陳凱琳

陳凱琳提男友冧爆 爆嘉穎厚禮冧掂未來外父

農曆新年大家當然會四圍去拜年,一眾明星都唔例外,呢日鄭嘉穎、陳凱琳、唐詩詠、林子善等人難得聚頭,當然要喺網上晒合照啦!相中見到陳凱琳攬到男友鄭嘉穎實一實,難怪詩詠都留言叫佢哋快啲結婚!其實陳凱琳早前接受本刊訪問時,就曾大讚鄭嘉穎非常識do,以厚禮冧掂爸爸,仲話嘉穎絕對係Mr.Right,睇嚟就快有好消息啦!

唐詩詠催陳凱琳 鄭嘉穎結婚

呢日鄭嘉穎、陳凱琳、唐詩詠、林子善夫婦等《鐵馬尋橋》演員難得喺新年聚頭,當然要喺網上晒大合照啦!相中見到陳凱琳攬到男友鄭嘉穎實一實,甜蜜到爆,難怪詩詠都留言叫佢哋快啲結婚!

陳凱琳讚嘉穎孝順

陳凱琳接受本刊訪問時,大讚嘉穎的過人之處多到數唔晒,不過孝順肯定是優點之最,陳凱琳:「好孝順!佢(鄭嘉穎)真係好孝順,佢同我講賺錢都係為咗養媽咪同家姐,一個人賺錢養全家。我最鍾意佢嘅性格,唔會表面一樣嘢,內裡又另一樣嘢,呢個真性情我係好欣賞。佢對外界有時會起槓係因為佢以往嘅經歷所以想保護自己,佢本身真係一個好nice嘅人。」

陳凱琳大讚男友嘉穎

陳凱琳爆嘉穎厚禮冧父

陳凱琳更自爆嘉穎曾買紅酒氹其父:「我Daddy好鍾意飲紅酒嘅,嗰時啱啱拍拖都希望Daddy對嘉穎印象好,見面前嘉穎問我Daddy鍾意啲咩?我略略提過佢鍾意飲紅酒囉!佢聽完好似冇嘢咁只係『哦』咗聲。到第一次食飯佢就買咗支好貴嘅紅酒,我Daddy收到時好似冇嘢咁望一望話:『哦!多謝你呀!』然後擺低支酒。當嘉穎出去洗手間時,Daddy再攞起支酒話:『嘩!靚嘢喎!』跟住我真係好開心呀!大家都開心,Why not?」問陳凱琳嘉穎是否她的Mr. Right,佢秒答:「Absolutely!(肯定)」隨即摸住凳連講二次「Touch Wood!」如無意外嫁硬啦!

陳凱琳
共度第三個情人節,陳凱琳與鄭嘉穎繼續放閃。

 

陳凱琳
對於男友年紀比她大22年,陳凱琳話自己思想成熟:「我自細同媽咪關係好思想變得成熟,所以同嘉穎好夾!佢成熟有人生歷練,我好鍾意聽佢講佢嘅人生經驗。」
陳凱琳
雖然陳凱琳與鄭嘉穎都很喜歡小朋友,但她年紀仲細唔急,亦深信男友有心有力,對於婚訊未停過,佢笑說:「我已經開始同人講舊年結咗㗎喇!咁其實都係祝福嚟嘅!」

 

陳凱琳
陳凱琳人見人愛,又識愛屋及烏,難怪鄭嘉穎母親當正她是新抱仔,對她非常愛錫。

 

陳凱琳
唔好以為鄭嘉穎為人cool爆唔識討好女友陳凱琳父母,原來第一次已投其所好,買定貴價靚紅酒送給陳父,陳父當場加晒分,陳凱琳又冧爆。