捱足五年成功洗底 陳山聰 繼續潮

當年同超雲拍拖時出入極高調衣著極浮誇,如今陳山聰捱足五年成功洗底,打扮極低調,不過全身黑背後依然不失潮山聰本色。

撰文:東方新地|圖片:新傳媒圖片庫、陳山聰IG

陳山聰 升呢做男一

經歷過高攀何家千金超雲一役失敗、慘被飛又一鋪清袋輸埋演藝形象後,陳山聰回歸電視台、跑步減肥,專心拍劇又再回歸平淡搵到個門當戶對好女友Apple,捱足五年,陳山聰終於成功洗底,第一次做到男一有得擔正新劇《金宵大廈》,仲話要勤力儲錢出年娶Apple過門咁話。

五年前身型曝脹、穿著浮洿,日日不事生產遊山玩水,五年後再喺街頭見到陳山聰絕對係另一番景象,雖然都係襯到足一身潮服,不過黑色帽黑色T黑色袋又黑色鞋,不知幾低調。去完中完辦完事,都係買個面包醫肚好慳儉,真係講到又做到,儲緊錢結婚喎!

當年同超雲拍拖時出入極高調衣著極浮誇,如今陳山聰打扮極低調,不過全身黑背後依然不失潮山聰本色。

去完中環寫字樓疑似辦完私務,陳山聰攞車返歸前見肚餓,都係去麵包店買個包醫肚。

途中被女遊客認出寒喧幾句又邀請合照,陳山聰個樣都極謙虛又合作。

攞完車臨走見到記者,山聰主動揮手講拜拜。

早前陳山聰在《天命》演乾隆私生子福長安,戲份極重。

新劇《金宵大廈》飾演不死人看更,首次擔正做男一。

究竟仲要做幾多世看更🧐😝🤩🤷🏿‍♂️ #金宵大廈 #六十年代 #劉旭輝 #阿蕭精神想到入神 #人生馬拉松🌈 #享受當下 #倒數一個月
陳山聰 Joel Chan(@joelshanchung)分享的貼文 於 張貼

現正拍攝另一套新劇《十八年後的殺人告白》,飾演黑社會一哥,有打擂台戲份,因此要瘋狂操肌!

最後階段🤟🏿🖤💪🏿😎🌈 #一哥唔易做 #十八年後的殺人告白 #挑戰自己 #心沒有放棄身體就會跟隨 #繼續努力 #人生馬拉松🌈 #crazyrunner @alan_leung_max_fitness @___match @sing_cheung @absolutefitnesshk
陳山聰 Joel Chan(@joelshanchung)分享的貼文 於 張貼

陳山聰 Joel Chan(@joelshanchung)分享的貼文 張貼

平日仲經常跑步keep fit,形象變得健康。

八月絕對係一個好的月份🖤🌈🤟🏿 Happy August ⭐️🤩 #享受當下 #人生馬拉松🌈 #好日子 #曬黑d先
陳山聰 Joel Chan(@joelshanchung)分享的貼文 於 張貼

陳山聰 Joel Chan(@joelshanchung)分享的貼文 張貼

陳山聰靠女友洗底成功 明年做老襯

由樂壇撈到去電視,歷經25年,尤其五年前被何家千金狠飛跌到谷底,去年台慶頒獎禮陳山聰終於奪得入行以來第一個「最佳男配角」獎項,難怪特別激動,谷爆眼淚感激一同陪伴度過低潮的身邊人,除咗形同父親的大哥外,另一個特別點名,正是「照顧我四年半的女友」。

近年眼見事業重步正軌,已經在多次訪問中表示當正女友係屋企人、將會努力儲錢買戒指,據知情人士透露,雖然哥哥在澳門打理家族生意係富戶、女友出身亦不差又有自己的美容生意,陳山聰還是和女友有共識,太過鋪張對形象無益,所以部署明年中與女友旅行結婚。

哥嫂當正弟媳

除了終於事業有成、到了適婚年齡,女友亦不介意自己過去外,知情人表示,老婆娶唔娶得過,陳山聰最看重還是大哥意見:「啱啱分手又未返電視台,阿哥叫佢返屋企幫手,山聰寧願月入8千去做sales,再加上形象差個個對佢指指點點,當其時真係好難捱。所以Apple嗰段時間已經同佢一齊又話唔介意佢過去,亦唔介意事業無成,唔止山聰覺得感動,大哥大嫂都睇在眼內。」

知情者續說:「經過四年幾相處,屋企旅行、聚會一定有Apple份,呢個女仔大方斯文又喺幾年時間內改變咗山聰,所以大哥大嫂都真係當咗佢係弟媳一樣。」

融入家中

換著以前,陳山聰可能未定性,有變數都唔奇,但近日山聰逐步確立女友未婚妻地位,看來,今次走唔甩!

讀者留言