《陀槍師姐2021》黃建東貪靚出位 膠面厚唇被指港版Ken
黃建東11年選港男獲得「演藝潛能大獎」入行，拍劇做配角出名搞鬼有喜感，最近在新劇《陀槍師姐2021》中飾演懸案小組成員李志隆，因為貪靚跟隨韓風，自封港版GD。現實生活中的黃建東同樣貪靚，經常出入美容院，看他蘋果肌脹卜卜、眼下有臥蠶、雙唇豐厚，被指似足Barbie公仔的男友Ken，黃建東還被友人惡搞P圖變成港版Ken，似乜都好，自我感覺良好最緊要。
撰文：東方新地 圖片：黃建東IG圖片、東方新地圖片、東星圖片
《陀槍師姐2021》黃建東五官大進化
黃建東過去十年在無綫劇演過無數大配角，已經39歲的他當年選港男入行，喜歡搞笑拍片是他的特色，至於外型與樣貌，當年鋼鐵身形已變肉肉中男，五官隨年月進化，蘋果肌非常凸出，面部皮膚滑溜溜，嘴唇亦比十年前豐厚，去年拍的《陀槍師姐2021》正在播出，飾演懸案小組成員李志隆，黃建東在衣著打扮上明確花了心思。
黃建東零P圖惹起哄
近年黃建東的五官被指愈變愈膠，為此他並不太在意，愛在網上惡搞及二次創作的黃建東，不時都有出位造型惹起大家注目，盡現其爆笑鬼馬的性格。早前黃建東開工拍劇前，於IG上載一張自拍劇照，並貼文寫上「完美。#我講緊啲燈#零P圖」，不過「零P圖」這三個字觸動了他身邊一班朋友的神經線，大家齊齊惡搞他的「零P圖」自拍照。
黃建東鬧損友惡搞P圖
黃建東見朋友們如此雀躍並沒有太嬲，他於IG表示︰「想靚一陣都唔得，俾老夫抖吓氣可以嗎？？？？？？？」原來他有朋友將他的自拍照加入P圖效果，然後又將相片跟真人Ken巴西男阿爾維斯（Rodrigo Alves）及Barbie公仔男友Ken的相片作對照圖，面對朋友們的創意P圖，黃建東無奈寫上︰「我唔想做港版ken，啲損友係咁send圖俾我。」Barbie公仔男友Ken話晒都係美男子，黃建東似Ken係就係膠咗啲，不過都唔係太差吖！
