陳敏之

陳敏之從演最激一次!濕身露bra 浴室激戰唐文龍

最新娛聞

廣告

台慶劇《溏心風暴3》播出至今評價好壞參半,原班人馬集集嗌交,好唔好睇就見仁見智啦,不話陳敏之同唐文龍的一段孽緣就勁有話題性!昨晚一集敏之先濕身露黑bra引誘唐文龍,之後再上房床戰,仲有場火辣浴室親熱戲!絕對係陳敏之從演最激一次!

陳敏之從演最激一次!

早前劇情講到陳敏之飾演的黃以愛,終於姣得唐文龍飾演的人夫Nic歸,上演一幕火辣床上纏綿戲。事後敏之本來抱着不想破壞別人家庭的心態,毅然決定到上海發展,話可以大家當咩事都無發生過~

濕身誘惑

但敏之其實一直都未能忘記唐文龍,所以揸揸吓車就跳落車淋雨,欲以雨水淋醒自己。不過最後都係唔成事,敏之最終都係回到公司搵唐文龍講數,咁就名正言順玩濕身誘惑啦!

進擊的小三

進擊的敏之殺到上嚟,唐文龍一開始好堅定,話自己有家庭,唔可以繼續下去。點知敏之就係唔介意做小三,講到明唔會騷擾對方老婆同個女,只要唐文龍俾少少時間佢就得……

喱士黑bra誘惑

不過小三敏之明白講多無謂、做就最實際,緩緩除下西裝外套,白恤衫鈕扣逐粒解開,喱士黑Bra誘惑!敏之仲慌死唔夠吸引,捉住唐文龍隻手摸落去!

辦公室打得火熱

唐文龍本來仲係欲拒還迎,但最後都係頂唔順要就範,喺辦公室打得火熱!

回家最好不過

喺office始終就住就住,敏之同唐文龍之後咀到返屋企,上到大床繼續瘋狂車輪戰,唐文龍仲雙手一嘢扯低敏之條bra帶!呢幕除了敏之玉背吸引外,唐文龍對麒麟臂同樣吸睛!

陳敏之上房待命

唐文龍正式成為出軌的男人,仲成為主動的一個,話自己有兩個小時空檔,想見一面!於是敏之就上房待命,沖乾淨涼換定浴袍等佢!

話明得兩個小時,當然要把握時間,見面即開波!

火辣浴室激戰

之後敏之同唐文龍再上演一場火辣辣浴室親熱戲,真係令人回想起《幕後玩家》翠如BB同蕭公子嗰一幕!今次《溏心3》演出都可算係敏之從演以來最激一次,唔知敏之老公有無睇到眼火爆呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!