ft pic

阿Sa出馬都唔拍 余文樂霸氣回應:公司篩過先同我講!

早前有傳余文樂因為嫌片酬低,即使老友蔡卓妍親自打電話邀請,唔肯接拍由邱禮濤執導、阿Sa主演嘅新戲《原諒他77次》,搞到阿Sa冇晒癮,更專登搵樂仔死敵周柏豪頂上!推戲傳聞一出,樂仔日前出席活動時都有回應解話,不過言談間霸氣十足,講明唔志在錢,仲話唔會睇晒所有劇本,會等公司幫佢篩選先!級數咁高,難怪阿Sa都請唔郁啦!

延伸閱讀︰

吳幸美《東張》試酒片hit爆

34D高Ling出水盪奶派福利

余文樂日前回應點解唔接阿Sa新戲,提起被指嫌片酬少,即講明自己志不在錢,「我依家做嘢唔係計較錢,錢喺好多地方都搵得番,適唔適合自己做最緊要,就算你依家俾好多錢我,但要我做番十零歲,我都真係做唔到!」咁又係,樂仔依家買部林寶都幾百萬,點會恨錢呢?

其實阿Sa同樂仔識於微時,兩人早在入行時已認識,亦曾經一齊拍過《一碌蔗》、《妄想》等電影。

新戲冇樂仔,好在阿Sa人面廣,除咗好姊妹阿嬌有份客串,亦請到吳鎮宇幫手,鎮宇仲話同阿Sa拍戲開心到唔捨得收工!

全文完