陳凱琳

陳凱琳鄭嘉穎8.12峇里結婚!中港台藝人都愛「天堂之島」搞婚禮

陳凱琳、鄭嘉穎8.12山長水遠到峇里島搞婚禮,當然係有個甜蜜又難忘又特別嘅回憶!有「天堂之島」之稱的峇里位於印尼群島中南部,除了擁有延綿數里的海岸線,島上更有獨特梯田和熱帶雨林,以及逾2萬座寺廟和宮殿,集自然風光與 文化氣息於一身,被喻為夢幻海島。5月至10月乾季期間,陽光足雨水少,更是舉行婚禮的理想季節,所以近年都有不少中港台藝人揀喺當地舉行婚禮!

撰文:東方新地 │圖片:新傳媒圖片

陳凱琳 認嫁鄭嘉穎

藝人鄭嘉穎同女友陳凱琳拍拖三年幾,近日屢傳婚訊,近日有消息指兩人將於8月12日拉埋天窗,到峇里舉行婚禮,更有報道指連番目擊陳凱琳到九龍法國醫院做產檢,話好大機會係雙喜臨門!

今日陳凱琳終於喺社交網現身,用英文講番成件事,陳凱琳承認與拍拖三年男友嘅鄭嘉穎拉埋天窗,話去年聖誕男友求婚時自己一口答應,好感恩大家嘅關係升到另一層次。對於最近有傳佢有咗身孕,佢就好間接咁否認,話除咗結婚消息係真外,其它傳聞都唔係真,佢仲多謝大家祝福咁話!

Hello Everyone! I believe many people have been waiting for this…so here I am, proud and extremely excited to announce that YES, I AM ENGAGED! Kevin and I have been dating for over 3 years and there was never a doubt in my mind that he was THE ONE! So when he popped the question last Christmas, the answer was a definite YES! We both feel incredibly blessed to have one another and we believe this is the perfect time for the two of us to take our relationship to the next level! Lately there have been many rumors about us, and aside from Kevin and I getting married, the rest of the rumors are not true! I hope everyone understands and can respect our privacy from here on out. That aside, I sincerely want to thank all the amazing people who took the time to send their blessings and well wishes to us! Most importantly, we want to thank our families, for showing the most unconditional support to us. We love you so much. ❤️

A post shared by Grace Chan (@ghlchan) on

峇里行禮 視察場地

鄭嘉穎與陳凱琳已定於8月12日於峇里舉行小型婚禮,其實早於去年陳凱琳已帶埋家人入住峇里的Alila Villas Uluwatu酒店,穿上泳裝留倩影,實行旅行兼睇景,當時她已對該酒店的鳥籠設計結婚場地一見鍾情。

身處峇里頂級酒店房的陳凱琳,即場大解放狂跳床。

今年4月,陳凱琳因工作前往峇里並入住Bvlgari Resort,她在IG上載照片時更指母親很喜歡望海的酒店,看來今次結婚行禮的地點,兩母女都好滿意。

峇里位於印尼群島中南部,除了擁有延綿數里的海岸線,島上 更有獨特梯田和熱帶雨林,以及逾2萬座寺廟和宮殿,集自然風光與 文化氣息於一身,被喻為夢幻海島。5月至10月乾季期間,陽光足雨 水少,更是舉行婚禮的理想季節。過往都有藝人揀喺當地舉行婚禮!

AlilaVillas Uluwatu

14年8月,鍾鎮濤與范姜為愛情長跑畫上最美麗句號,於峇里島Alila Villas Uluwatu酒店內舉行婚禮。

09年6月以環保概念為中心建造的Alila Villas Uluwatu建立在一處高起的平原上,巍巍然高的石灰峭壁,天海一色的蔚藍海 水呼應著廣闊天空,其鳥籠設計的婚禮場地更非常受歡迎,除阿 B外,吳奇隆 與劉詩詩亦在該處行禮。

Bvlgari Resort

Bvlgari Resort揉合意大利和傳統峇里島的設計風格,建造在與印度洋相連的 150米高的斷崖上,整個印度洋的壯闊美景盡收眼底,是不少圈中人愛住的頂 級別墅。

14年劉愷威與楊冪、16年霍建華與林心如也選擇在Bvlgari Resort舉行婚禮。

The Edge Bali Villa

2014年5月徐若瑄同新加坡富家子李雲峰在峇里島The Edge Bali Villa夢幻婚禮,婚禮場地位於崖邊的泳池,座擁360度無敵海景及懸崖峭岸的美色。

Conrad Bali

陳敏之當年和圈外男友雷偉信(William)在峇里Conrad酒店內的白色小教堂舉行婚禮,敏之為確保婚禮低調進行,事前保密功夫做足,出席的藝人不多,只有數十位親友觀禮,而發相也只得新郎哥的背面照。

Tirtha Uluwatu Chapel

2014年黃伊汶同陳國坤在峇里Tirtha Uluwatu Chapel水晶教堂行禮、晚宴AyanaResort舉行懷舊婚宴!

