陳展鵬

人夫放假出去滾|陳展鵬曾頹廢爛蒲 撈地盤日薪300 與單文柔結婚因神推鬼㧬

最新娛聞

廣告

陳展鵬上J2全新節目《人夫放假約出去滾》接受阿Bob林盛斌訪問,打住邊爐講入行至今的辛酸史,仲被Bob重提亞視出的娘味月曆卡。陳展鵬承認當年好頹廢,有段時間愛上夜蒲,曾遇事業谷底的他走去做地盤散工,唔使睇人面色日薪300;捱足廿年終於見岸,陳展鵬遇埋真命天女單文柔,改變他的一生。

陳展鵬歌星夢碎

陳展鵬的人生並非順風順水,近年演戲為主的他,其實有個歌星夢未圓,那時候唱片公司寶麗金睇中陳展鵬想簽他做歌手,當時他只有18-19歲,唔知有經理人同冇經理人的分別,盲樁樁走去唱歌,搞到電視台工作全面停止,他說:「其實都好失望,喺TVB都做咗一段時間,本身想雙線發展,但就只能夠二選一,然後入咗去寶麗金唔夠兩年執笠。夢碎咗唔緊要,但冇錢,唔知之後點行,又唔想冇嘢入返TVB,唔想咁樣,然後好彩識咗出面電影公司人去拍電影,但唔夠一年又冇埋。」

陳展鵬 陳展鵬當年選擇入讀無綫訓練班後,覺得好開心好好玩,但事業上絕對不是順風順水,更可以說是不如意。
陳展鵬當年選擇入讀無綫訓練班後,覺得好開心好好玩,但事業上絕對不是順風順水,更可以說是不如意。(圖片來源:無綫影片截圖)
陳展鵬 陳展鵬對住Bob無所不談。
陳展鵬對住Bob無所不談。(圖片來源:無綫影片截圖)

陳展鵬事業低谷時

陳展鵬在訪問中直認自己生性頑皮,不過唔做犯法事,他表示入行後一高一低睇到好多嘢,他說:「嗰五、六年輸咗畀自己,做乜輸乜,個環境又差喎!我性格比較內斂,個樣又寸寸貢,唔會去主動搵人畀機會,後來愈來愈唔掂,焗住去敲門,臨時演員都去做吓,嗰時仲開始沉淪,去蒲吧唔知自己做乜……純粹去𥄫女,又冇錢,好頹廢。之後又教返打乒乓波又做地盤,地盤好搵日日Pay三嚿水,唔使睇人面色,做完嘢就走。」

陳展鵬 陳展鵬表示在事業低潮期做乜都唔掂。
陳展鵬表示在事業低潮期做乜都唔掂。(圖片來源:無綫影片截圖)
陳展鵬 有段時間全個人都負能量爆燈。
有段時間全個人都負能量爆燈。(圖片來源:無綫影片截圖)

被Bob嘲笑拍月曆卡

陳展鵬回憶當年辛酸,他說:「我諗每一個人入呢行都會有不如意,頭兩、三年都覺幾辛苦,辛苦係捱唔到,冇時間休息,我以前做運動員係11點瞓,但去到TVB凌晨4點起身,放工又天光先放。個時拍戲唔興有凳,係啲大哥大姐先有得坐,我哋就企,有時十粒鐘。個段時間係要捱囉,生活節奏同體能搞唔掂。」後來陳展鵬去亞視重頭做起,被阿Bob笑指當時受力捧月曆卡都排頭幾位,陳展鵬尷尬笑,他表示早年拍的電影與電視劇好虛火,由亞視再返無綫,人工由4萬減至1萬,陳展鵬話交租都要8,000蚊,本打算食老本三年再無起色就轉行,好彩又畀佢博到。

陳展鵬 Bob重提陳展鵬在亞視影的娘味濃月曆卡。
Bob重提陳展鵬在亞視影的娘味濃月曆卡。(圖片來源:無綫影片截圖)
陳展鵬
(圖片來源:亞洲電視圖片)
陳展鵬 陳展鵬與田蕊妮都是當年亞視力捧小生花旦。
陳展鵬與田蕊妮都是當年亞視力捧小生花旦。(圖片來源:亞洲電視圖片)
陳展鵬 2007年亞視劇《笨小孩》,是沒有鄭則士的「肥貓」式劇集,陳展鵬飾演自閉兒童,與鮑起靜合演母子。
2007年亞視劇《笨小孩》,是沒有鄭則士的「肥貓」式劇集,陳展鵬飾演自閉兒童,與鮑起靜合演母子。(圖片來源:東方新地)
陳展鵬 亞視年代的陳展鵬,與「游生」袁文傑爭做一哥,二人在2006年扮鬼扮馬,慶祝亞視播世界盃取得好成績。
亞視年代的陳展鵬,與「游生」袁文傑爭做一哥,二人在2006年扮鬼扮馬,慶祝亞視播世界盃取得好成績。(圖片來源:東方新地)
陳展鵬 亞視年代拍過唔少劇集。
亞視年代拍過唔少劇集。(圖片來源:東方新地)
陳展鵬 2001年台灣華視《新楚留香》,飾演安南國世子的溫良玉,與任賢齊飾演的楚劉香有合作。
2001年台灣華視《新楚留香》,飾演安南國世子的溫良玉,與任賢齊飾演的楚劉香有合作。(圖片來源:東方新地)
陳展鵬 去年被亞視小編將陳年劇集造型照變成炸雞閃卡!
去年被亞視小編將陳年劇集造型照變成炸雞閃卡!(圖片來源:東方新地)

老婆單文柔有初戀感覺

近年事業算得意,陳展鵬更遇上單文柔,結婚生女同年發生,好幸福,他在訪問中自爆當年單文柔選港姐做評判已有私心,評「最上鏡小姐」時畀單文柔最高分,不過憑他一人之力都幫唔到單文柔拎獎,陳展鵬話年幾後才真正與單文柔有接觸,仲好大膽話:「當年佢都冇依家咁靚……結婚因為神推鬼㧬」同埋「年年都有港姐,原來我浪費咗好多機會。」陳展鵬表示單文柔畀到一種初戀的感覺,而且為人好單純,有讚冇彈。

陳展鵬 陳展鵬表示與單文柔拍拖初期已有初戀感覺,很舒服。
陳展鵬表示與單文柔拍拖初期已有初戀感覺,很舒服。(圖片來源:IG@rucochan)
陳展鵬 陳展鵬一家三口不時放閃,囡囡小豬髀冧死爸爸。
陳展鵬一家三口不時放閃,囡囡小豬髀冧死爸爸。(圖片來源:IG@rucochan)

去片!《人夫放假約出去滾》陳展鵬訪問

陳展鵬笑指單文柔曾說唔鍾意靚仔,偏偏又揀佢,好矛盾,仲自爆曾求婚失敗,大讚單文柔嫁佢唔係睇錢份上。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@rucochan、無綫影片截圖資料或影片來源:YouTube@TVB