子華

子華母恨抱孫 孝順子華御准女友入門

行年57歲的黃子華,雖已是殿堂級棟篤笑始祖,被封「子華神」,但至今仍未成家立室,多年來愛拍長拖,不婚主義曾令他痛失拍拖9年的化妝師女友溫安妮,情傷暴瘦手尾長。

4年前子華神遇到現任女友「翻版范曉萱」,婚姻觀念亦有所改變,現在的他對結婚不抗拒,對小朋友亦愛不釋手,知道年老的母親恨抱孫,子華神更御准女友入門,在北角半山共築愛巢,子華母飲新抱茶終於有望。日前子華神與女友一齊湊狗返家,又帶母親去急症室求診,如此孝順又窩心的男人,仲要才華洋溢,真係買少見少喇!


撰文:東方新地
圖片:新傳媒圖片庫、黃子華FB

子華與女友 同居湊狗

黃子華多年來都住在何文田,早年與化妝師女友溫安妮拍拖,他更在何文田買下一個單位送給女友並同居,二人感情一直要好,子華不時公開拖女友,當時已三十幾歲的溫安妮對婚姻有憧憬,可惜等了9年子華都不肯拉埋天窗,最後分手收場。有傳子華因此落晒形,最後送了同居的單位給女友作補償,未能忘情的他在同區租屋與母親及胞妹同住。後來情傷難癒,為免睹物思人,子華決意搬竇避舊愛,並一擲2,400萬買入北角半山天后廟道雲峰大廈單位。

子華
這日子華與女友帶愛犬一同外出,返家時愛犬坐在女友大腿上。

子華
到達家門後子華讓女友拖狗先落車。

子華
子華泊好車後,快步行到大門口會合女友與愛犬,只見子華望到女友笑得特別甜。

子華
與子華拍拖4年的「翻版范曉萱」樣子清秀,身形苗條打扮樸素,又是愛狗之人,絕對是子華喜歡的類型。

子華
子華神終於搣甩「票房毒藥」之名,憑賀歲片《棟篤特工》突圍,衝破4千萬票房。

子華
與拍拖4年的女友感情穩定,仲御准入門,有愛情滋潤的子華人逢喜事寧舍醒神。

爭抱B當實習

搬離傷心地後,子華整裝待發,終於遇到一頭短髮的現任女友「翻版范曉萱」,很快子華便全心投入這段感情,知情者透露:「子華自細父母離異,母親改嫁後佢同繼父關係麻麻,所以佢一向唔相信婚姻,不過自從同依家個女朋友一齊,佢個人開朗咗冇咁執著,再加上佢好孝順,知道阿媽想抱孫,佢亦都想令老人家開心,所以一早畀女友入屋做女主 人,仲有結婚同生仔共識。近年身邊好多朋友都生仔,佢唔多唔少受到感染,舊年仲契埋蘇永康個仔Jazz做契仔,每次去探B佢都爭住抱,畀人笑佢想爭取機會實習,子華都笑晒好開心,睇嚟佢都會好快做老竇。」


子華
日前子華由北角寓所前往其母位於銅鑼灣的家,與管理員say個hi就芝麻開門,可見他經常到訪母親家。

子華
與母親吃過晚飯,子華急急腳行到南華會停車場攞車。

子華
子華母親因身體不適由兒子駕車送她到東區醫院睇急症,眼見她腳步浮浮,上落車都要外傭扶實,更帶定張摺椅隨時可以坐。

子華
子華母與外傭站在一旁等子華泊好車,見她突然忟憎撒嬌,子華即溫柔安撫。

子華
子華照顧母親無微不至,身為公眾人物的他除親自為母親到登記處登記,更排排坐呆等見醫生,最後等足4小時才離開。>

子華


子華

 

侍母至孝

為了與女友過二人世界又可以方便照顧母親,孝順仔子華安排母親住在銅鑼灣,與其北角寓所只相隔10分鐘車程,平時一有空就去探望。日前本刊記者見到子華把車停泊在南華會,步行到母親家逗留了個多小時,之後再去攞車送母親到東區醫院睇急症。現場所 見,子華侍母非常溫柔體貼,親自去登記處為母親登記,又呆坐陪足4小時等睇病,其母行路非常緩慢,要外傭扶實,入到醫院更要坐輪椅見醫生,期間黃母疑似唔舒服撒嬌,子華亦有耐性地氹她。至晚上近12時終於睇完醫生,子華駕車送母親返回自己北角寓所過夜,相信是因為母親身體不適,子華想貼身照顧對方,故決定帶她返自己家暫住。


子華
子華神多年來都不婚主義對小朋友亦抗拒,但蘇永康兒子Jazz卻溶化了他,初見面已送上金幣認契仔。

子華
每次見親契仔Jazz子華都父愛盡現,既然咁鍾意就快些自己生番個啦!

子華

婆媳關係良好

孝順的男人特別受女人歡迎,像子華這種老公的確冇得彈,雖然有指有才華的人特別有情緒,但子華現任女友卻非常受落,甘願做其背後女人。知情者透露:「子華女友就係鍾意佢長情同顧家,對阿媽咁好一定唔會係衰男人,所以亦好體諒同配合,知道子華唔鍾意高調,佢亦冇所謂,子華覺得呢個女仔可遇不可求,佢哋相處得好舒服一啲壓力都冇,有時子華阿媽嚟過夜,女友都唔會詐型,仲好照顧未來奶奶。」

做得子華神,拍拖亦神出鬼沒,日前子華與女友帶埋愛犬外出,晚上返回北角寓所時,女友與狗先下車,待子華泊好車才一起步入電梯大堂,睇得出子華與女友同是愛狗之人,甚有愛心,二人拍拖4年依舊恩愛,子華望住女友笑瞇瞇sweet爆,第時有埋小朋友,一定非常幸福。


子華
子華與佘詩曼多年後再度合作拍賀歲片《棟篤特工》,雖然劇情誇張無厘頭,但上映後好評如潮。

子華
古巨基將於5月在紅館舉行演唱會,早前請來好兄弟子華幫他宣布,子華在短片中說:「古巨基聽講你5月會開演唱會,依家已經係2月,7年冇開演唱會,忽然間要開,聽講你有首歌同我有關,你唔好呃我呀,我一定擘大對耳仔,等你演唱會。」基仔亦承認與子華將會有合作。

宣布開騷喜訊

近日子華神氣勢逼人,一直被指是電影「票房毒藥」的他,憑住賀歲片《棟篤特工》大翻身,開畫至今在港累積票房近4千萬港元,一洗頹氣。周一(2月26日)他宣布今年7月初到月中,會在紅館搞棟篤笑,有指預計開15至18場,主辦機構尚未公布,但子華神忠粉已在網上熱烈討論怎樣撲飛,人逢喜事打孖來,子華神實行由戲院旺到去紅館。

愛情事業兩得意的子華神,今年除了要籌備開騷外,亦要努力為黃家繼後香燈,平時見他跑街都有心有力,叫得做神,造人應該難唔到佢嘅!

子華
雖然已57歲,但子華逆齡生長,為keep住副偈經常跑步,體能上絕對有心有力。

子華
子華28年來在全球開過逾350場棟篤笑,早前他為胡楓演唱會做嘉賓,而上一次在紅館開棟篤笑已是2014年的《唔黐線唔正常》,同年他有感「當時香港好陌生,好多嘢已經笑唔出」而宣告封咪。今年他終於宣布再開騷,仲講明冇巡迴,只做香港,定必掀起搶飛潮。