【鐵探】劇透慎入!姦殺犯羅彪未死再現身 前受害者始終難逃一死?!
撰文:東方新地|圖片:劇照、影片截圖
Bingo爆殺死洪永城終極真兇
噚晚播出嘅一集,原來Madam Man大仔邱Sir三年前去拯救快活谷時,Bingo同樣喺現場並曾希望營救邱Sir ,點知卻遭Madam Man阻止!換言之,真正殺死邱Sir嘅人反而係自己親生媽媽!
當Bingo講出所有事實真相後,Madam Man更即命狙擊手開槍殺死Bingo,而Madam Man忠僕伍Sir得知真相後亦不惜捨身幫Bingo擋槍!可惜,最終都未能救對方一命….
今晚新一集將會講到警隊一哥(石修飾)出席Madam Man細仔於浩園嘅喪禮時,向MadamMan暗示有機會擔任第一位女警務處長!
不過前一集垶Sir(袁偉豪飾)喺泳莎(鄧佩儀飾)手中接到Bingo所寫嘅信得知一切真相後,當然跟從Bingo遺願誓將Madam Man拉落馬,故聯合程Sir(黃智賢飾)、賤Kan(許紹雄飾)一齊尋找證據!
姦殺犯羅彪未死再現身
而另一方面,之前被Iris(蔣祖曼飾)及江麗瑤(何佩珉飾)帶走及以電椅嚴刑伺候嘅羅彪亦會再次出場,但羅彪已經被折磨至精神失常!
由於之前都有提過羅彪會再搵自己當年未得手嘅女性再犯案,點知今次羅彪就再遇曉怡(王君馨飾),但其後發現原來已失常嘅佢只係想喺超市偷竊!
之後,曾經係受害者之一嘅阿招(蔡思貝飾)收到高空工作隊任務,要從高樓上救人,點知對方竟然係要求羅彪!結果,喺程Sir鼓勵下終成功克服個人陰影,救下羅彪及將其正式拘捕!
常見問題
將來還有什麼演唱會值得留意?
有不少歌手宣布舉辦演唱會,例如:韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑;喜歡K-pop的你亦有福了,Apink、NCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
香港有甚麼週末好去處推介?
2023年好戲多籮籮,小編為你整合2023電影推薦及3-6月香港電影上映表,無論是港產片、Marvel、卡通片都應有盡有,更附上必睇劇情和彩蛋介紹!除此之外,更可以參觀博物館,例如太空館、科學館、香港藝術館、M+、香港文化博物館等,更為你整合行山路線、野餐地點、絕對是假日消遣的必然之選!