阿Sa 自爆有人追︰儲定多啲嫁妝

歌手蔡卓妍(阿Sa)今日出席英皇珠寶活動,身穿白色露背高叉連身裙嘅佢除咗索爆之外,更加係閃爆呀,點解?因為佢身上戴住全新系列綠寶石首飾,包括頸鍊、耳環同戒指,加埋總值超過一百萬!果然係珠寶襯美人呀!

 

延伸閱讀︰

《RM》全體歡送Gary 智孝強顏歡笑

陸永 細女一心 半夜大叫搵爸爸抱

儲定嫁妝

活動期間,司儀就問 阿Sa 今日會唔揀定珠寶送俾1月生日嘅阿嬌,佢笑指自己今個月生日,應該叫阿嬌送俾佢先啱!問到平時有冇儲珠寶嘅習慣,佢就話珠寶大部分都係老闆同媽咪送,直言希望儲定唔同顏色,嫁妝都可以再多啲咁話喎!認真搞笑!

生日要工作

問到佢22號生日有咩搞作,佢就話未知住,可能會係內地拍戲中渡過,而且年年生日大搞都會飲醉太辛苦,所以今年希望同幾個知己食餐飯就滿足!咁緋聞男友潘瑋柏會否一齊慶祝?佢就覺得非常不解,唔明自己點解會同佢傳緋聞,因為雙方雖然有共同朋友,但私下唔熟!

自爆有人追

提到阿嬌早前喺內地節目詳談現階段如果遇到適合對象想即刻結婚生仔, 阿Sa 就話自己好想生仔就一定要結婚先,直言宜家有人追!希望佢哋兩姊妹都可以早日搵到自己嘅幸福啦~

 

全文完