完日本滑雪。

關鍵詞
鍾鎮濤