阮兆祥

阮兆祥《傻波的》寸爆財政預算案

最新娛聞

廣告

財政司司長陳茂波上星期發表了今年度的財政預算案,雖然今次政府估計盈餘有1380億元,不過所謂「派糖」措施似乎未得市民歡迎,全城怨聲載道!呢個時候阮兆祥就作咗首改編自〈到此一遊〉的〈傻波的〉,歌詞夠晒抵死,寸爆財爺陳茂波,為民發聲!

撰文:東方新地
圖片:阮兆祥、Paul M.P. Chan Facebook

今年度財政預算案

財政司司長陳茂波上星期三發表了今年度的財政預算案,雖然今次政府估計盈餘有1380億元,不過沒有唔少人期待的「派錢」計劃,一啲「派糖」措施如派1萬張海洋公園門票、下年學生可免費報考DSE等,都惹來市民爭議。呢份財政預算案如何,真係見仁見智啦。

阮兆祥《儍波的》夠晒抵死

好少市民對財政預算案不滿絕對係事實,似乎阮兆祥都有同感!佢呢日就喺FB上載一段短片,唱出一首改編自《降魔的》主題曲〈到此一遊〉的〈傻波的〉,歌詞夠晒抵死,寸爆財爺陳茂波,唱出市民心聲呀!祥仔接受訪問時就話係成個團隊一齊作出來,仲會喺嚟緊「福祿壽演唱會」演唱!大家到時可以一齊唱~

即刻去片:

有冇興趣玩接龍?歡迎留言一齊玩😆歡迎開心Share

Posted by 阮兆祥 LOUIS YUEN on Saturday, 3 March 2018

歌詞如下:

報告都睇過了 政府水浸了派多少

退稅加送玩具 去Ocean Park放紙鳶

中產偷偷笑笑 差餉慳四季太碎料

錯數可有預料 何時被稅局召

成日有錢不派 滴水不漏 十分之壽頭

見到將幾百億送走 慘得我食藥也不夠

隨便扣減啲稅 例牌幾嚿 悶到我想嘔

無論是快樂與難受 佢鬼知道百姓嘅感受

延伸閱讀:

簡淑兒拒發誓粉碎整容傳聞:只係妝容與角度唔同!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
阮兆祥