關詠荷

《陀槍師姐2021》關詠荷絕跡幕前 孖張家輝入住1.3億豪宅

《陀槍師姐2021》現正熱播,我們都是睇《陀槍師姐》關詠荷「娥姐」長大的,可惜06年幫老公張家輝誕下獨女張童(Brittany)後,即產量大減絕跡幕前,想睇關詠荷?惟有去半山、超市、仲有學校區博一鋪野生捕獲!早前關詠荷一家三口更搬入 1.3億老牌豪宅嘉慧園,不過生活同養女日常繼續平實慳儉應使則使,久違了的娥姐,去到邊一樣咁貼地!

撰文:東方新地|圖片:新傳媒圖片庫、滕麗名IG

陀槍師姐2021
《陀槍師姐2021》熱播,當年經典人物之一關詠荷已絕跡幕前,專心相夫教女。張家輝同關詠荷結婚多年恩愛依然,二人育有一名女兒張童(Brittany),轉眼就已經15歲。早前發現張童依家已經亭亭玉立,似足媽咪後生版,個鼻就似爸爸張家輝,儼如爸爸媽媽嘅混合體。

《陀槍師姐2021》熱播 重溫經典師姐關詠荷

56歲關詠荷離幕前愈嚟愈遠,全副心機用在相夫持家,同培育15歲獨女Brittany,早前發現關詠荷一家三口搬入 1.3億老牌豪宅三千多呎嘉慧園單位,同前特首董建華、仙姐白雪仙做鄰居,不過生活同養女日常繼續平實慳儉應使則使,久違了的娥姐,去到邊一樣咁貼地!早年有指關詠荷一心鋪排送Brittany入頂尖大學,入讀一年基本學費10萬起跳的一條龍國際學校,平時又精揀七個碩士生為個女各科補習。雖然關詠荷否認「七大碩士生專人補習」一說,不過據知情人士透露,Brittany資質優異喜愛閱讀,加上媽媽全天候陪讀教養,一直成績名列前茅,的確係學校品學兼優高材生。除了讀書叻外,原來女兒亦遺傳父母演藝細胞,年紀輕輕已有興趣入行,據知情者透露:「Brittany對嗲哋工作非常好奇,喺學校都有學Drama,又鍾意睇網上YouTube影片學人做戲,不過,家輝同老婆覺得佢仲細,想佢專心學業先,一路反對佢入行!」

陀槍師姐2021
由西貢村屋搬入貝沙灣、早年張家輝再一改往常買樓投資靠老婆關詠荷習慣,首次以個人名義置業,一家人搬入半山老牌豪宅、三千多呎嘉慧園單位,同前特首董建華、仙姐白雪仙做鄰居。
陀槍師姐2021
雖然住半山,難得生活繼續貼地,平時關詠荷同一般人妻無異,趁住囡囡返學上堂,親自去超市入貨買餸。買 完餸交畀司機時間校得啱啱好,就接放學趁機同Brittany傾吓母女心事。老竇張家輝雖然不在場,出 名餅印的12歲Brittany愈大愈似爸爸,十足十迷你張家輝同關詠荷拍拖一樣!
陀槍師姐2021
關詠荷的獨女張童(Brittany)已經15歲, 雖然家住億聲豪宅,但母女打扮樸實,囡囡件衫穿了個洞照著可也,相當慳儉!

貼身湊女

兩公婆投資有道又搵到,不過有錢唔代表就要揮霍,兩母女由銅鑼灣行到跑馬地,邊行邊window shopping傾唔停,媽媽 一連幾個月都揹住同一個背包、囡囡手中就攬住得意公仔用品,簡簡單單已經樂趣無限!

