陳嘉儀

陳嘉儀離開無綫多年 全力照顧患病老伴

觀眾經常都話綠葉演員好重要,如果無咗一班老戲骨默默付出,劇集一定唔會咁出色!其中一位你一定認得、但又可能叫唔出名的資深女演員陳嘉儀,多年來參演劇集無數,演技精湛,但嘉儀姐早喺10年前已經離開無綫,原來係全心全意照顧患病的丈夫,老夫老妻仍然相當恩愛!

撰文:東方新地|圖片:新傳媒

陳嘉儀為照顧老公離開無綫

1947出生的陳嘉儀現年已經71歲,同另一老戲骨一樣係無綫第一期藝員訓練班畢業生,多年來參演劇集無數,包括《山水有相逢》、《十月初五的月光》、《天子尋龍》,較近期的有《蘭花刼》、《老婆大人II》等。但嘉儀姐早喺10年前已經離開無綫,原因係要全力照顧患病的丈夫,認真愛夫深切!

陳嘉儀
《山水有相逢》劇照,最右邊嗰位係司棋姐李司棋!
陳嘉儀
陳嘉儀與郭鋒同是無綫第一期藝員訓練班畢業。

老夫老妻恩愛出巡

雖然再無演戲,但陳嘉儀生活相當充實,除了照顧老公,得閒仲會做義工、湊孫仔等。日前嘉儀姐被拍得與老公食飯行街,二人表現恩愛,嘉儀姐更小心翼翼扶實老公出入。嘉儀姐回覆傳媒時,表示老公近年要經常出入醫院,自己負責照顧其起居飲食;又稱自己年紀唔輕,有時間一定以家庭為重,陪住老公!

陳嘉儀
倉底貨《蘭花劫》算係陳嘉儀的最後演出。

常演媽媽、闊太

陳嘉儀外表甚有氣質,喺劇集中多演主角媽媽、貴氣闊太或是皇后等角色,其中《十月初五的月光》中,嘉儀姐就飾演馬浚偉的契媽。

《十月初五的月光》劇照

無綫多年來重播過N咁多次的《天子尋龍》中,陳嘉儀飾演主角陳浩民的生母皇后,後來被害死。

喺《寫意人生》中飾演唐詩詠媽媽。
與歐陽震華、佘詩曼合作的《洗冤錄II》。
《鐵咀銀牙》劇照
《老婆大人II》劇照
《老婆大人II》劇照

延伸閱讀:

8對娛樂圈索爆姊妹花 鍾意家姐定妹妹?