AyanaResort

關心妍09年同拍拖3年嘅富商男友楊長智在峇里島最大的酒店AyanaResort的教堂舉行婚禮,婚宴則為中式,夜晚仲放咗5分鐘煙花。

鄭嘉穎陳凱琳因《殭》結緣

入行25年的鄭嘉穎,一直都係無腳雀仔,直至14年拍無綫劇《殭》,與13年港 姐冠軍陳凱琳(Grace)戲假情真,拍拖兩個月已經急急公開情侶關係。四年戀情愈 來愈穩定,陳凱琳早前在IG 公開一張鄭嘉穎拖女相,鄭嘉穎一臉慈愛拖住約三歲 的小妹妹去遊樂場玩耍,小妹妹紮紮跳開心到爆,至於配圖文字,陳凱琳就話:「請支持保良局兒童助養計劃!」陳凱琳當時回應本刊解畫,原來鄭嘉穎愛心爆棚,獲邀擔任保良局兒童大使,除助養了幾位兒童仲會每月定期探訪,陳凱琳 受到男友感染,亦打算助養小朋友。

下個月就49歲的鄭嘉穎和27歲的陳凱琳,因拍攝無綫劇《殭》結緣,兩人在荷蘭拍攝時朝夕相對,擦出愛火!鄭嘉穎與陳凱琳年齡相差22歲,起初戀情不被看好,不過二人從不受外界影響,拍拖以來人前人後愛得甜蜜!

父愛氾濫

早前陳凱琳po了男友去探訪助養兒童的照片,表示嘉穎助養了幾個小朋友,希望令到小朋友有更好生活。陳凱琳覺得件事好有意義好有愛心,都有興趣助養埋一份。

夾啱時間停工

恨B恨到發燒的鄭嘉穎唔係得個講字,今年終於的起心肝向女友求婚成 功,雖然大陳凱琳22年被笑指似父女戀,但女友思想成熟性格又平易近人,肯定 是個賢妻良母,鄭嘉穎亦甘於跌入愛情墳墓。盛傳二人將於下月12日於峇里島的海邊酒店舉行婚禮,只會邀請十多廿位親朋好友現場見證。更有指陳凱琳在近日無綫的大騷中未見蹤影,而原本今個月要到大陸工作亦全部取消,突然停工被指是有了BB 未夠3個 月,要專心安胎和不能公開露面。

自6月中出席過香港小姐宣傳活動後,陳凱琳便消聲匿跡,更被指已取消所有手上工作。早前本刊就影到陳凱琳出席公開活動後繼續貼地搭地鐵,到中環約會朋友食飯。

同時,鄭嘉穎主演的電影《L風暴》原本已經排好下個月的宣傳工作,但有消息指他突然要請假,打亂了電影的宣傳工作。對於急住請假結婚,鄭嘉穎指:「多謝大家關心!就我哋嘅感情狀況,連日來惹來唔少揣測同不實報道,總之,現階段我哋的確有計劃結婚,至於懷孕一事,就屬無謂揣測。至於婚期,明白大家嘅關心,但唔好比我哋更加心急,亦希望畀啲空間我哋,總之結婚就會同大家交代。」而陳凱琳就回應:「我都唔知邊個咁有創意,真係唔想再回應,呢刻真係需要私隱同空間。」

慶祝半百生日

據知鄭嘉穎與陳凱琳的婚事早已籌備多時,一直希望低調行禮的二人,估唔到臨門一腳洩露風聲,知情者透露:「其實佢哋真係講咗畀好少人知,得雙方直屬親友同兄弟姊妹團知,不過嘉穎媽咪就真係好開心,終於等到個仔肯結婚,佢周圍同啲親戚交代,話個仔同新抱唔喺香港行禮,但一定會派喜餅,可能因為咁洩漏風聲啦!嘉穎講到明唔想大搞,未必會喺香港擺酒,但佢好錫Grace,唔止放手畀佢揀婚禮地點同酒店,仲應承咗遲啲會陪佢返溫哥華擺酒。今次佢哋去峇里結婚行禮,可以同最親嘅屋企人同兄弟姊妹一齊去玩,亦順道慶祝嘉穎49歲生日,嘉穎好想50歲前做爸爸㗎!所以Grace近幾個月好努力做運動調理身體,希望可以一撃即中。」鄭嘉穎與陳凱琳拍拖,在其愛情史上應該是最高調一次,唔止公開戀情、情侶檔搵銀、高密度放閃外,鄭嘉穎亦都恨私有化女友、升格做人夫兼人父恨到出面,四年來求婚、結婚傳聞不絕於耳,今次終於狼來了。

