陳敏之

囝囝發高燒患流感 陳敏之自責除夕玩到凌晨xx點!

今年除夕倒數派對,陳敏之帶埋仔仔同老公同好友慶祝,仲大讚阿仔好叻可以撐到2019年凌晨。點知,昨日敏之發現2歲囝囝高燒不止更確診流感,令敏之非常自責,並提醒大家要小心身體。

撰文:[email protected] kiss、東方新地 | 編輯:東方新地 | 圖片:陳敏之IG

陳敏之囝囝發高燒確診流感

近日天氣轉涼,除夕更低見12度,是入冬以來最為凍的日子。加上踏入流感高峰期,衛生局更呼籲市民要小心身體。但喜慶當前,當然會樂而忘返。除夕夜,陳敏之相約友人黃翠如、蕭正楠、洪永城等人舉行倒數派對,仲帶埋2歲囝囝一齊跨年,直踩到凌晨先返屋企。

第二日,唔知囝囝雷子樂是否休息不夠,除夕過後開始身體不適,一直高燒不退。敏之心急帶阿仔去醫院,原來囝囝是中了流感。

敏之自責留言話:「心情跌到谷底 BB昨晚一直高燒,燒到塊面紅卜卜,吃了藥都未退,反反覆覆,今天一早帶他去看醫生,原來中了流感,我心如刀割,是媽媽不好,帶你去玩,玩到太夜,吾夠休息中咗招 看見你受苦,我是多麼內疚和自責,希望你快點好起來,媽媽帶你去睇車車 大家也要小心身體!有唔舒服記得睇醫生檢查一下!」

敏之透露,囝囝帶了第一支流感針,未達第二支就中招。所以今次流感高峰期大家真係唔好輕視呀!希望敏之仔仔早日康復,努力對抗病魔。

之後,敏之更溫馨提示家長們,佢留言話:「衛生局發出的通知:這次的流感很嚴重,有預防的方式,就是要保持喉嚨黏膜的濕潤,不能讓喉嚨乾燥,因此一定不要忍耐不喝水,喉嚨的黏膜乾燥 ,在10分鐘內病毒就能入侵體內。每次喝50-80cc的溫水,孩子30-50cc,依年齡大小,覺得喉嚨有點乾就喝,不要考慮,也不要忍一下,手邊要保持有水可以提供喝才行,水不用一次喝很多,那樣是沒用的,很快排出體外,而是要一直保持喉嚨濕潤不乾燥才是正確。在3月底前,人多的地方暫時不要去,坐地鐵或公車,有需要便請帶口罩。炸物辣食先暫停,維他命c要補充夠。(大家把這條信息發到家長群里) 疾控中心提醒:近期流感特點:1 快速高燒,不易退,退燒後再次發熱。2 燒後轉入咳嗽期,持續時間長。3 兒童居多。4 成人以咽部症狀為重,伴頭痛和周身不適。5 傳染性強。」

「索腿天后」陳敏之大曬布吉水著相

講開陳敏之,去年10月佢同老公飛到泰國布吉慶祝結婚周年,一眾好姊妹如嚴淑明、《東張西望》主持容羨媛都有同行,大家周不時發佈吸睛水著相大派福利。

陳敏之指今次旅程有專業攝影師,驟眼一看,敏之的水著照不論陽光或倒影都拿捏不錯,難道攝影師就係敏之老公?

好友嚴淑明都有同行,網民大讚有肉地又吸引。

《東張西望》主持容羨媛亦都有在社交平台派福利,老公也有份參與旅程。

幾位好友到布吉旅行,看起來玩得相當開心。而沒有在敏之的布吉照出現的老公,終於在這張大合照露面了。(陳敏之後面)

最令人觸目的相信是陳敏之這張照片,戴著黑超躺在大水泡上大騷長腿,加上攝影師的專業攝影手法,令敏之雙腿長上加長! 目測50吋,非常誇張,不過相信都是角色的重要性。大批網民紛紛留言大讚索媽、長腿,不過也有網民指:「對腳似乎長過龍。」

