未命名-1

開心大綜藝│曾志偉完騷帶頭自high 親自送客犯禁握手 拉大隊食宵夜慶功

最新娛聞

曾志偉敲鑼打鼓重整無綫綜藝,重頭節目《開心大綜藝》首播,口講話係革新,都係走唔出個框框,節目形式似《歡樂今宵》加遊戲節目,被指繼續炒冷飯冇新意,網民似乎唔多buy,不過掌舵人曾志偉就自我感覺非常良好,完騷後大讚台前幕後good show,親自送現場觀眾走仲握晒手,之後仲吹雞食宵夜慶功,說好的社交距離呢?

撰文:東方新地 圖片:TVB電視截圖、江美儀IG圖片

 

開心大綜藝
《開心大綜藝》首集現場直播完畢,曾志偉現身與台前幕後不停影大合照。
開心大綜藝
主持陣容大堆頭,不過講不上有驚喜。

開心大綜藝首播彈多讚少

無綫全新合家歡綜藝節目《開心大綜藝》首播,節目是曾志偉回歸後首個重點策劃的綜藝節目,節目中有大型歌舞、短劇及遊戲環節,似足當年《歡樂今宵》,不少網民都批評節目內容老土,就連神秘嘉賓係盧冠廷都冇乜人提及,可知吸引力真係好削。首席創意官王祖藍變身「無綫特別堆田區行政長官」藍太,抽盡疫情記者會水。不過網民好似唔多受落,覺得只是做回十年前的「福祿壽」及王祖藍又係扮女人等等。

開心大綜藝
無綫首席創意官王祖藍在《開心大綜藝》粉墨登場,惡搞特首以「藍太」姿態登場,他受訪時表示在副總經理曾志偉號召下,總要有些突破,不過觀眾就覺得冇乜驚喜。
開心大綜藝
首播完場,曾志偉現身致謝,直豎拇指好興奮。

曾志偉緊張監場

曾志偉臨危受命要搞好無綫綜藝,《開心大綜藝》首播當然份外緊張,緊張監場的他完騷後即上台鼓勵台前幕後,不停影大合照又接受訪問,似乎非常滿意節目。

開心大綜藝
無綫同ViuTV打緊仗,眾人完騷後都好亢奮,曾志偉與王祖藍都不停激勵大家的士氣。
開心大綜藝
曾志偉落台後大讚鄧佩儀當晚的演出。
開心大綜藝
面對曾志偉的讚賞,劉佩玥一副含羞答答樣。

開心大綜藝全台抗疫意識低

為了新節目造勢,無綫安排大量現場觀眾入場,當晚反應非常熱烈,完場後曾志偉更帶頭親親觀眾,近距離送客,對於熱情觀眾要求握手,曾志偉與幾位主持都來者不拒,社交距離等於零。而朱晨麗、劉佩玥與鄧佩儀在完場時更連透明口罩都冇戴,仲圍住樂易玲狂噴口水。之後曾志偉吹雞叫所有人一齊去無綫飯堂食宵夜,冇皇管之下就更加肆無忌憚。

開心大綜藝
朱晨麗與劉佩玥一直唔見有戴透明口罩。
開心大綜藝
朱晨麗、劉佩玥及鄧佩儀在完全沒有戴口罩之下,與樂易玲傾得好開心。
開心大綜藝
曾志偉帶頭行去觀眾席親自向現場觀眾揮手致謝及送客。
開心大綜藝
不少觀眾伸手要求與曾志偉合照,曾志偉照握可也。
開心大綜藝
其他主持包括阮兆祥及泰臣亦有樣學樣,跟住曾志偉落台送客兼握手。
開心大綜藝
覺得新節目大成功的曾志偉,在現場不停廣邀台前幕後去飯堂宵夜慶功。

讀者留言