陳展鵬演唱會海報「出事」驚現亞視味！網民平反：佢呢個LOOK有咩問題
廣告
視帝陳展鵬演技備受肯定，但最大致命傷係時不時衣著造型都出現「亞視味」，日前他在社交平台宣布即將係美國西雅圖開騷《Summer Dreams 陳展鵬演唱會》同當地粉絲見面，其海報設計就被網民直指「出晒事」喎！
陳展鵬演唱會︳海報設計超濃「亞視味」
成張海報design可以話係簡單易明，見到陳展鵬一個半身正面相係張海報正中央，而背景則係銀色水花波浪，文字亦好簡單交代舉行嘅時間地點、字體設計就係用手札體。網民見到後都好驚訝留言話「呢個graphic design 擺邊個artist上去都死喎」、「係張poster 重亞視味啫，佢呢個LOOK有咩問題」同時都好疑惑點解陳展鵬在TVB咁耐，都仲係有股超濃嘅「亞視味」，搞到呢今次演唱會海報都有陣味。
陳展鵬演唱會︳票價最貴要呢個價？！ 網民超驚訝
除咗海報設計，演唱會價錢都係引起網民討論，最平嘅門票賣美金79.99（約620元港幣），而最貴則係美金129.99（約1000元港幣），抵唔抵就真係見仁見智。不過目前售票網見到入座率已有9成，成績都唔錯。但有網民就完全唔知陳展鵬係歌手，仲留言話「佢有咩歌？憑咩開演唱會」，即刻被其他網友糾正話「佢歌手出身」、「其實佢唱歌幾好聽」。
陳展鵬演唱會︳一度獲唱片公司力捧！仲獲封「陳曉東第二」
其實係1998年正式出道嘅陳展鵬，早於係1994年入讀TVB藝員訓練班，但畢業後多數都係做臨時演員居多。直到1998年佢獲音樂人蘇德華賞識加入寶麗金，所以嚴格講應該係歌手出身。當年備受唱片公司力捧嘅陳展鵬仲封為「陳曉東第二」，但其後因面臨金融風暴，唱片公司被其他娛樂公司收購，所以陳展鵬先遭唱片公司解約再轉投亞視拍劇，期間都有唱下劇集主題曲好似《心有靈犀》就同小雪合唱。
陳展鵬演唱會︳重返TVB相隔5年先有得唱主題曲！最hit係呢兩首！
去到2008年陳展鵬重返TVB當然以拍劇為主，但等足5年先有機會唱下劇集主題曲，其中有幾首都算十分入屋，好似劇集《城寨英雄》、《巨輪》成績都唔錯。
圖片來源：rucocha@IG、nsnoqualmie casino、亞視月曆、snotickets售票網、《天性如此》MV截圖、《心有靈犀》MV截圖資料或影片來源：原文刊於NewMonday
