ft pic

陀B 6個月 巨肚陳敏之全面停工安胎

7月初宣布陀仔4個幾月嘅陳敏之,自從拍完最後一集《Sunday好戲王》後開始停工,專心安胎。冇工開悶到爆,老公William又要返工,敏之近日四出約朋友食飯見面,日前仲同埋梁烈唯老婆Tina做產前檢查。敏之陀仔,唯唯嗰個係女,第時咪可以對親家?

延伸閱讀:

吳幸美《東張》試酒片hit爆

34D高Ling出水盪奶派福利

敏之近日停工待產,現時陀B約6個幾月嘅佢明顯肚凸凸,好在敏之身形一向高高瘦瘦,就算懷孕都只係肥肚唔肥身,第時生完B要減番都唔難!呢排成日約friend嘅敏之,幾日前出席黃長興囝囝Tristan百日宴,同BB面貼面勁有母愛;之後又同楊怡、黎諾懿等人去撐好姊妹伍詠薇套新戲,忙過返工!

而同敏之好好感情、當正對方係家姐嘅梁烈唯,同老婆Tina結婚兩年,最近終於宣布即將做爸爸。唯唯近期都好努力搵奶粉錢,密密北上賺人仔,唯唯咁生性,Tina可以安心養胎啦!

全文完