陀B閉關安胎 熊黛林晒7個月孕肚

陀B七個月嘅準媽媽熊黛林(Lynn)日前同經理人Kim合照,晒出籮咁大嘅巨肚,Kim仲摸住熊黛林個巨肚留言:「漂亮準媽媽」對比之前大肚近五個月時嘅瑜伽照,Lynn個肚脹真係大咗唔少,上圍亦極速升cup!

撰文:東方新地

熊黛林 幸福準媽媽

臨近農曆新年,熊黛林(Lynn)喺相中著得紅噹噹,相當喜慶,Lynn個肚已有七個月大,喺連身裙下相當凸出,上圍亦因谷奶關係,明顯比以往升cup不少,但Lynn手腳依然纖幼,面容亦未有特別發福,真係肥肚不肥身,令不少孕媽羨慕!相信係因為Lynn好勤力,大住肚都keep住做瑜伽!

獲奶奶錫到燶

熊黛林15年嫁家族擁百億身家的郭可頌,肩負幫郭家開枝散葉重任,兩公婆努力一年,上年11月終於宣佈有喜!由於37歲高齡陀B,奶奶更緊張到日日煲湯去兒子屋企睇實新抱。不過熊黛林不時都搵老公陪伴外出鬆一鬆,早前就加埋腹中B仔享受三人世界迎新年!據知去年中,熊黛林同老公曾到荃灣龍母廟跪叩求子,現成功陀住五個月慈姑椗,故早前郭可頌聯同親友帶埋燒肉果籃等祭品,到龍母廟叩頭還神,為未出世的兒子祈福。

熊黛林郭可頌撐枱腳

12月30日傍晚,閉關安胎多時的熊黛林,先陪老公返柴灣公司,逗留約20分鐘,之後二人再坐車去香港遊艇會,原來當晚郭可頌已經book定枱,同老婆撐枱腳迎接新年,與腹中BB過三人世界!

熊黛林 摸龍床寫願望

熊黛林同老公婚後都心急生B,據知去年中兩人專誠到荃灣龍母廟求子,在廟裏跪地又叩頭,之後亦跟足規矩去摸龍床寫願望。點知真係唔夠一個月,熊黛林就成功陀仔,所以好緊張計劃返廟還神!不過,為免老婆挺住五個月肚操勞,日前郭可頌就聯同親友帶齊燒肉及果籃,到龍母廟誠心叩頭還神,答謝龍母娘娘賜福!

求子必拜

位於荃灣上角山的龍母廟建寺60年,雖然位處偏僻,不過長年香火鼎盛,好多明星名人如張智霖、楊怡、黎諾懿都是信眾。人們多拜龍母娘娘求子,更必定摸龍床求好運求生子,而龍母亦對小孩特別眷顧,所以亦有不少家長帶埋子女上山拜龍母,求子女健康成長。

讀者留言