陳康健

陳康健赤柱Busking 孖側田jam〈三十日〉|患罕見疾病 減少拍劇

大家記唔記得《超級巨星》出身的陳康健?日前側田上載一條短片,原來佢經過赤柱見到陳康健玩Busking,對其演出表示欣賞之餘,仲主動走埋去同佢唱番兩嘴〈三十日〉,市民大飽耳福!另外,陳康健原來患上一個罕見疾病,所以近來較少在劇集中亮相,不過佢依家定時都會喺唔同地方Busking,默默努力;而多得側田po片,大家都記番起陳康健其實好唱得!

撰文:東方新地|圖片:新傳媒圖片庫、Facebook

陳康健孖側田jam〈三十日〉

話說近日側田喺Fb上載短片,原來佢去赤柱時見到《超級巨星》出身的陳康健唱緊歌,熱愛音樂的側田不禁駐足觀賞,豎起姆指讚好!之後側田更主動上前同陳康健唱番兩嘴,一齊jam番首〈三十日〉!

睇片聽好歌:

網民睇完側田FB條片,都大讚兩把靚聲演繹〈三十日〉超精彩,有人稱陳康健的歌藝拍得住原唱者側田,感動人心!

Posted by 側田Justin Lo on Monday, 2 April 2018

巨聲幫陳康健

今年33歲的陳康健參加2009年《超級巨聲》出身,唱功了得不在話下,之後亦加入TVB展開其演藝生涯。由2011年開始參與拍劇,近年比較多戲份的劇集係《我瞞結婚了》及《實習天使》等。但最近愈來愈少喺電視劇入面見到陳康健出現,暫時佢最後一次出演的電視劇就係客串《誇世代》。

陳康健參加2009年《超級巨聲》出身
陳康健於《實習天使》中飾演肥陳
陳康健於《實習天使》中飾演肥陳
劇集《我瞞結婚了》

患病減產

陳康健幕前演出減少,原來係患上一個罕見的免疫系統疾病,據知呢個病只係每十萬至50萬人中先有一個人「中招」,會導致身體好多器官如胰臟、膽囊、腎臟、肺部等纖維化或增生腫瘤,情況可以好嚴重。有段時間陳康健身體真係非常差,完全拍唔到長劇,最多只可以客串演出。

 

幸而陳康健現時身體已經好番好多,唔再有一啲好嚴重的病徵,佢依家逢星期六下午12點至3點左右就會喺赤柱Busking,如果大家放假又去開赤柱的話,不妨去支持吓陳康健,留步欣賞好歌聲再同佢打打氣啦!

關鍵詞
側田