陳小春

陳小春靚靚Chilam化身賭神 展開最強親子旅行團

有家室仔女嘅明星們,都趁住復活節長假,帶小朋友出外旅行度假,講到陣容強勁,一定係呢團泰國布吉明星親子團,人腳係靚靚袁詠儀張智霖(Chilam)帶住魔童、陳小春應采兒同囝囝Jasper、蔡一智一家以及關心妍一家三口,一行十幾人浩浩蕩蕩去玩,真係夠晒熱鬧!
撰文:東方新地

陳小春靚靚Chilam化身賭神

靚靚袁詠儀張智霖(Chilam)帶住魔童、陳小春應采兒同囝囝Jasper、蔡一智一家以及關心妍一家三口,一行十幾人浩浩蕩蕩去泰國布吉旅行,大家一齊入住一間超豪華resort。此行同時為了慶祝蔡一智太太雪芳嘅生日,大人細路仲要有dresscode,齊齊換上花碌碌衫開party。

陳小春
靚靚、Chilam、陳小春等個個拎住隻啤牌唧都唔笑扮賭神。
陳小春
男子組操啤時相當認真。

呢班明星家長陪仔女游水、飲飲食食就當然走唔甩,亦自行安排大人玩動,就係鋤啤,講到玩啤牌大家都玩得好認真,連Chilam對住對手老婆靚靚,一樣唔會鬆手,靚靚亦眼神凌厲啤實Chilam,不過之後靚靚搞笑話大家係「賭城瘋人」。

陳小春
Chilam同靚靚玩啤牌時交足戲,靚靚更指大家係「賭城瘋人」。

本來大家唔係玩開嗰堆朋友,原來今次咁難得聚,全靠中間嘅好友蔡一智精心安排,令大家聚埋一齊去旅行放鬆吓。應采兒又留言指靚靚係「傳說中比我還凶的女人,幸會幸會」。睇見大家嘅合照玩得好開心,相信呢次旅程令大家都成為咗朋友﹗

陳小春
袁詠儀張智霖魔童、陳小春應采兒同囝囝Jasper、蔡一智一家以及關心妍一家三口等五家人齊齊到布吉旅行,絕對係最紅旅行團。
陳小春
一班索媽著上泳衣排排坐,雖然本來唔太熟,相信呢次旅程後成為朋友,最遺憾靚靚未有泳衣上陣。
陳小春
最先到達的蔡一智帶埋小朋友寫上歡迎字句,喜迎著上親子裝的Chilam靚靚一家三口。

延伸閱讀:薛家燕囝囝6月結婚 過大禮勁大陣仗