陳嘉儀離開無綫多年 全力照顧患病老伴
廣告
觀眾經常都話綠葉演員好重要，如果無咗一班老戲骨默默付出，劇集一定唔會咁出色！其中一位你一定認得、但又可能叫唔出名的資深女演員陳嘉儀，多年來參演劇集無數，演技精湛，但嘉儀姐早喺10年前已經離開無綫，原來係全心全意照顧患病的丈夫，老夫老妻仍然相當恩愛！
撰文：東方新地｜圖片：新傳媒
陳嘉儀為照顧老公離開無綫
1947出生的陳嘉儀現年已經71歲，同另一老戲骨一樣係無綫第一期藝員訓練班畢業生，多年來參演劇集無數，包括《山水有相逢》、《十月初五的月光》、《天子尋龍》，較近期的有《蘭花刼》、《老婆大人II》等。但嘉儀姐早喺10年前已經離開無綫，原因係要全力照顧患病的丈夫，認真愛夫深切！
老夫老妻恩愛出巡
雖然再無演戲，但陳嘉儀生活相當充實，除了照顧老公，得閒仲會做義工、湊孫仔等。日前嘉儀姐被拍得與老公食飯行街，二人表現恩愛，嘉儀姐更小心翼翼扶實老公出入。嘉儀姐回覆傳媒時，表示老公近年要經常出入醫院，自己負責照顧其起居飲食；又稱自己年紀唔輕，有時間一定以家庭為重，陪住老公！
常演媽媽、闊太
陳嘉儀外表甚有氣質，喺劇集中多演主角媽媽、貴氣闊太或是皇后等角色，其中《十月初五的月光》中，嘉儀姐就飾演馬浚偉的契媽。
無綫多年來重播過N咁多次的《天子尋龍》中，陳嘉儀飾演主角陳浩民的生母皇后，後來被害死。
延伸閱讀：
8對娛樂圈索爆姊妹花 鍾意家姐定妹妹？
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
