LAM

長輩箍煲得米 麥明詩 林作團圓慶中秋

麥明詩早前表示將林作降呢做朋友,點知轉眼就同對方復合兼團圓慶中秋,認真好睇過戲!日前麥明詩被影到同林作於中環食飯,而林作媽媽及外婆都有現身,林作靠長輩箍煲得米喎!

延伸閱讀︰

當Baby冇到 小S狼吻喪摷黃曉明

警鐘胸抱女 Jessica C.闔家返美國度假

團圓慶中秋

麥明詩早前被本到影到於電視城喊爆同林作傾電話,之後又認將對方降呢做朋友,默認分手後,估唔到事隔唔夠半個月,就同林作復合,前晚被影到同對方及林作媽媽及外婆一齊慶中秋!唔知兩位長輩席間有冇催二人快啲結婚呢?

 

5_962a_funn_p72_732

視麥明詩為新抱

據知一直視麥明詩為新抱嘅林媽媽,得知麥明詩要跟仔仔分手後,即急從北京飛返港為兒子箍煲,而居於深圳嘅林作外婆亦親自出手,為愛孫落足嘴頭,希望二人和好如初!一向十分孝順嘅麥明詩,見林媽媽及婆婆遠道而來,當然應約赴會!據知林媽媽向麥明詩保證,林作以後會聽晒佢話,加上林婆婆席間向麥明詩表示,好掛住孫新抱,又希望一家人多啲食飯見面,結果林媽媽同外婆打動下,麥明詩終答應跟林作復合!

全文完