陳嘉寶社交網站宣布誕女 農曆新年前出世！

撰文：東方新地｜圖片：陳嘉寶ig

陳嘉寶（Anjaylia）今日喺社交網站宣布誕女，仲宣布囡囡英文名叫Hosanna！Anjay更代囡囡留言同大家打招呼，指囡囡依家好健康，雖然暫時未能逐一回覆大家嘅留言，但仍感謝大家嘅祝福同關心！

延伸閱讀：

陳嘉寶Anjay宣布陀B半年

陳嘉寶早前被傳造人成功，因為一向細細粒勁纖瘦的Anjay被發現手腳帶點水腫、肚凸凸，似乎孕味甚濃！而Anjay終於喺網上親自公布喜訊：

「最近我身邊的朋友都在說我很奇怪，問我為甚麼做了運動之後手腳和臉瘦了這麼多，肚子的肉肉卻好像不減反增…現在謎底要給解開了！因為那不是單純的肉肉啊！那可是一個寶寶呀！哈哈……

另外Anjay在字裏行間似係暗示已陀B半年：

「感謝神的賜予，也要特別感謝我身邊的小天使們在過去半年來貼心的守護，謝謝你們時刻緊盯並照顧着我這個不羈大頭愛自由的人。我會繼續好好努力做好自己，不管是鏡頭前後的那一個身份，都會繼續盡善盡美。謝謝大家對我們的祝福，若果未能一一回覆，請多多包涵。願主祝福各位。」

上月陳嘉寶到峇里出席鄭嘉穎陳凱琳婚禮時，影相似乎都有刻意遮肚？

恭喜晒Anjay~

陳嘉寶 大牌檔影婚照夠貼地

早前Anjay嘅婚照終於曝光，影相地點竟然係新郎幾代土生土長嘅長洲，實在令人驚喜！Anjay表示男友家族幾代都係土生土長嘅長洲人，所以決定重返舊地！拍攝地點包括男友由細食到大嘅大牌檔、男友充滿回憶嘅小學等，充滿人情味又有意義！

Studio拍攝夠經典

不過Anjay就更喜歡喺studio影嘅一輯相，佢認為雖然整體比較classic，但就算多年後睇番都唔會覺得過時，而且現場有鮮花十字架布置，配合兩人嘅宗教信仰。另外Anjay自十幾歲就開始做兼職模特兒，放學後經常出入studio，有好多回憶同感情！