377df803-3647-4bfb-81e0-fce968acff95

陳展鵬傳獅子開大口扭計加薪 遭無綫大懲罰

陳展鵬接近三年冇劇播,早前播出《逆天奇案》收視口碑俱佳,有指陳展鵬與無綫傾洽續約時,以照顧病母及養家為由,要求加人工至年薪五百萬,與視帝級黎耀祥睇齊,有指無綫不滿他獅子開大口而作出連串大懲罰﹗
文:東方新地|圖:陳展鵬IG、東方新地

陳展鵬劇集收視創佳績

陳展鵬主演的《逆天奇案》在劇集收視低迷下,能在跨平台最高收視逾三十點,成為年度劇集收視之冠,有指無綫有見及此,立即安排三套劇畀陳展鵬,不過原來三套煎Pang都唔係男一,被指降呢﹗有指原來是無綫對陳展鵬的大懲罰﹗

陳展鵬 加薪 懲罰
陳展鵬超過兩年多冇劇播,早前其主演的《逆天奇案》播出,收視口碑俱佳,是收視福將﹗(圖片來源:陳展鵬IG)

陳展鵬要求加薪遭大懲罰 三劇做配襯

陳展鵬演出的三劇包括邵氏劇集《廉政狙擊》、《童時愛上你》以及《隱形戰隊》,都唔係男一。《童時愛上你》主線其實在張振朗及高海寧身上,陳展鵬角色原本是張頴康的﹗一眾Pang迷為偶像大感不值﹗煎Pang回應時卻話唔介意做配襯,更指公司安排視帝去襯張振朗,觀眾覺得好睇舒服便冇問題﹗

陳展鵬 加薪 懲罰
陳展鵬早前同太太單文柔夫妻檔接job,努力搵奶粉錢﹗(圖片來源:單文柔IG)

陳展鵬為養家跪低

有指陳展鵬降呢做配襯原來是公司對佢的大懲罰,有指陳展鵬以長期照顧病母,加上已成家又有女兒,一家長幼開支大增,故早前傾洽年底約滿的合約時,陳展鵬要求加薪到年薪五百萬並同黎耀祥睇齊﹗無綫不肯答應,更玩大懲罰,將視帝陳展鵬降呢在三劇做配襯,令為要養家活兒的煎Pang唔敢再扭計加人工,被迫就範﹗對此傳聞,陳展鵬回應傳媒時指這個傳聞價好可觀,笑言若是真的,好想同公司簽夠十年、十五年,不過他否認獅子開大口,並指現今時勢,各行各業都唔容易,應該同公司共度時艱,冇人會要求加人工﹗

陳展鵬 加薪 懲罰
陳展鵬與單文柔18年結婚,19年誕女,可愛囡囡陳諾瑤(Quinta)被父母錫到燶﹗(圖片來源:單文柔IG)

其後陳展鵬出席奧運活動時,對被指要求年薪五百萬,誓要同黎耀祥睇齊,陳展鵬搞笑話打個折,以468萬年薪,笑言會反要求簽夠十年,煎Pang又指與無綫合約非年尾到期,並指這段時間做好自己便夠了﹗

直擊陳展鵬氹單文柔追仔齊去天后睇中醫

視帝陳展鵬近年事業明顯有阻滯,一心再圓21年前的歌星夢有傳撻Q,之前原定播出的重頭劇《唐人街》被抽起,劇集不見天連入圍爭視帝的機會都冇。工作失意家庭得意,囡囡小豬比(陳諾瑤Quinta)氹得爸爸好開心,令陳展鵬甚為享受湊女生活,更萌生追個仔湊成「好」字,陳展鵬與單文柔頻頻睇中醫調理身體,靠中藥女暖宮男補腎,為求盡快一擊即中。

陳展鵬 加薪 懲罰
婚後的陳展鵬成為愛妻號,變成住家男人﹗(圖片來源:單文柔IG)

陳展鵬家庭生活排第一

事業上的不如意,陳展鵬看來並不太在意,與單文柔結婚兩年育有歲半女兒小豬比,煎Pang有妻女萬事足,每次接受訪問總把家人掛在口唇邊,社交網盡是一家三口放閃晒幸福的照片,據知44歲的煎Pang榮升人父後,對人生有另一種領悟,更加珍惜家人,希望與單文柔追多個仔,知情者透露:「煎Pang做咗爸爸成個人唔同晒,以前佢覺得男人要以事業為重,依家見到個女就冧,錢係要繼續搵不過唔係瞓晒身,小豬比已經歲半,佢覺得係時間生多個,係仔就梗係最完美啦!女佢都好鍾意,不過都要氹掂老婆Phoebe(單文柔)先,因為佢兩公婆都唔想假手於人,平時煎Pang要開工,都係Phoebe負責一對一湊女,生多個難度亦增加,二人世界嘅時間都會大幅減少。」

結婚兩年囡囡小豬比已歲半大,煎Pang既是好老公亦是暖男爸爸,對住妻女顯得特別溫柔。
陳展鵬既是好老公亦是暖男爸爸,對住妻女顯得特別溫柔。
囡囡小豬比肥肥白白非常可愛,不時與媽咪單文柔一齊在社交網為品牌做生招牌。
囡囡小豬比肥肥白白非常可愛,不時與媽咪單文柔一齊在社交網為品牌做生招牌。

