ft pic

陳凱琳放閃賀鄭嘉穎47歲生日

今日係鄭嘉穎47歲生日正日,雖然要為新劇《迷》開工冇假放,不過熱戀中嘅情侶又點會輕易放過呢啲特別日子呢?當正男友係神一樣的男人嘅陳凱琳,高調晌ig祝男友生日快樂,加埋張閃到爆嘅恩愛合照,真係想虐死單身狗咩!

延伸閱讀︰

娶其士集團太子女 「春美」吳家樂生足3個夠熱鬧

賺完學費即閃 陳法拉返美國讀多兩年

自從公開戀情後,Grace同嘉穎愛得相當高調,嘉穎早前在內地節目自爆女友有自己屋企鎖匙,可以自出自入鄭家;而Grace就愛上ig放閃,早前po咗一幅公公婆婆錫嘴圖,暗示想同嘉穎白頭到老!

男友生日咁大件事,Grace除咗網上祝賀,仲派咗好朋友賴慰玲陪一齊開緊新劇嘅嘉穎切蛋糕,然後人肉速遞陪男友食宵夜!嘉穎仲透露女友好有心事,知自己鍾意唱歌,所以送咗支好特別嘅咪做生日禮物!So sweet!

全文完