陳敏之 心情未受影響

陳敏之嫁得富貴,老公係燈具公司老闆,兩年前又生埋寶貝仔雷子樂,榮升靚媽,不過婚後陳敏之並唔甘心做幸福少奶奶,餵緊人奶已經復出拍攝《溏心風暴3》,兩年來一邊湊仔一邊拍劇,仲一邊積極參與旗下曲奇餅店工作,身兼多職。呢期幫無綫拍緊兩線劇集《鐵探》同《解決師》,又要忙住餅店中秋宣傳工作,難得萬能媽媽敏之一樣抽到時間陪阿仔,日前就被 本刊發現抱住囝囝,由司機接載到九龍城歎墨魚丸粉。

陳敏之
繼廣州開分店招聘專才激嬲網民後,月初陳敏之有份的曲奇餅店再被入稟申請清盤,敏之解釋事件已經在解決中,心情不受影響,日前就湊住囝囝去九龍城歎墨魚丸粉。

年尾囝囝就滿三歲,敏之接受本刊電話訪問時自爆係九龍城墨魚丸粉名店忠粉,當日接埋囝囝放學去朝聖:「阿仔一歲開始返playgroup,今年仲返緊兩間,我同佢都好鍾意食嗰間嘅墨魚丸粉,老闆娘又好錫佢,成日會請一碗仔畀子樂食!」至於開業三年的曲奇餅店近日都算係多事之秋,前排因為廣州分店招聘內地專才廣告搞到有網友不滿,月初再被前股東入稟高等法院申請清盤。據悉股東多擴張又極速,餅店因此有股東對於公司生意方針有異議,致搞出退股入稟風波,不過敏之只屬眾多股東之一,既然事不關己,自然仔照湊、劇照拍,繼續安守本份做好餅店生招牌,趁住中秋,梗係變身送禮勤,老友同事拍劇拍檔人人有份永不落空!

陳敏之
食完再買埋外賣,離開時見到在車外等候的囝囝,陳敏之即時母性大發,冧樣出晒嚟。
陳敏之囝囝
兩歲十個月雷子樂由司機抱實等媽媽,肥肥白白又精靈,一見媽媽即時手指指好雀躍。

𝕊 ℍ 𝔸 ℝ 𝕆 ℕ ℂ ℍ 𝔸 ℕ 陳 敏 之(@sharonchanmanchi)分享的貼文 於 張貼

狂送月光寶盒

雖然有股東糾紛搞到曲奇餅店被申請清盤,不過敏之就話對公司生意全無影響,臨近中秋,餅店仲大手筆搵專人設計月光寶盒月餅禮盒,生招牌陳敏之更人人有份,周圍送畀拍檔老友,除咗下列咁多位仲有唐詩詠、胡杏兒等有份收禮。

𝕊 ℍ 𝔸 ℝ 𝕆 ℕ ℂ ℍ 𝔸 ℕ 陳 敏 之(@sharonchanmanchi)分享的貼文 張貼

閨密嚴淑明、黃潼

Louis Yuen 阮兆祥(@yuenlouis)分享的貼文 張貼

《溏心》舅父仔阮兆祥

𝕊 ℍ 𝔸 ℝ 𝕆 ℕ ℂ ℍ 𝔸 ℕ 陳 敏 之(@sharonchanmanchi)分享的貼文 張貼

《解決師》男朋友唐文龍

𝕊 ℍ 𝔸 ℝ 𝕆 ℕ ℂ ℍ 𝔸 ℕ 陳 敏 之(@sharonchanmanchi)分享的貼文 張貼

《富貴門》老竇許紹雄

陳敏之:唔會怕咗做生意!

記者:有冇因為舖頭最近糾紛影響心情?

陳敏之:完全冇!之前都對外回應過,係其中一個股東問題,一定搞得掂,總之間舖頭就係好健康正常運作咁,我唔想講太多,因為始終股東 中我係高知名度,件事搞到上報紙,都係因為我。

記者:官司依家去到咩階段?

陳敏之:其他股東搞緊,因為唔係我問題,所以交咗畀佢哋處理,係處理中,好快搞得掂。

陳敏之

記者:會唔會怕咗做生意?下次搵股東要小心啲?

陳敏之:梗係唔會!唔係我錯,又唔係其他股東有問題,係其中一個人個別情況。我覺得大家都上咗一課,學到啲嘢,下次做生意有啲問題就會更小心處理、更加要搞得清楚。

記者:要拍劇要湊仔又要顧生意會唔會兼顧唔到?