早說非君不嫁

還記得年初本刊訪問陳凱琳,說到與鄭嘉穎共度的第三個情人節,她亦狂放幸福正能量,除了讚男友個人好sweet,過人之處多到數唔晒,孝順肯定是優點之最,陳凱琳:「好孝順!佢(鄭嘉穎)真系好孝順,佢同我講賺錢都係爲咗養媽咪同家姐,一個人賺錢養全家。我最鍾意佢嘅性格,唔會表面一樣嘢,内裏又另一樣嘢,呢個真性情我係好欣賞。佢對外界有時會起杠係因爲佢以往嘅經歷所以想保護自己,佢本身真係一個好nice嘅人。」問陳凱琳男友是否她的Mr. Right, 她秒答:「Absolutely!(肯定)」随即摸住凳連講兩次「Touch Wood!」原來當時佢已答應男友的求婚了!

陳凱琳:「我都想生孖胎!」

講到生B大計,陳凱琳當時話自己年紀仲細唔急,亦深信男友有心有力,她笑說:「我都想生孖胎!我同細佬都係孖,我有機會㗎!一仔一女都好幸福。」可見陳凱琳對結婚生仔早已有晒憧憬。如果結婚傳聞屬實,唔夠兩星期陳凱琳就正式成為鄭太,婚後又要趕生豬B,咁無綫咪又少個一線花旦?

有孖胎基因

陳凱琳與細佬雖然是龍鳳胎,但二人樣貌完全不相似,顏值差天共地,細佬更經常被指是外籍人!

奶奶露風聲

陳凱琳唔止對男友鄭嘉穎好,仲愛屋及烏識行奶奶政策,鄭母向來對陳凱琳非常滿意,不過娶新抱不在香港大搞,令奶奶要向親友交代,有傳亦因此洩露風聲。

陳父陳母笑晒

連日來有唔少傳媒在陳家位於九龍塘的寓所外守候,周一(23日)下午,陳凱琳父母與胞姊外出後返回九龍塘寓所,對於阿女在峇里出嫁,陳父攤開雙手笑言:「我都唔知!」不過陳母就難掩興奮之情,笑到四萬咁口,心情勁靚!

婚前安撫老竇

阿女要嫁人,最唔捨得應該係陳爸爸,上月父親節,陳凱琳在IG上載了一張攬實爸爸的照片,再加一段長文細數父親多年來對她無微不至的照顧,甚麼都以她為先,看來即將為人妻的陳凱琳,亦好唔捨得愛錫她的陳爸爸。

 

陳凱琳與父母親感情要好,早前本刊影到她與父親同遊銅鑼灣。

雖然被指陀B唔夠三個月,但陳凱琳6月中跑完10K,又穿上特製彈弓鞋跳到飛起,再加上身形依舊瘦削,點睇都唔似大肚。

陳凱琳表示鄭嘉穎喜歡小朋友,而他亦不怕男友年紀大機器壞,力撐鄭嘉穎仍有心有力。自年初與賴慰玲囝囝上契後,次次探B鄭嘉穎都争住抱,恨做老竇練定手勢。

嘉穎修心

鄭嘉穎被徹底降服,近年除工作,其餘時間都留港陪女友,早前出席完公開活動,與粉絲影完相即跳上車返回大坑寓所,有個好女友變得修心養性又黐家。

星級兄弟姊妹團

自傳出鄭嘉穎與陳凱琳下月會在峇里一間海邊酒店舉行婚禮後,二人身邊最親密的兄弟姊妹即成追訪對象,據知因嘉穎想低調,屆時只邀請十多位至親好友見證,不過其圈中好兄弟林子善、馬國明及黃嘉樂等都已接獲通知。子善日前回應記者時,玄機盡洩:「Very Very開心!應承咗嘉穎,狗咬都唔可以講,所以我哋只會去,其他嘢我哋唔可以講!」

馬國明被問到是否已請假出席婚禮,他說:「係就……恭喜佢啦……你問番佢本人啦!」而唐詩詠被問到是否夾了封嘴時,她先沉默一會再指:「因為我哋唔知道咩事。我要拍《解決師》,本身8月、9月都會有假,一早請咗假打算去旅行。真係唔好再問我啦!」至於陳凱琳的閨蜜「少婦聯盟」就口密得多,未有洩露風聲。