photo_2021-02-09_16-02-25

陀槍師姐2021│何依婷演火辣社團阿嫂 鄭俊弘摸勻全身 為仔死為仔亡

《陀槍師姐2021》中不少劇情都圍繞警方與黑幫,鄭俊弘飾演社團揸fit人之一Danny仔,何依婷則飾演其女友妙妙。平時形象純純兔的何依婷,估唔到做社團阿嫂可以咁放,夜蒲迷幻眼長期飲醉酒,夜之女入晒血,不過最後都係冇好結果……

撰文:東方新地 圖片:《陀槍師姐2021》劇照、電視截圖

陀槍師姐2021
何依婷一出場,就坐在鄭俊弘腿上扭作一團。
陀槍師姐2021
鄭俊弘不止摸勻何依婷全身,仲不停錫。
陀槍師姐2021
身穿露肩貼身裙的何依婷……個胸發生咩事?

《陀槍師姐2021》隱藏索女

《陀槍師姐2021》女主角是50歲的宣萱,以演技取悅觀眾,賣樣就當然交畀後生女演員,劇中其實有唔少隱瞞索女,何依婷是其中一個。25歲的何依婷近年受無綫力捧,仙氣女神深受宅男喜愛,去年曾在《機場特警》中飾演港女,為上位乜都肯試,今次在《陀槍師姐2021》中飾演社團揸fit人之一Danny仔(鄭俊弘)的索女友,何依婷在酒吧火速登場,與鄭俊弘在沙發上埋身肉搏,身穿性感貼身裙的她壓在男方身上纏綿,被鄭俊弘摸勻全身又錫頸,都幾激!

陀槍師姐2021
鄭俊弘一行開,何依婷醉酒發爛!
陀槍師姐2021
何依婷在劇中長期處於醉酒狀態。
陀槍師姐2021
何依婷要幾放有幾放,迫羅子溢與其手下做人肉沙發畀佢瞓。

《陀槍師姐2021》中的迷幻少女

要飾演沉迷毒品的社團阿嫂,何依婷長期處於迷幻狀態,眼神同腳步都要夠飄。對白唔算好多,要靠肢體動作同樣考演技,對於演戲經驗尚淺的何依婷來說,發揮已算唔錯。

陀槍師姐2021
何依婷個角色要酒不離手,仲會掂毒品,keep住迷幻眼。
陀槍師姐2021
劇情去到尾段,鄭俊弘落難,何依婷唔使再蒲夜店,變回鄰家女孩樣。

陪仔著草被車撞死

不過當劇情講到鄭俊弘被黑白兩道追殺搞到要著草,二人即變落難鴛鴦,何依婷卸下濃妝變番純情少女,仲為仔死為仔亡,為掩護鄭俊弘而衝出馬路被車撞死,死得超唔值又無厘頭。

陀槍師姐2021
何依婷演喊戲個樣都係難逃一冏。
陀槍師姐2021
何依婷無啦啦揸住架車撞班警察,為鄭俊弘做掩護,撞車後佢又無啦啦棄車跑出馬路……
陀槍師姐2021
OH!死得好突然,完。