陳敏之:唔會,對於做生意呢樣嘢我都仲係好有興趣。其實餅店以外我都搵緊 舖位搞緊其他嘢,等遲啲落實先至通知大家。今次精簡啲、拍檔人數少啲,希望繼續喺商場學吓嘢!

陳敏之
三年前陳敏之有份投資的曲奇餅店正式在港開張,短短三年內擴張至十九間分店、開到上廣州。不過生意大、股東又多,股東之一陳敏之功能主要都係做生招牌。

同場加映:《溏心3》同唐文龍激戰

加入無綫17年,39歲陳敏之曾於11年憑《怒火街頭》演「索腿天后」奪「最佳女配角」,今年再下一城,憑《親親我好媽 》有份競逐視后,而產後復出的《溏心3 》,近日更引起網民熱話,成為全劇焦點!首被安排加入《溏心3》演出,敏之唔介意做被非議的小三角色,要勾引人夫唐文龍﹐做咗人妻人母,大膽程度更勝做女嗰陣。據知情者透露:「自從舊嗰班花旦走晒,眼見阿田定欣已經上晒位,自己喺TVB已經17年,敏之覺得呢個都係好時機要突圍而出,所以有機拍《溏心3》,佢真係好搏,知道有好多情慾戲,好似同唐文龍有床戲要除剩個bra,又要被摸胸,連場激咀場面,但因為知個角色好大發揮,佢都豁出去投入去做,最緊要做到出嚟有話題夠份量夠noise去爭獎!」

陳敏之
敏之在《溏心3》飾演夏雨女兒,小時候因為浸親,畀爸爸打而有童年陰影,性格內向,收埋自己,直至遇到唐文龍,不顧一切去愛對方,更多番主動引誘人夫,日前一場床戰,敏之自動獻身除衫,全程火辣辣。
陳敏之
敏之主動除去白色小背心,同唐文龍激戰更露出白色bra,挑戰電視尺度。敏之亦承認第一次演咁大膽角色!雖然係一個反面教材,但之後會帶出父母夏雨同司棋姐對佢嘅愛!其實故事係有鋪排的!
陳敏之
明知林文龍是有婦之夫,仲有個女,敏之仍不顧一切要得到男方,其中一場戲,更跑上對方office,主動拉對方手摸胸。
陳敏之
陳敏之產後上圍升級,拍《溏心3》同林文龍有唔少除衫激情戲,谷胸演出好有睇頭。
陳敏之
一連串的情慾戲,陳敏之都做主動!除咗床戰及浴室纏綿,二人在上海酒店泳池水戰,意識相當大膽!

冇同老公備案

不過話晒老公係圈外人,未必能接受老婆演出咁大膽,敏之事 前更冇同老公備案,就係唔想有太多顧慮。好友爆料:「最初佢都擔心老公會介意,所以事前佢都冇同老公講個角色有咁多情慾戲,依家拍完,佢先同老公講番,仲叫老公如果真係頂唔順就唔好睇!重產後兩個月,陳敏之即接拍《溏心3 》,最唔捨得當然係寶貝仔雷子樂。據知情者透露:「啱啱知道有咗就接到呢個劇本,雖然知道生完要即刻開工,但係敏之覺得難得拍到《溏心3 》呢個劇,而且個角色仲咁有發揮,佢好快就決定接拍,但話晒個仔啱啱出世冇耐,佢真係好唔捨得,加上嗰時仲餵緊人奶,開工仲已經冇覺好瞓仲要泵奶,然後搵工人送返屋企,好彩有媽咪幫佢照顧個仔,佢先至放心。」正因為產後不久就要同唐文龍埋身激戰﹐她更一度擔心會滲奶。敏之笑說:「唐文龍胸肌太勁啦!壓落嚟個心口抖唔到氣,嗰時我又谷緊奶﹐拍時幾驚會滲奶!」

陳敏之
同老公拍拖十年於14年拉埋天窗,陳敏之相當長情,不過老公雷偉信一直非常低調,唔太鍾意曝光,兩人少有一齊出席公開場合!

