SO

陳子聰放料風波 蘇永康 鄭紹康隔空互片

陳子聰早前因為腸胃出現問題而入院接受治療,住院期間有太太何超儀悉心照料,病情終有好轉,回家休養。日前,徐濠縈IG流出一張陳子聰的消瘦近照,而呢張近照亦牽連起「放料」風波,子聰和阿徐的好友蘇永康,就指放料者係阿徐經理人鄭紹康,仲指鄭係家賊!有感蘇永康的言論影響個人誠信,鄭紹康已跟律師「傾下一步點做」!對此,蘇永康回應:「我律師都等緊佢,歡迎呀!」二人隔空互片,火藥味濃!

延伸閱讀︰

陳子聰近照被出賣 蘇永康插錯鄭紹康「家賊」

《巨輪II》陳凱琳登場 觀眾插演技浮誇

鄭紹康有阿徐做證

被指是「家賊」的「天下第一關」鄭紹康,除了已跟律師傾下一步點做,更拍片澄清自己非放料人: 「我對於蘇永康先生對我嘅指控,我有以下回應,第一,清者自清,第二,多謝徐濠縈小姐對我嘅信任,我係冇阿徐私人IG戶口的,阿徐亦已證實呢件事,唔該大家查清楚,而佢亦證實咗唔係我攞嗰張相嘅!」

蘇永康:我律師等緊佢

雖然鄭紹康有阿徐做證,但蘇永康仍咬住鄭唔放,仲寸爆說:「我律師都等緊佢,歡迎呀,我位御用大律師叫陳惠源先生,香港有好好嘅法律機制,不過首先我要問候吓鄭紹康先生,要叫佢全名先叫做尊重,我祝佢身體健康、身心康泰。(你之前都話係誤會,但事件沒完沒了,會否覺得好煩?)唔煩,煩到鄭紹康先生啫。」

全文完