阿米爾汗

「印度劉華」阿米爾汗VS真·劉華:眼神最似

有「印度劉德華」之稱嘅印度巨星阿米爾汗(Aamir Khan)近日來港出席一連串活動宣傳電影《打死不離歌星夢》,活動上佢同真·劉德華首次碰面,兩人就即場互教對方講印度話同廣東話,當阿米爾汗教華仔講到「你好靚仔」時,華仔即搞笑話:「我慣咗畀人咁樣叫!」

撰文:東方新地|圖片:新傳媒圖片庫

阿米爾汗 孖華仔谷戲

寶來塢巨星阿米爾汗有好多套電影包括《作死不離3兄弟》、《打死不離3父女》、《來自星星的PK》等喺香港都叫好叫座,佢今次同電影女主角薩伊拉華森(Zaira Wasim)一齊來港宣傳新作《打死不離歌星夢》,連日來出席多個商場活動,包括同華仔同台谷戲,仲做埋金像獎頒獎嘉賓頒發最佳男主角獎畀古天樂,又同謝安琪一齊去大學演講,活動多籮籮,搞到阿米爾汗都話冇時間遊覽香港!

阿米爾汗
連日來阿米爾汗出席多場谷戲活動,得到勁多粉絲支持,
阿米爾汗
仲同謝安琪一齊去大學演講㖭!
阿米爾汗
又喺金像獎上頒發最佳男主角獎畀古天樂。

去年阿米爾汗來港宣傳《打死不離3父女》時,講過自己唔識劉德華,日前佢喺活動上首次見到劉德華真人,華仔笑言:「知道要同Aamir同台,我睇返好多佢以前嘅資料,大家都話印度有個似華仔嘅人,我想同大家講,佢入行早過我,所以大家應該叫我『香港Aamir』!」阿米爾汗就回應話:「我1973年已經開始拍戲,好開心被稱為印度劉華,自己亦有睇過劉德華主演電影《無間道》,好鍾意同埋好欣賞。」

阿米爾汗
華仔笑言阿米爾汗早過佢入行,所以大家應該叫佢「香港Aamir」!

阿米爾汗

之後華仔同阿米爾汗互相教對方分別用廣東話同印度話講「你好嗎?」,之後阿米爾汗又教華仔用印度話話講「I love you all very much 」同「你好靚仔」,教到「你好靚仔」時,華仔即搞笑話:「我慣咗畀人咁樣叫!」

阿米爾汗
華仔同阿米爾汗互相教對方講廣東話同印度話。

阿米爾汗

為華仔做Backup

講到兩人個樣有邊忽似,阿米爾汗話覺得自己眼神似劉華,華仔話呢種係友善眼神,又笑讚:「大家都稱得上係靚仔。」又齊聲表示希望將來有好劇本可以合作,但講到合作唱歌,阿米爾汗就耍手擰頭話:「我唱歌唔係太好聽,可能幫華仔做伴舞!」仲話如果華仔去印度開騷,佢可以幫華仔伴舞做backup!

阿米爾汗
阿米爾汗話自己同劉華眼神最相似。

阿米爾汗

阿米爾汗同電影女主角薩伊拉華森曾在《打死不離3父女》合作過,今次再次「父女檔」上陣,獲好多印度同鄉粉絲力撐。

阿米爾汗

阿米爾汗

同謝安琪講talk show

負責為電影獻唱廣東版主題曲嘅謝安琪日前同阿米爾汗一齊到港大出席「通識教育部 X 《打死不離歌星夢》講座」演講,謝安琪仲用英文表示自己嘅人生模範係母親:「我媽媽係個好簡單直接嘅人,佢永遠都會諗好嘅一面,佢影響我好多。」

阿米爾汗

阿米爾汗

而喺金像獎頒獎典禮上,阿米爾汗話見到好多香港電影巨星,覺得好興奮,希望嚟緊有機會可以合作。

阿米爾汗

19歲入行

阿米爾汗外型俊朗,在港迷中有「印度劉德華」嘅稱譽,佢出身自電影家族,8歲已客串做童星,19歲正式入行,23歲就獲得新人獎,之後演出過多部賣座電影,仲兩度獲得有「印度奧斯卡」之稱的Filmfare影帝,近年佢自己開電影公司,兼任埋監制同導演。

阿米爾汗阿米爾汗

私生活方面,阿米爾結過兩次婚,第一次結婚時佢得21歲,大學都未畢業。佢同前妻Reena Dutta育有一子一女,03年離婚後,於05年與Kiran Rao再婚,之後Kiran經歷數次小產,在2011年尾通過代母誕下兒子Azad Rao Khan。

阿米爾汗
阿米爾汗第一次結婚時只得21歲。
阿米爾汗
同現任老婆Kiran Rao喺05年再婚。
阿米爾汗
2011年誕下兒子Azad Rao Khan。

為戲增肥又減磅

阿米爾汗已年屆53歲,但仍然靚仔又有型,曾多次為電影晒肌演出,前年佢為《打死不離3父女》扮演印度摔跤手Mahavir Singh Phogat年老同後生時期,更不惜於幾個月內瘋狂增磅28公斤,達到96公斤,身體有多達38%脂肪,之後再喺5個月內日夜操肌勁減25公斤,減到得番9.67%脂肪。

阿米爾汗
曾為戲增肥到96公斤。
阿米爾汗
又喺5個月內激減25公斤。

09年拍《作死不離3兄弟》時阿米爾汗44歲,要扮演細一半嘅22歲大學生仍然入型入格,秘密原來係靠打Botox,令時光成功倒流20年!

阿米爾汗

阿米爾汗
08年阿米爾汗亦曾爲《Ghajini》操肌演大隻佬。

阿米爾汗