未試過演得咁盡

陳敏之喺《溏心3》晚晚同唐文龍肉搏,敏之老公同唔嬲咩?敏之接受本刊記者訪問時直言老公冇睇到激情戲,敏之都勸佢唔好睇,笑言怕睇到會爆血管而非呷醋!

記:喺《溏心3》入面,你個角色好大回響,有冇信心攞奬?
陳:真係冇諗過獎嘅問題,自己亦都冇乜大信心,反而係個角色得到大家關注,自己好開心。
記:最初接到劇本,係咪已經知道有咁多情慾戲?
陳:都知嘅!但當然冇咁細緻,家豪哥好細心同我分析個角色,呢個角色係好有發揮,我未試過演出可以演得咁盡,唔單止係講情慾戲,本身個角色係有好多內心戲!鋪排帶出好多訊息!個ending大家更加唔會估到!

記:係咪一睇到劇本就決定接?
陳:我一路都好鍾意睇《溏心風暴》,冇諗過自己會有機會演出,今次係一個新加入嘅角色,好難得有一個咁多發揮嘅角色畀我,所以都好快決定接!嗰時唯一係擔心自己啱啱生完BB,狀態夠唔夠好。
記:係咪個角色都好難演?
陳:一嚟係,加上自己啱啱生完BB ,都好擔心個狀態可唔可以適應到,好彩到開拍嘅時候,自己已經坐完月,身體狀態恢復得好好,咁知道要做呢個角色,自己亦有keep fit,好彩依家出嚟效果都唔錯,唔覺自己肥!

敏之:老公冇睇,好彩老爺奶奶開通!

記:咁多情慾戲,老公有冇睇?
陳:佢有追《溏心3》嚟睇,不過嗰啲戲(情慾戲)佢都盡量避開唔睇,老公冇睇到激情戲,我都勸佢唔好睇,怕睇到會爆血管而唔係呷醋!咁啱呢兩集,佢都出咗街,咁我都怕尷尬嘅,都唔想一齊睇,都有叫佢不如出街啦!我媽咪有講笑話:『你因住畀你老爺奶奶鬧呀!』咁我就話老爺奶奶好開通㗎,好明白事理,知道我做緊戲,佢哋唔會鬧嘅!

記:拍之前係咪冇同老公備案?
陳:我哋都一齊十幾年,佢好支持我嘅工作,其實大家好有默契,唔會專登講拍啲乜嘢,好似有時啲衫性感啲,亦唔會專登講,佢覺得有唔妥就會開聲!咁佢都知道係演戲,唔係真實嘅我!
記:同唐文龍拍時有冇尷尬?
陳:一般觀眾以為床上戲好容易拍,又問會唔會尬呀!首先投入咗角色完全唔會尷尬,同埋你哋見到浴室嘅戲好凍,大家著好少衫,大家會諗點樣先拍得靚,我哋前面有好多攝影師、好多人圍住,其實唔係好似外間諗到得兩個人嘅事!其實每場戲我哋都會事先傾好先拍,因為要做到恰到好處唔可以過火,自己都好努力去揣摩角色,加上啲情慾戲都係擺到好後先拍,大家已經熟絡咗,咁我哋都好專業,唔會尷尬!

記:嗰時BB啱啱出世,會不會覺得犧牲咗湊B嘅時間?
陳:始終做咗呢行咁耐,我都習慣咗,一拍劇就會好忙,不過因為嗰時自己餵緊人奶,係會辛苦啲,因為每幾個小時就要泵一次奶,好彩監製導演同啲演員都好體諒我,而且泵完奶個人係比較攰!雖然嗰時每日只係瞓得三個鐘,但大家一齊拍戲好開心,完全唔覺辛苦!

《性在有情》 同樣大膽

事實上,近期陳敏之接拍劇集,角色大都非常大膽,人妻婚後完全冇底線同顧慮。同張兆輝合作嘅《性在有情》,要做性治療師嘅角色,為此約見真正嘅性治療師攞資料,劇中亦有多場床戲。努力沒有白費,陳敏之憑《溏心3》提名無綫頒獎禮的「最佳女配角」,又憑《親親我好媽》角逐女主角,好友透露: 「《 溏心3 》係台慶重頭劇,隨時係頒獎禮大贏家,敏之個角色楚楚可憐又多發揮,敏之最想呢個角色攞獎。」

關鍵詞
陳敏之