《陀槍師姐2021》梁雪湄冇份 飛泰國酒店隔離當Staycation
廣告
當年憑G奶身材成為無綫「電波少女」的梁雪湄,在《陀槍師好》飾演的「陳四喜」入晒屋,09年離開無綫後絕跡幕前,早前她公開表明有意復出拍劇,不過上月無綫拍完的《陀槍師姐2021》都係冇佢份。43歲的梁雪湄擁童顏巨乳,近年轉型做美容生意及旅遊達人的她,被指進化到與黎姿撞樣,早前她飛泰國進行16日15夜的隔離,然後盡情享受陽光與海灘,即使留在酒店隔離,都無時無刻晒波晒身材,當正是Staycation。
43歲梁雪湄自09年離開無綫之後,鮮有在幕前演出,無綫新劇《陀槍師姐2021》上月尾正式煞科,未知幾時正式出街已經好有話題,不過主演陣容就令人好失望,因為除了滕麗名回歸飾演「陳三元」,還有朱咪咪、黃美棋繼續分別以
「二妹姐」同「莎莎」身份登場,其他角色與前作幾乎無關係,令好多觀眾都覺得唔完美,因為陳家始終未齊腳,「陳小生」歐陽震華、「陳四喜」梁雪湄和「陳五福」姚樂怡統統都沒有份參演,當中超過十年冇拍過劇,「電波少女」出身的梁雪湄明明之前公開講過自己非常想復出拍劇,不過無綫方面都無搵她。
![今年無綫再拍《陀槍師姐2021》,不再原班人馬參演,只有滕麗名飾演的「陳三元」與朱咪咪飾演的「二妹姐」有得留企,滕麗名兩個阿妹「陳四喜」(梁雪湄)同「陳五福」(姚樂怡)都冇被邀請歸隊。](https://imgs.orientalsunday.hk/wp-content/uploads/2020/10/01_21358319115f92912647fbe-1024x635.jpg)
梁雪湄禁足酒店房
劇無得拍,被指逆齡生長的梁雪湄繼續做生意人同旅遊達人,本來因疫情影響,大半年無得出埠,搞到梁雪湄心癢癢,9月底她終於按捺不住,即使外遊要進行硬性的隔離,她都事在必行,執定幾個行李箱好似搬屋咁出發去泰國,在曼谷酒店先進行16日15夜的隔離,期間要接受三次核酸檢查,頭一個星期連房門都唔可以踏出,梁雪湄一日三餐都靠room service,不過她甚為享受,仲話當Staycation一樣,食飽做吓運動打吓機。
![9月底梁雪湄全副防疫武裝上機出發去泰國曼谷。](https://imgs.orientalsunday.hk/wp-content/uploads/2020/10/05_6900685365f92912d65f65-1024x768.jpg)
白滑梁雪湄出水任睇
在酒店隔離期間,梁雪湄不時自拍騷G奶,四張幾依然堅挺,事業線咁多年都keep到,之後完成隔離才出發去蘇梅,屈了十幾日的梁雪湄簡直大解放,著吊帶性感睡衣浸浴缸,又去私人泳池晒身材,白滑身材任睇,之前在酒店隔離時
梁雪湄都是自拍多,但去到蘇梅好唔同,當中好多照片都是男友視角去影,張張都係女神相,究竟邊位男士咁有艷福呢?
![梁雪湄在社交網表示泰國規定遊客要先隔離16日15夜,幾經辛苦終於捱過,她興奮地向照顧她的酒店員工道謝和道別。](https://imgs.orientalsunday.hk/wp-content/uploads/2020/10/11_11958946265f92913abb736-1024x1024.jpg)