陳展鵬為追仔全力補腎

正所謂有仔趁嫩生,31歲的單文柔有做開運動身子向來都好,不過44歲的煎Pang過去因拍劇捱壞了身體,需要不斷調理。煎Pang早年由亞視過檔無綫後備受重用,經常劇接劇無得休息,最高紀錄是連續53小時無瞓過,11年時拍攝劇集《叛徒》及《回到三國》,煎Pang只可以在來回兩個拍攝地點的時候,爭取時間瞌埋眼抖抖。煎Pang指當時無得瞓之餘,更要拍幾場跑山戲,令他感覺虛脫,成個人乾晒,好似沒有靈魂,全靠意志先頂到拍完收工。

煎 Pang《唐人街》早前臨時被抽起,《逆天奇案》和《超能使者》都未知幾時有得見街,已兩年冇劇上的煎 Pang近月行行企企專注湊女,曝光率持續低迷。
陳展鵬《唐人街》早前臨時被抽起,超過兩年冇劇上,早前《逆天奇案》終於播出,過去兩年幾陳展鵬曝光率持續低迷。
直擊43歲陳展鵬黯淡無光要補腎 氹單文柔追仔齊去天后睇中醫
《唐人街》播出無期﹗(圖片來源:陳山聰IG)
一心圓歌星夢的Pang早前與林夏薇一齊上《流行經典50年》獻唱,不過已錄好的新歌仍未可以推出。
一心圓歌星夢的Pang去年與林夏薇一齊上《流行經典50年》獻唱,不過已錄好的新歌仍未可以推出。

為了有能力照顧單文柔及小豬比,現在他變得更加錫身,據知情者透露:「煎Pang依家盡量唔會捱得咁辛苦,仲成日睇中醫進補同按摩,等自己放鬆吓,最近佢為追仔睇中醫,醫師同佢講男人想生仔最緊要個腎,好腰好腎好男人嘛!所以佢搵好多補腎嘅食療,Phoebe不斷買補品補湯水畀佢飲。」

產女已年半的單文柔面色紅潤狀態keep住好,煎Pang反而面黑黯淡無光,難怪需要長期睇中醫調理。
產女後的單文柔面色紅潤狀態keep住好,陳展鵬因過去拍劇捱壞,身體需要時間調理,難怪需要長期睇中醫。
這日煎Pang與單文柔拖到實現身中環,先去商廈辦事然後去歎咖啡,難得唔使湊女可以過甜蜜拍拖生活。
這日煎Pang與單文柔拖到實現身中環,先去商廈辦事然後去歎咖啡,難得唔使湊女可以過甜蜜拍拖生活。

直擊43歲陳展鵬黯淡無光要補腎 氹單文柔追仔齊去天后睇中醫

之後夫婦二人到天后睇中醫,單文柔睇完到煎Pang,現場所見,他們與醫師有講有笑,肯定是熟客仔。
之後夫婦二人到天后睇中醫,單文柔睇完到煎Pang,現場所見,他們與醫師有講有笑,肯定是熟客仔。

直擊43歲陳展鵬黯淡無光要補腎 氹單文柔追仔齊去天后睇中醫

之前陳展鵬與單文柔撇甩囡囡小豬比,拍拖出中環辦事,之後再一齊去天后睇中醫,二人輪流被醫師把脈,看來睇慣睇熟,等執藥期間兩公婆在區內周圍逛,又幫襯平民雜貨店買家庭用品,糖黐豆好恩愛,之後他們折返中藥店拎藥,拎走兩大袋中藥返屋企自己慢慢煲。暫時未有工開的煎Pang,靠中藥調理身體與單文柔集中火力再造第二胎,不過都唔可以歎慢板,因為煎Pang即將聯同陳煒、袁文傑,三位十多年的亞視舊將齊齊開拍新劇《黯夜守護者》(暫名),劇中的煎Pang飾演警員,因做臥底時發生意外而非常失意,視帝冇得hea,一旦開工就未必有精力造人,補品要加鞭先得喇!

行完街夠鐘折返中藥店,煎Pang一手拎住兩大袋中藥離開,單文柔負責收好張藥方。
行完街夠鐘折返中藥店,煎Pang一手拎住兩大袋中藥離開,單文柔負責收好張藥方。
煎Pang與單文柔孖住周街逛,買完髮型用品又在平民雜貨店買嘢,視帝都可以好貼地。
煎Pang與單文柔孖住周街逛,買完髮型用品又在平民雜貨店買嘢,視帝都可以好貼地。

直擊43歲陳展鵬黯淡無光要補腎 氹單文柔追仔齊去天后睇中醫

據知醫師叫煎Pang要多吃補腎的食物,早前煎Pang在社交網上載芝麻卷蛋的照片,問人有冇效用。
據知醫師叫煎Pang要多吃補腎的食物,早前煎Pang在社交網上載芝麻卷蛋的照片,問人有冇效用。

直擊43歲陳展鵬黯淡無光要補腎 氹單文柔追仔齊去天后睇中醫

讀者留言