陳家樂

陳家樂 港版男神彭于晏 暖男性格零架子

陳家樂入行15年,在播映中無綫劇《逆緣》中飾演「爺爺」備受讚賞,又因為演技突出成功上位兼入屋,好多人話陳家樂呢個機會本來係屬於鄭俊弘,但小編就覺得演員同角色相輔相成至可以產生化學作用,鄭俊弘渣男形象深入民心,「爺爺」個角色真係畀佢做,你估仲有冇咁多人鍾意呢?

撰文:東方新地|圖片:新傳媒圖片庫、陳家樂IG余香凝IG

陳家樂 暖男暖入心

入行15年一拍劇即被網民熱捧,仲話走漏眼足足15年,陳家樂自《逆緣》後人氣急升。

陳家樂
陳家樂在《逆緣》中飾演「爺爺」鍾定國成功入屋。
陳家樂
早前陳家樂去西貢拍外景,扮薯嘜又曬餐飽都毫無怨言。

除咗好戲勤力個樣仲生得似360度無死角男神彭于晏,實情陳家樂性格都真係似足彭于晏一樣係暖男,早排去到西貢拍劇開工,扮薯嘜又曬餐飽毫無怨言,等埋位見到佢同班幕後工作人員有講有笑至真係暖到入心!

陳家樂
拍完一個shot,陳家樂輕輕鬆鬆行埋一邊抖涼。雖然上緊位又被捧做港版彭于晏,但就一啲架子都冇,同幕後工作人員坐埋一堆有講有笑。
陳家樂
主動同工作人員吹水交流,冇擺架子!抵讚!

唔會因為自己拍開電影又做過歌手而自以為高人一等,所以話有今時今日,陳家樂值得擁有!

係時候要拎返起支結他 #兄弟班 #天台不變
Carlos Chan 陳家樂(@carlosbb)分享的貼文 於 張貼

祝各位偉大的媽媽母親節快樂!估下圖中嘅爺爺嗰陣幾多歲?!
Carlos Chan 陳家樂(@carlosbb)分享的貼文 於 張貼

陳家樂 有個9頭身女友

陳家樂《逆緣》中同林夏薇有感情戲,現實中亦有一位女神級女友,佢就係余香凝啦!24歲的余香凝模特兒出身,之前拍過唔少廣告,但可能大家比較有印象、或者最記得的,應該係佢4年前的冷氣機廣告啦!

余香凝樣靚仲有演技

身高175cm嘅余香凝樣貌標緻可人,有樣又身材就當然唔想做死一世模特兒,所以佢喺2014年就開始參與幕前演出,一開始拍港台的《總有出頭天》,上年就有份拍攝電影《骨妹》,演技備受認同,更憑《骨妹》獲提名上年金像獎最佳新演員。

菲林造型搶鏡

今年,余香凝亦有出席香港電影金像獎,衣著可謂云云女星中最有特色,造型向香港電影金像獎的經典香港電影和菲林致敬,上衣以膠製成,仲拎住個寫有「已走光」字樣的菲林手袋,實在非常觸目!

同陽光玩遊戲

鍾意海嘅余香凝仲會同屋企人一齊去同陽光玩遊戲,之前就試過同媽咪一齊著住泳衣去吹海風。

嘩!睇個背影都唔似係媽咪同個女囉!


余香凝話自己已經曬到好黑。

好想去陽光海灘的地方 但我已經好黑,再曬就不得了 🙎🏾‍♀️🙎🏾‍♀️🙎🏾‍♀️🙎🏾‍♀️🙎🏾‍♀️🙎🏾‍♀️🙎🏾‍♀️🙎🏾‍♀️
Jennifer Yu 余香凝(@jenniferyuuu)分享的貼文 於 張貼

但陳家樂就話自己好難曬黑,為咗變黑,下咗唔少苦功!

點解我咁難黑!點解!聽日再曬!
Carlos Chan 陳家樂(@carlosbb)分享的貼文 於 張貼

繼續曬😎
Carlos Chan 陳家樂(@carlosbb)分享的貼文 於 張貼

陳家樂 余香凝 激罕放閃

事實上,陳家樂同余香凝一直愛得低調,但近日兩人少有地晒情侶裝相放閃,見佢哋齊齊著住阿根廷波衫,不時又會一齊睇波,真係羨慕死唔少男士!有個女友唔會淨係問咩叫「越位」,唔會問碧咸有冇份踢,又著埋波衫陪你癲,夫復何求⋯⋯

睇波點可以自己睇呀?
Jennifer Yu 余香凝(@jenniferyuuu)分享的貼文 於 張貼

延伸閱讀:

夏文汐拍《逆緣》最緊張嘅係⋯⋯

夏文汐
夏文汐

《逆緣》驚現鬼影?《東張西望》緊急抽水