陳慧琳

陳慧琳演唱會尾場︱陳慧琳被歌迷感動淚灑舞台 預告或明年底香港開唱

最新娛聞

廣告

現年51歲的「樂壇天后」陳慧琳(Kelly)相隔4年再開演唱,首站便喺澳門舉行咗一連兩場《陳慧琳 Season 2 演唱會 澳門站》,昨日(1日)便是尾場演出,闊別舞台4年嘅佢,狀態大勇,身型fit爆以七套包含華麗、閃亮、性感、高貴及跳脫服飾、配以歷年經典情歌及跳舞歌再會歌迷。

陳慧琳 陳慧琳時隔4年再開演唱會。
陳慧琳時隔4年再開演唱會。(圖片來源:大會提供)
陳慧琳
(圖片來源:大會提供)

陳慧琳大曬29年前出道照

時隔4年再開演唱會的Kelly,除了精心炮製歌單,她亦分享了自己的內心世界。Kelly大爆在初出道時,因為當時的經理人Paco幫她找了神算子出紅色最旺Kelly,所以出道時她由宣傳照到出席活動,都是以紅色裝束示人,結果紅足20多年。大熒幕上更曬出陳慧琳20年前的青澀出道照,張張經典,連Kelly自己都話:「真係一見難忘啊,宜家叫我做呢啲動作都做唔返。」

陳慧琳 陳慧琳大曬29年前出道照。
陳慧琳大曬29年前出道照。(圖片來源:大會提供)
陳慧琳 Kelly笑指:「宜家叫我做呢啲動作都做唔返。」
Kelly笑指:「宜家叫我做呢啲動作都做唔返。」(圖片來源:大會提供)

陳慧琳感觸淚灑舞台:唔知仲可以企多幾多年

Kelly續指:「其實我又唔係好信呢啲嘢,但又會諗返起,如果當年唔係著紅色,今日又輪唔輪到我企喺呢個台呢?又唔知可唔可以再企耐啲呢?」這時台下歌迷尖叫聲不斷,瘋狂叫喊Kelly的名字,看到如此熱烈的反應,Kelly最終忍不住哭起來,並說:「唔知仲可以企多幾多年呢?呢啲都係唔好諗咁多喇,自然啲啦!」

陳慧琳 Kelly一度感觸哽咽。
Kelly一度感觸哽咽。(圖片來源:大會提供)
陳慧琳 Kelly指不知道
Kelly指不知道(圖片來源:大會提供)
陳慧琳
(圖片來源:大會提供)

好友馮德倫力撐做嘉賓

此外,Kelly今次演唱會邀請到好友馮德倫現身開金口。自從轉做導演之後,馮德倫就一直未有再在公開場合唱過歌,今次特意為Kelly大開金口,更一同合唱當年的hit爆K歌《紀念日》和《北極雪》。馮德倫在台上表示:「我唔單只好耐冇唱過呢隻歌,我仲要係好耐冇唱過歌。」Kelly即笑言:「聽得出!保持返20年前嗰個水準,都OK嘅。」接著二人在台上不斷互派高帽,互讚對方Keep得好,二人你一言我一語,逗得台下歌迷笑聲不斷。

陳慧琳 馮德倫難得為Kelly時隔20年再開金口,二人合唱當年hit爆金曲《紀念日》、《北極星》。
馮德倫難得為Kelly時隔20年再開金口,二人合唱當年hit爆金曲《紀念日》、《北極星》。(圖片來源:大會提供)

用誠意打動馮德倫:佢考慮咗一個月

Kelly在演唱會過後接受訪問時,指今次邀請馮德倫做嘉賓絕非易事。Kelly指三個月前已經開始問馮德倫做嘉賓:「佢都考慮咗一個月至答應,因為佢太耐冇唱過歌了,我就用我嘅誠意打動咗佢,我就話你鍾意唱邊首都得,我可以同你一齊唱,佢最後就話好啦!我就嚟做你演唱會嘉賓啦!」

陳慧琳 Kelly演唱會過後大爆馮德倫考慮足成個月先答應做嘉賓。
Kelly演唱會過後大爆馮德倫考慮足成個月先答應做嘉賓。(圖片來源:大會提供)

預告或明年底香港開唱

除了歌迷,屋企人亦因為假期有前來澳門看Kelly的演出,而且看得很開心呢!而澳門站過後,Kelly透露:「稍後會去美加,星馬等地,香港應該明年年底,呢段時間再儲多啲靚歌俾大家聽啦!」不過因為香港場館檔期很搶手十分難Book,Kelly的歌迷或者仍要等等了!

陳慧琳 Kelly透露將於明年年底開香港場。
Kelly透露將於明年年底開香港場。(圖片來源:大會提供)

陳慧琳 Season 2 演唱會 澳門站》尾場歌單

1. Ask
2.都是你的錯
3. 開始
4.三秒鐘
5.愛你愛的
6.醉迷情人
7.懦弱
8.我的親人
9.數到三就不哭
10.伶仃
11.談情的價值
12.花花宇宙
13.烈愛成灰
14.北極雪(guest:馮德倫)
15.紀念日 (guest:馮德倫)
16.愛情來了
17.花花世界
18.誰願放手
19.風眼
20.風花雪
21.一切很美只因有你
22.最佳位置
23.最愛演唱會
24.記事本
25.戀愛情色
26.不得了(〈花花宇宙〉國語版)
27.不如跳舞(〈失憶周末〉國語版)
Encore

28.星夢情真
29.對你太在乎

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:大會提供