陀槍師姐2021
陪女返學放學以外,關詠荷日常與一般 人妻無異,空閒時親自行超市買餸,早前就一個人去到銅鑼灣CitySuper入貨。
陀槍師姐2021
一身氣質打扮貼地不招搖,關詠荷仲有一樣好,就係入貨自備多個購物袋,夠晒環保。

關詠荷15歲囡囡亭亭玉立

陀槍師姐2021
細細一睇,張童就嚟高過媽咪,唔知會唔會遺傳埋爸爸媽媽嘅演藝細胞,大個之後加入娛樂圈?
陀槍師姐2021
張家輝戲接戲密密賺錢養家,有指現時家輝片酬高達二千萬一部片。

《陀槍師姐》小回顧

陀槍師姐2021
1998年的《陀槍師姐》可謂TVB經典神劇之一,當年關詠荷飾演朱素娥一角,形象非常深入民心,因而其後香港唔少觀眾都會以「娥姐」代稱關詠荷。
陀槍師姐2021
《陀槍師姐》中,除了有關詠荷做女主角之外,滕麗名亦有份演出角色「三蚊雞」。
陀槍師姐2021
當年的《陀槍師姐》除了令關詠荷走向事業的高峯,更成為了當年「影幕上十大理想警察」的唯一女性得獎者。
陀槍師姐2021
男主角Bobby於劇中飾演「警界神槍手」陳小生深受市民歡迎入晒屋,當年被封「師奶殺手」。

首屆無線視后

家陣心甘情願做影帝張家輝背後女 人,全副心機培養高材生囡囡,實情淡出前,關詠荷唔止係無綫萬千星輝頒獎典禮首屆視后,被譽為「90年代末無綫電視一姐」。過檔前亦一早係亞視當家花旦,當年套套劇擔正做女一時,男友張家輝只薄有名氣!

陀槍師姐2021
97年關詠荷憑《苗翠花》成無綫視后,獲張家輝吻賀。
陀槍師姐2021
1998年《陀槍師姐》中朱素娥一角,將關詠荷推向事業高峯,劇中堅強的女警與柔弱的小女人性格,演繹得絲絲入扣,「娥姐」這稱呼成了她的一個icon。

罕有出席公開活動

陀槍師姐2021
關詠荷(Esther)早前出席開張活動,並遇上歐陽震華及滕麗名等多名90年代小生花旦,不禁令人聯想到三人當年的經典劇集《陀槍師姐》。Esther於活動中表示見到一班朋友好開心,「好似番咗Tvb開廠一樣咁熱鬧。」
陀槍師姐2021
關詠荷與歐陽震華以「情侶檔」合作的電視劇包括:《醉打金枝》、《美味天王》及《陀槍師姐》均深入民心,大受歡迎。

關詠荷滕麗名玩自拍

陀槍師姐2021
同場的滕麗名更與關詠荷影張自拍照,並留言指:「見返好耐冇見嘅Esther 娥姐,轉眼廿數載尤像昨日,大家外貌沒多變,高興是各人也組織了家庭生活健康快樂,提醒了我人生就這樣已過了大半輩子………」

歐陽震華大爆自己去「微調」

陀槍師姐2021
在活動上,Bobby大爆自己係最近去咗「微調」,Bobby笑說:「大家唔覺得我唔同咗樣咩?我就係微調到漲咗,我以前瘦過頭,所以就要微調一下塊面,圓番少少就親和多一啲。」
陀槍師姐2021
但同場出席開幕活動的關詠荷、歐陽震華呢個《陀槍師姐》的組合一出現,就勾起很多人的回憶,Bobby更爆自己曾經遊說Esther再拍電視劇:「就是《情逆三世缘》,拍得太辛苦了,所以她就不拍了。」
陀槍師姐2021
近年Esther主力照顧屋企人,久未復出拍劇並有新作品帶俾觀眾,故問及會唔會想拍番劇,Esther就話:「之前冇呢個想法,但啱啱行入嚟嘅時候見到咁熱鬧,突然間有一個想法,都可以開番一部戲嚟拍,因為可以懷念一下以前喺廠嘅日子。」